منتديات احباب عرب  



العودة   منتديات احباب عرب > القسم الادبي > كرسي الاعتراف



حصري بدر المانع من جديد مع المرزوقي

السلام عليكم ورحمه الله وبركاته .. طبعا الاداره ما زالت مصره انها تسكر مواضيعي في كل المنتديات . ولما جيت على القسم العام كذلك اغلقوا الموضوع !!! طيب القسم

إضافة رد
 
LinkBack أدوات الموضوع انواع عرض الموضوع
  #1  
قديم 07-20-2012, 07:21 PM
الصورة الرمزية حمد السوداني
حمد السوداني غير متواجد حالياً
 
تاريخ التسجيل: Dec 2011
المشاركات: 44,695
معدل تقييم المستوى: 51
حمد السوداني is on a distinguished road
موضوع منقول حصري بدر المانع من جديد مع المرزوقي

السلام عليكم ورحمه الله وبركاته .. طبعا الاداره ما زالت مصره انها تسكر مواضيعي في كل المنتديات . ولما جيت على القسم العام كذلك اغلقوا الموضوع !!! طيب القسم العام هذا فيه كل شي .. فيه سياسه ومذاهب و معلومات .. اشمعنى لما تجي على تنبيه الناس على واحد جالس يغش الناس ومن المنتدى نفسه يتوقف الموضوع !!!!!!!!!!!!!!!!!!!!! صراحه السؤال محتاج تفسير .. والآحلى انهم نقلوا أحد مواضيعي لقسم بدر نفسه .. يعني انا بيني وبينه مشكله وينقلون موضوعي عنده في قسمه .. شو تتوقعون يعني !!
المهم في اخوان نبهوني انه بدر رد علي .. وحبيت انقل لكم رد بدر وردي انا ( المرزوقي )
انا قرأت رد بدر المانع ورديت على كله نقطه قالها .

اللي يحب يعرف قصتي من الاول مع بدر يروح على هذا الرابط وبعدين يقرا الردود هنا ...

https://www.toyota4arab.com/forum/t241339.html#post3223397

ملاحظه : احتمال بدر المانع يسكر الموضوع لانه هذا الرابط في قسمه ولو خلاه تعتبر شجاعه محسوبه له

وهذا ردي على بدر المانع في كل نقطه يقولها :


طبعا في كلام كثير من ترحيب وغيره . هذا ما يهمنا . اللي يهمنا النقاط الأساسيه

بدر المانع :
اولا
ولا في اي مره اتصلت وتم تجاهلك بل تم استقبالك بكل صدر رحب وكل احترام وانت ذكرت هذا في كلامك والرجال ينربط من لسانه

رد المرزوقي :

أولا : بالنسبه لتجاهلك مكالماتي على ادعائك . الظاهر اخي الكريم جالس تقرا في موضوع ثاني مش موضوعي انا !! . ارجع اقرا الموضوع مره ثانيه واتحداك لو انا قلت الرجل تجاهلني !! واذا تقصد كلمه " لا هو اتصل ولا انا اتصلت " في آخر الموضوع . هذا معناه بعد اخر مكالمه صارت بيني بينك عن اعطائي 100 سي دي وبدون ضمان .. بعدها انا ما اتصلت فيك ولا انته اتصلت وهذي مش معناها تجاهلتني . والكلام مفهوم جدا ما يعنيه ابدا انك تتجاهل مكالماتي !! ..


بدر المانع :
ثانيا
من اول مكالمه كذبت فيها وقلت السي دي مايشتغل على سياره امريكيه ولما علمتك الطريقه واشتغل سكت
واشهد الله على كلامي هذا وعليك

رد المرزوقي :
ثانيا : عن سالفه السي دي ما يشتغل الظاهر انك تنسى يا بدر .. اول سي دي شغلناه على اللكزس ما اشتغل وطلبت مني اجرب واحد ثاني وفعلا اشتغل . فالسي دي الاصلي اللي عطيتني اياه ما يشتغل حصري بدر المانع من جديد مع المرزوقي .. والسي دي الثاني نعم اشتغل .. وابشرك بعته ب400 درهم على حسب ما قلت لي " لا تنزل في الاسعار لانه سيدياتي اصلية" وبعد شهر ونص رجع الرجل ومعاه السيدي خربان . هذا السي دي الاصلي اللي قلت لي عنه ورجعت شغلت له سيدي ثاني والله يعلم لو اخترب ولا لا .. وطبعا الضمان سنتين على كلامك .. والرجل موجود عندي واي شخص محتاج يكلمه ويفهم منه القصه ما عنده اي مشكله عشان ما اظلمك ولا تظلمني .



