منتديات احباب عرب  



العودة   منتديات احباب عرب > منتديات عربية > منتديات المغرب



بدر المانع جديدك ما هو ؟

بسم الله الرحمن الرحيم .. السلام عليكم ورحمه الله وبركاته .. حبيت أول شي أشكركم على هذا الموقع الجميل واللي فعلا نفتخر انه يكون عندنا موقع مفيد مثله بعيد عن

إضافة رد
 
LinkBack أدوات الموضوع انواع عرض الموضوع
  #1  
قديم 07-16-2012, 05:17 PM
الصورة الرمزية حمد السوداني
حمد السوداني غير متواجد حالياً
 
تاريخ التسجيل: Dec 2011
المشاركات: 44,695
معدل تقييم المستوى: 50
حمد السوداني is on a distinguished road
موضوع منقول بدر المانع جديدك ما هو ؟

بسم الله الرحمن الرحيم .. السلام عليكم ورحمه الله وبركاته .. حبيت أول شي أشكركم على هذا الموقع الجميل واللي فعلا نفتخر انه يكون عندنا موقع مفيد مثله بعيد عن التفاهات . ثانيا .. يا جماعه انا اقولكم قصه صارتلي مع الأخ بدر المانع .. وسبب سرد لي للقصه مجرد التنبيه لا أكثر . انا ما بيني وبينه اي شي شخصي . هو أخ عزيز وأخلاقه عاليه جدا . ولكن انا جاي اعرض قصتي وابغيكم انتوا الحكم بينا ..

قبل فتره سنه تقريبا دخلت الموقع هذا وشفت اعلانات بدر عن النافيجيشن والخرايط وبما اني انا فاتح محل الكترونيات جديد للسيارات اتصلت فيه وطلبت منه يزودني بسيديات للبي ام والمرسيدس والتويوتا وفعلا الاخ بدر وافق على الموضوع وقال بعد فتره توصلك الطلبيه . وعلى كلام بدر كل السيديات اللي رح يجيبها اصليه من شركته اللي هي شركه الخرايط وحسب لي الاسعار ما بين 150 درهم للكزس والبي ام 250 درهم والمرسيدس الداونلود 700درهم . وكان اتفاقي معاه على انها سيديات اصليه ورح تكون مطبوعه في المطبعه بطريقه معينه وعليها شعار شركتي
المهم طلع الحساب كله 13400 درهم تقريبا .. وعلى اساسها انا دفعت ثلاث أرباع الفلوس وكانت الثقه موجوده وانه الاتفاق اللي اتفقنا رح يصير نفس ما اتفقنا عليه بالضبط .

بعدها الطلبيه المبروكه وصلتني بعد شهر تقريبا من بعد الالحاح والاتصالات والتذكير ورحت الشارقه واستلمتها من صديقه .
الحين انا متحمس ابغي اشتغل وابيع اول ما شفت السيديات شفتها مطبوعه على طابعه كمبيوتر . شعار شركتي اللي طلبته منه مش موجود جايب رسمه من عنده حاطنها مع العلم انه طلب مني ارسله على ايميله وارسلته من ثاني يوم والايميل موجود

هذي مشيتها وقلت بكذب نفسي وقلت يا ولد توكل على الله وقمت ابيع على الناس على اساس انها نسخه 2010 و 2011 على حسب كلام بدر المانع . المهم اول 4 سيديات بعتهم رجعولي بعد شهرين خربانه . كلمت بدر قالي نبدلهم لك . قلنا طيب . بعدها جاني مرسيدس اس 500 موديل 2007 يبغي خريطه . انا دقيت الصدر وقلت فالك طيب عندي موجود رحت للسياره وحطيت السي دي اللي مشترنه من بدر ب700 درهم .. نزل نزل ما يبغي يسوي دانلود !! يا رجال يمين يسار مافي فايده . كلمت بدر قالي هذا اصلي ما يصير ما يشتغل ومشيناها بعد . وجا اخوه بعد اسبوعين نزل الخرايط للرجال في المرسيدس ودفعنا الزبون 500 درهم مقابل التنزيل بعدها بيومين اتصل فيني معصب يقولي خرايطك كلها قديمه . النسخة اللي كانت عنده احسن واحرجني مع الرجال

بعد فتره جيت بعد كم سي دي لسيارات اللكزس . بعدها بفتره جوني الشباب يشتكون . يقولون كيف تعطينا سيديات قديمه !!!!!!!!!! وتقول 2010 و2011 .. انا هنا انصدمت ..

