منتديات احباب عرب  

العودة   منتديات احباب عرب > القسم التقني > سات 2017 ـ sat 2017

هل في السياسة : التحجيم ؟ ام التعقيم والتلقيم؟

السلام عليكم يا بابا ..ياحاج ..اش قاعد تعمل ؟ فاش اتقص وتزبر ؟ - وليدي هاني قاعد انلقم حاشاك في عود السدر – بالله ؟ اخي حتى السدر يتلقم في

إضافة رد
 
LinkBack أدوات الموضوع انواع عرض الموضوع
  #1  
قديم 07-04-2012, 11:33 PM
الصورة الرمزية رشاء احمد
رشاء احمد غير متواجد حالياً
 
تاريخ التسجيل: Mar 2010
المشاركات: 64,439
معدل تقييم المستوى: 82
رشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud of
موضوع منقول هل في السياسة : التحجيم ؟ ام التعقيم والتلقيم؟

السلام عليكم
يا بابا ..ياحاج ..اش قاعد تعمل ؟ فاش اتقص وتزبر ؟ - وليدي هاني قاعد انلقم حاشاك في عود السدر – بالله ؟ اخي حتى السدر يتلقم في وقتنا توا ؟- ايه ايه وليدي كل شيء يتزبر ويتلقم في وقتكم انتومة ..اشبيه السدر ؟ ماهو شجر كبقية لشجار اللي خلقها ربي ؟ تفيدنا في برشى حاجات ..انسكروا بيها حاشاك في الفلل ويموت ويفنى عليها الماعز وورقها ناس بكري يعملوا منها دوايات تنفع لعباد اللي حاشاك تضربهم القوايل ..راهي ضربة ضربة وتتحط على الجرح يبرى .- اي وانت توا تزبر فيها واتلقم فيها الواش ؟ - ت ي ماني قتليك عاد ويزي من التكعرير كل شيء ينصاب ..هاني باش انلقمها تفاح والعام الجاي2013 كان احيانا ربي تولي شجرة مثمرة امتاع تفاح اللي يفوح ويرد الروح للروح – قلي اما خير ؟ تقعد سدر مسيب واشواكها تلكع اللي يمسها حتى من الحيوان حاشاك والا تنفعنا بثمرتها كي يعطي ربي خيره ؟- اي ممكن كلامك صحيح اما باش يبقى اسمها سدر جالي واشواكها تبقى كيف ماكانت اتدق اللي يحضب بيها والا يحاول يقلعها بعروقها ..ومطعم غلتها كي مطعم دلاعنا وبطيخنا الملقح بالزرارق ؟- ما اتذكرنيش يعيش وليدي في الحوايج لخرى راني باباك مطيح وعمري فات الثمانين ومازلت شادد روحي وعندي جولات وصولات يشهدوا بيها القورا ..ونعرف اش قاعد نعمل ..تي حتى الزعرور لقمته وولى اجاص وكان يحب ربي انلقمه سفنارية ولفت ..والا هاك الخروع لقمته هاك العام زنباع وثمر بالامارة جاتني الاذاعة والتلفزة امتاعنا وعملت معايا اشهار يخوفوا بيه في الذري من الحصبة وبوخناق والا درى اش اسمه ؟ تي نايا وليدي بوك مطيح ريحت السنة ماتدورش في فمي وهاك الدلاع اللي تحكي عليه ماني انا دبرت عليهم يلقموا القرع وقت اللي ينور ويبدا يمد في ايدياته وسويقاتة ويتشمس – تبارك الله عليك يا حاج تي هاك معلم بالقدا والقدة اما تنجمش تلقم العباد ؟- اش قلت ؟ انلقم عباد الشمس ؟ - لا يابابا نقصد البشر ..اخي ما سمعتش بالحكاية اللي طلعت بعد الثورة ؟ - لاوليدي ما سمعتش ومنك نسمع – قلك ياسيدي العباقرة اللي عندنا في تونس توصلوا لحل امتاع مستقبل البلاد وباش يعملوا تجربة كيف تجربتك يلقموا فيها العباد اللي كانوا يصولوا ويجولوا ومانفعوا كان ارواحهم وغيرهم اللي يقرب منهم يلكعوه باشواكهم وسمومها ..قلك جماعة يلقموهم ديمقراطية وجماعة سلفية وجماعة شيوعية وجماعة يخلوها تسرح في سوق الجملة تختار اللي يناسبها ..اما ثمة جماعة باش يعقموها بمبتكرات الثورة هذه قلك تفيد برشى من الاوزان الثقيلة وما ينجموش يلقموها والا يستغنوا على خدماتها ..- وليدي اش عندي مانقول في ها الكلام ..كان ربي يحسن العاقبة ..اللي نعرفه هو التلقيم في الشجر موش في لعباد ..اما كي توصل الحكاية للدرجة يلزم انعلق الصباك وانبطل التلقيم خير لنهار انلقم سدرة والا زعرورة يطلعلي منها رئيس شعبة والا شيخ تراب يبهذل بحالي ..خاطي خوك ..كان لحكاية هكة يلزمني تراكتور ونحرثها ربعي ..وانزيد اندز عليها بالامونيتر وياربيش نسلم ..قلك انلقموهم ونستنفعوا من ثمارهم ؟ لو كان جات البومة حاشاك تنفع مايخلفوهاش الصيادة ..- امالة انت حسب رايك حكاية التلقيم ماتنفعش ؟ ويلزم تتقص الروس والعروق وياباب الله نسلموا ؟ اما حكاية التعقيم ماعندك ماتقول فيها ؟- لالا ياوليدي الخبز اللي تلزمه خميرة باش يتخمر اخرته معروفة يطيب في كوشة تلهب لهبان بالنيران ..ولهذا وبحيث قللهم اخطوكم من التلقيم والتعقيم ولا اتدخلوا ايديكم في مغاغر ولا تلسعكم عقارب حاشاكم ..والسياسة تنفع وتثمر فيها الحجامة..وياحبذا تكون بموس لام ماركة تمساح يهبري ..يخلوهم على الجونت ..والتحجيم في وقت الكثرة وقلة البركة ينفع واسلم من التلقيم والتعقيم ..والفاهم نحلة .
بخاطركم

:frown::satelite:

المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

Sitemap

الساعة الآن 06:08 PM.


Powered by vBulletin™ Version 3.8.7
Copyright © 2018 vBulletin Solutions, Inc. All rights reserved.
SEO by vBSEO