بدر المانع :
الثالثه
اتصلت وقلت عندي مرسيدس ركبت عليه السي دي وماشتغل
قمنا ارسلنا لك مبرمج من السعوديه وبمجرد ماوصل ركب السي دي للعميل اشتغل
وهذا مذكور بكلامك
واشهد الله على كلامي هذا وعليك
ثالثا : بالنسبه لسالفه المرسيدس , طبعا صاحب المرسيدس اتصل فيني عن طريق اعلان في احد المنتديات وطلب مني اجي لعنده اركب له الخريطه . وطبعا رحت للرجل في الشارقه . رجل كبير في السن وركبت له السي دي وما اشتغل ولا طاع يسوي دانلود .. والطريقه تراها سهله مش اختراع وانته طبعا ساعدتني في التنزيل . المهم اتصلت فيك وقلت السي دي شغال ( سي دي الدانلود هذا بايعنه علي 700 درهم ) . وللحين السي دي تبع المرسيدس موجود واتحداك لو انه اشتغل على السياره نفسها لاني حرمت اجربه على سياره ثانيه . . . طبعا انته طرشت مندوبك بعد اسبوعين مش نفس الوقت ولما راح وركب السي دي اللي عندك اشتغل . بعدها بيومين بالضبط اتصل فيني صاحب السياره زعلان . يقول انته مركبلي سي دي قديم جدا جدا . شارع الامارات مش موجود اصلا . شارع الامارات يا اخوان اكبر شارع في الامارات يعني مش شارع فرعي عشان ما يكون موجود .. يا جماعه شارع الامارات موجود حتى في خرايط 2005 والاخ بدر يقول الخرايط اللي عندي 2009 وفوق ومبرمجيني يشتغلون عليها . طبعا وصاحب السياره موجود وعندي رقمه ومستعد اجيبه وخله بنفسه يقول شو صار . فالسي دي تبعك مره ثانيه على التوالي طلع خربان .. وقيمته 700 درهم


بدر المانع :

الرابعه
ارسلت رساله قلت انا لقيت السيديات بسعر اقل في شبرا حق باكستانيين بسعر ارخص
قلت لك طيب والمطلوب
واتصلت فيك وشرحت لك ان احنا السيديات عليها ضمان وماتقوس من الحراره وماتخرب وضمانها سنتين
يكفي بس شرحنا لك بالمكالمات اكثر من ساعتين اتصال دولي

قلت السيديات مش اصليه وهذي مطبوع عليها
قلنا لك هذي هي سيدياتنا الاصليه لسيارات لكزس الامريكيه خلطت الموضوع وقلت ان احنا قلنا كلهم اصلي
بذمتك عاقل اوشسالفتك احد يجيب سي دي مرسيدس اصلي قيمته 7800ريال ويبيعك اياه ب500ريال ويقولك اصلي
لو انا منك اول ماشفت السيديات رجعتها مش تكمل وتبيعها وتجربها وتمر المحلات تشيك اسعارها وعقب تجي تطلع اعذار مره السيديات مش اصليه ومره ماتشتغل ومره لقيت ارخص ومره غشيت تعترف بعد انك غشيت عيال عمك

تعال فهم الناس هذول كيف يشغلون السيديات وكيف يبيعونها
كل هذا وانا حليم معاك وكريم

رد المرزوقي :
رابعا : يا استاذي الكريم . انا ما رحت اسال ولا ادور عن السيديات اللي في الشارقه الا بعد فشل تقريبا 6 او 7 سيديات اصليه عندك واللي عليها الضمان . ودام تتكلم عن سيديات اللكزس في هالنقطه . ترا بعد المرسيدس ما بعنا الا سيديات لكزس وكلهم امريكي .. وكلهم لكزس 430 امريكي.. مش هذا الامريكي اللي تقول اصلي وحشرتنا في مبرمجينك اللي مخترعينه !!! .. سيارتين لكزس امريكي من عيال عمي رجعولي بعد شهر السيديات ما تشتغل . عقبه لكزس امريكي لاحد الزباين بعد شهرين جابه وبدلناله السيدي ومسكين بعناه ب400 درهم وعليه ضمان سنتين .. وقبلها الاخ ماجد اللي اصلا عن طريقك لكزس موديل 2006 امريكي بدلناله السي دي مرتين . وبعدها ركبناله سي دي ثاني من عندنا واشتغل واتصل فيه واتاكد . يا استاذي سيدياتك الاصليه الامريكيه اللي مبرمجينك يشتغلون عليها ليل نهار تشتغل كحد أقصى اربع شهور وعليها ضمان سنتين .. وهذا غلط في البيع لما تبيع الزبون شي مضمون سنتين ويرجعلك مرتين كل شهرين .. مش انته في الواجهه انا اللي جالس ابيعله سيديات مغشوشه .. وكل الناس اللي تكلمت عنهم موجودين ومستعدين يتكلمون في الموضوع . عموما السيديات اللي تقول عنها سعرها 20 درهم وتشتغل نفس المده تقريبا ..