ولا سيدي ضبط معاي .. ولا حتى بيعه مشت مثل الناس . اتصلت في المهندس بدر المانع طبعا قال مهندسيني اللي في شركتي ما يضيفون شي .. نحن بس ننسخ المعلومات الحديثه ونبرمجها عشان تشتغل على السيارات القديمه .. ا ممممممممممممممممممممم ... المهم ما علينا ..

طبعا الاخ بدر المانع معروف في السوق والكل يشهدله . بصراحه أخلاقه كانت عاليه جدا معاي لكن انا اللي جاني من التعامل الاشياء التاليه :

اولا : السيديات اللي ادعى انها اصليات طلعوا لا اصليات ولا شي . لاني ممكن سيدي واحد يخترب او اثنين .. اما 15 سيدي كلهم خربانات انا اقص ايدي ورجلي انهم اصليات

ثانيا : الطباعه على السيديات على اساس انها من المطبعه كانت مطبوعه بالكمبيوتر وانا عندي السيديات واي واحد يبغي ابعثله نسخة رح ابعثله وعلى حسابي بعد وهو بنفسه يحكم .

ثالثا : المعلومات الحديثه والنافيجيشن الجديد اللي يتكلم عنها كلها كلام فاضي . لانه في شوارع في 2007 كانت موجوده ومش موجوده في نسخته ال2011 معنى هذا سيدياته قديمه جدا جدا

رابعا : السيديات كلها ما تشتغل واذا اشتغلت ان كثرت شهر ولا شهرين وتخترب وانا التزم ابدلها وفي منهم رجعت لهم فلوسهم بعد ما حصلت الكلام اللي ما يسر .

خامسا : سوء السمعه واتهامي بالغش لاني قلت لهم هذي سيديات اصليه وتخترب بعد شهر او شهرين .. حتى سبب لي احراج مع اهلي وعيال عمي

سادسا : خسرني فلوس ودفعني فلوس أضعاف أضعاف الاسعار الللي تنباع في السوق . انا السيديات اللي حصلتها تنباع على عشرين درهم في الشارقه . والمشكله للحين مصمم انها اصليات . انا مادري انه الاصلي يخترب في شهر وشهرين

بعد كل هذا .. الاخ بدر عرض على 100 سيدي بلاش بدون ضمان . طبعا بدون ضمان لانهم ببساطه منسوخات . على العموم انا ما رح استفيد من سيديات منسوخه ما رح تجيب لي الا المشاكل . ومع هذا لا هو اتصل ولا انا اتصلت مع انه المفروض يحس شوي ويتابع موضوعه دام عرف نفسه غلطان بدر المانع جديدك ما هو ؟ .

واحقاقا للحق .. الاخ بدر المانع كان في كل المرات قمة في الاخلاق والتعامل . ورغم زعلي وعدم رضاي عن اللي صار الا انه كان يتحمل كلامي .. لكن انا عتبي عليه انه ما كان المفروض يغشني . ياخي قولي هذي ماهي اصليات والله رح اتقبل واشتريها وثانيا الواحد ما يطمع يعني مثلا سيدي المرسيدس دونلود ينباع ب50 درهم يبيعه 700 درهم .. لا وقديم بعد بدر المانع جديدك ما هو ؟
هذا درس انا مريت فيها وخسرت ما يقارب ال13000 درهم . واي حد عنده استفسار في خصوص هذا الموضوع يتصل فيني على 00971508101515 أو 00971501965599 . ولو الأخ بدر المانع حب يتواجه معاي سواء على المنتدى هذا او اي مكان انا مستعد
حاليا الحمدلله ربي عوضني .. خذت وكالة أجهزة دنشن الاوروبيه ووكاله اجهزة شركة صينية تشغل الايفون والحمدلله رب العالمين والسوق ماشي
الله يوفقكم كلكم ويحميكم .. اخوكم عبدالله المرزوقي

المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

free counters

Sitemap

الساعة الآن 03:30 AM.


Powered by vBulletin™ Version 3.8.7
Copyright © 2017 vBulletin Solutions, Inc. All rights reserved.
SEO by vBSEO

Security team