بدر المانع :
الخامسه
اتصل في احد المرات قال انا محتاج جزء من المبلغ ممكن ترجعونه لاني ابغا اسدد الايجار للمحل قبل لاتطبعون السيديات

قلت له احنا ابتدينا طبع قال معليش محتاجهم ضروري عشان الايجار ومع ذلك ارسلنا له تقريبا 3الاف وشي درهم

هذا بزنس والا لعب كيرم

رد المرزوقي :

خامسا : عن مبلغ ال3000 الاف درهم .. تراك تنسى كثير يا بدر .. البضاعه كان 13400 درهم تقريبا واللي مبلغ اللي انا طرشته فوقه ب3000 درهم يعني زياده بخطأ مني .. ولا لك حق فيهم ابدا .. فلوس راحت لك بالغلط ومالها دخل بسعر البضاعه لانه مدفوع بالكامل وهذي زياده . فلا تحاول تلف وتدور وتفهم الناس شي واللي صاير شي ثاني .. اما عن سالفه نسخ السيديات اللي تقول عنها ووقفتها عشاني . انا اتفقت معاك بعد صلاه العشا وبعدها بساعه بالضبط طرشت لك ايميل تعدل على الطلبيه وتبدل سيديات الرنج بسيديات لكزس . ما اتوقع في ظرف ساعه رح يبدا النسخ . لاني بعد اسبوع كلمتك قلت لي السيديات لسه ما خلصت . ووصلتني الطلبيه بعد 3 اسابيع .. والايميل موجود وارففت فيه شعار الشركه اللي قلت لك انسخه على السي دي ونسخت السيديات على ذوقك بلا شعار ولا شي . ولو تبغي اطرشلك الايميل مره ثانيه عشان تنتعش ذاكرتك بس والايميل موجود .




بدر المانع :
الاخيره
رجعت قلت انا خسرت في السيديات واغلبهم مايشتغلون
قلنا سبحان الله يمكن الشباب انسخوا له وصارت مشكله في الطباعه سبحان من يغلط
مع اني عارف انك ماتفهم في هالشغله لكن ورطت نفسك وابلشتنا معاك
قرروا الشباب انه نرسل لك 100 سي دي وراح يجربونهم قدامك واحد واحد وقلنا لك اختار اي نوع من السيارات عشان يطبعونهم تدلل بس

قلت بكل برود انا مشغول ومدري ايش
قلنا لك نرجع لك فلوسك ونفتك من صيحتك لان مو معقول اللي قاعد يصير انتشبنا بصراحه
والدليل انه ابتلشنا فيك
طرحك للموضوع بكل قسم لوثت وشوهت الموقع حاط الموضوع بكل قسم وعلى قولتك هدفك التنبيه ودي اصدقكحصري بدر المانع من جديد مع المرزوقي
ليكون ماعندنا مثلا غيرك ورزقنا مربوط بك وبفلوسك وسيدياتك
الحمد لله الله عطانا وكفانا
اذا كنت رجل واجه مش مفكر انك راح تبتز او تشوه سمعتنا بهالطريقه
بيعنا ولله الحمد علني وفي كل المواقع ولانخشى الا الله سبحانه
واذا ماكنت تفهم تقدر تشاور اللي يفهم ومش عيب
ولدينا من الخير الكثير من فضل الله واللي مايغنيه الله ماراح تغنيه فلوسك

طيب اشرايك يعني تذلنا على كم الف
الحين ردي لك في الاخير حسبي الله فيك

ولن يتم التعامل معك والتحذير من التعامل معك
ونهاية الحلم الغضب
ولن يتم تعويضك عن اي شيء لأن مثلك مايستاهل حتى تضييع الوقت معاه
للامانه سي دي عليه ضمان تاخذ بداله فقط حسب الاتفاق حبيت او تريحنا تراك

والموقع مش محكمه تراك فاهم الموضوع غلط
والله لايسامحني اذا ظلمتك باي كلمه او قصرت معك بشي او حتى غشيتك والرجال ياخذ الحق من نفسه

وتراني ارسلت لك رسايل اليوم ليس خوف منك ولكن لاني قريت الموضوع الصباح وانا رايح للدوام من الجوال لان الشباب المهندسين اخبروني وتركت الموضوع لين ارجع البيت وارسلت لك عشان افهم وش اللي تبغا توصل له
وبكل ادب

رد المرزوقي :
الأخيره : عن السيديات الاصليه اللي تقول عنها !!! معقوله للحين 15 سي دي ما يشتغل وتقول عنه اصلي . والحين تقول يمكن نسخوه الشباب بالغلط !!! يا حبيبي اصلي .. وتبيعه ب700 درهم وللكزس ب250 درهم وما تعرف انه الاصلي لازم ينفحص قبل لا يطلع للزبون . انته شكلك تبيع سمبوسه مش منتج اصلي !! وبعدين انا متفق معاك على بضاعه اصليه . تقولي بعطيك 100 سي دي بلاش وبدون ضمان
!! اذا كانت سيدياتك الاصليه ومبرمجين حالتها حاله طايحه في جبدي وما تشتغل وحصلت من وراها تشويه سمعه وكلام . تبغي تعطيني سيديات منسوخه وما عليها ضمان وتسويها منه وفضل . انا مجنون لو خذتها منك .. اتفقت معاك على اصلي تعطيني اصلي .. مش سي دي منسوخ وبدون ضمان .
واقسم بالله العظيم وفي هذي الايام الفضيله . انك لا عرضت على لا ترجيع فلوس ولا شي . وهذي في ذمتي ليوم الدين . ولو قلتها لي قبل كنت قبلت لكن عارف بخطأك ولا رح تتجرأ تقولها ..

وعن سالفه اني ما اواجه !!! ... انا من اشتريت منك السيديات ولين الحين كملت تقريبا حول السنه . بيني وبينك اتصالات كثيره وكلام كثير . ولازلت لحد الان مقتنع بكلامك وانه السيديات اصليه . وانا تأكدت انه مغشوشه ومنسوخه وبينت لك هذا الامر في كل المكالمات ودام ما زلت انته مصر على كلامك . رجعت للموقع اللي انا خذت رقمك منه وحاط اعلاناتك وكان واجب علي انبه الناس واحذرهم . والناس رح تحكم وتشوف . لو انا على حق رح تؤيدني ولو انا على باطل ترا رح يكون رصيد لك ومذمه لي . يا اخي الكريم اللي يشتغل بضمير ما يخاف حتى لو صار عليه موضوع في كل قسم . انا ما اتكلم من فرااااااغ .. انا عندي بضاعتك وعندي ارقام كل الناس اللي تعاملت معاهم وبعت لهم سيدياتك .. وعندي ادله على كلامي . انته عليك تثبت كل الكلام اللي عليك ..

وارجوك اقرا كلامي مره ثانيه .. لا تعيد وتكرر ما رح ارجعلك الفلوس مره ثانيه . ترا يا خوي انا مش جاي اطلب اصلا منك شي . 13000 درهم اعتبرها سفره لماليزيا ورجعت . لا تفكر بهالمنطق ... الخير موجود والله يبارك . انا يهمني مصلحه الناس . وتنوريهم ولو كان العكس كنت مدحتك . الحمدلله الخير في السعوديه وفي الامارات واحد .
وحبيت اقولك لك شي .. من اول ما حطيت المواضيع طلعوا ناس غيري يشتكون منك . والغريبه انه صار تسكير على الموضوع مع وجود ناس بدت تتكلم عن نفس الموقف. لو كنت انا الوحيد ما عندي مشكله لكن في غيري متضرر . وهذا الكلام ما يجوز . يا ليت يفتحون موضوع النقاش ويخلونه فتره ونشوف الناس المتضرره وتقول شو صار لها

آخر نقطه : مشكلتي معاك مش معناها اني اتبلى عليك واذمك في اخلاقك . انا مشكلتي معاك في الغش وعدم المصداقيه . ما يمنع اني لو شفت من كلامك طيب واخلاق عاليه اني اذكرها . الله حرم علينا الكذب . وانته تعاملك معاي كان راقي . لكن مصداقيتك كان للأسف دون المستوى ويؤسفني اقول هالشي ..

ونصيحه أخيره يا أخي بدر . نحن جايين نشتغل بالحلال . الحرام ترا مافيه بركه . اتق الله في نفسك وفي عيالك . وخاف الله في بيعك . ولا بيدي رزقك ولا بيدك رزقي . لكن عاقبه الحرام وخيمه .

هذا رقمي 00971508101515 , هذا البلاك بيري 23A67136.اي حد عنده استفسار عن الموضوع هذا ومحتاج يعرف اي شي يتصل فيني .
كل عام وانتوا طيبين وحفظكم الله من الغش والغشاشين



المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

free counters

Sitemap

الساعة الآن 09:23 PM.


Powered by vBulletin™ Version 3.8.7
Copyright © 2017 vBulletin Solutions, Inc. All rights reserved.
SEO by vBSEO

Security team