منتديات احباب عرب  



العودة   منتديات احباب عرب > القسم الادبي > كرسي الاعتراف



معلومه صيانة ال20,000كلم عند أبوجميل

السلام عليكم.. اليوم أنا جاييكم بموضوع مكدر خاطري على الآخر.. أمس العصر وديت السيارة على صيانة الـ 20000كلم على الموعد بالظبط الساعة 4 في فرع طريق خريص بالرياض.. وطبعاً كالعادة

إضافة رد
 
LinkBack أدوات الموضوع انواع عرض الموضوع
  #1  
قديم 06-24-2012, 01:23 PM
الصورة الرمزية حمد السوداني
حمد السوداني غير متواجد حالياً
 
تاريخ التسجيل: Dec 2011
المشاركات: 44,695
معدل تقييم المستوى: 50
حمد السوداني is on a distinguished road
موضوع منقول معلومه صيانة ال20,000كلم عند أبوجميل

السلام عليكم..

اليوم أنا جاييكم بموضوع مكدر خاطري على الآخر..

أمس العصر وديت السيارة على صيانة الـ 20000كلم على الموعد بالظبط الساعة 4 في فرع طريق خريص بالرياض.. وطبعاً كالعادة ما أحد استقبلني واستلم السيارة واضطريت أدخل بالسيارة وأدور أحد يستلمها مني مع إني يوم أخذ الموعد على التلفون الأخ قلي أنو الساعة 4 هو أول موعد مسائي.. يعني لو مو ماخذ موعد ما يهمني الأمر بس يالي أزعجني إني متصل على رقم المواعيد قبل بإسبوعين ومحدد الموعد لأني كنت في إجازة..:SnipeR (10):

وبعدين الساعة 4 وربع وبعد طول بحث عن مدير الصيانة (غير موجود دائماً) أو عن أحد يستلمها لقيت مهندس مصري اسمه (محمد غازي) ولي تجربة معاه سيئة لأبعد الحدود من قبل أيام الإف جي.. لقيته واقف جنب السيارة يكلم جوال فنشبتله في خشمه وقلت له أنا ماخذ موعد الساعة 4 وما حد استلم قام هو رد علي بكل بلاهة وقلي 4 مافيش حد الناس بتكون بريك!! وسألته طيب متى بتخلص السيارة ؟ قلي ساعة بالكثير وإنت مستلمها.. وسألته كم تكلف شيك على الكمبيوتر وقلي 1400ريال قبل الخصم!! وقتها ذيك الساعة ما قدرت أتمالك نفسي ورديت عليه وقلت له بلهجته المصرية (دا انتو بتموصوا بدمنا حاف) رح هو رد علي: لو سمحت شيل أغراضك من السيارة عطاني كيس!!

عموماً أخذ المعلومات وطلب مني أسلم السيارة عند بوابة الصيانة الخلفية والكلام هذا صارت الساعة 4:30، المهم سلمت السيارة ورحت جلست في الاستراحة على كرسي المساج وأنا مستأنس وأشرب القهوة من الايصال وكذا وشوي أمر على صالة العرض وأتفرج على الكامري الجديد يعني ضيعت وقت لين صارت الساعة 5:30 ووقتها أروح لصالة الصيانة وأدور السيارة وما ألقاها مع العلم إنو في سيارة سكويا دخلت عند نفس المهندس بعدي ولقيت العمال يغسلونها وخالصة وصاحبها الله يباركله ابتسامة الرضا من الأذن للإذن الثانية.. معلومه صيانة ال20,000كلم عند أبوجميل
صرت ذي المفجوع أدور المهندس (الله لا يوفقه) وما حصلته.. فقررت أروح أدخل على الصيانة من البوابة الثانية، وفعلا بعد مشي 250متر تقريباً دخلت الصيانة لأنه ما في حراس!!!

وأدور السيارة وما أحصلها برضو!! قمت وأنا راجع أتفاجأ إني ألقى سيارتي واقفة بنفس مكانها يالي سلمتها فيه!!! (يعني ما دخلوها ابداً بس حركوها 20متر )!!!!!! معلومه صيانة ال20,000كلم عند أبوجميل

وقتها أنا ما قدرت أمسك نفسي وعلى طول أروح مكتب مدير الصيانة وأنشبله جوا مكتبه لين جاء.. وصرت أصارخ عليه وأقله كيف سيارتي مدخلها أول واحد وعلى الموعد وهي لسه واقفة مكانها ما تحركت والسيارات يالي جت بعدي خلصت!!! :SnipeR (24)::SnipeR (1):

طبعاً الاخ بكل برودة أعصاب قلي.. نعتذر منك بروح أشفلك! وياخذ مني الوصل ويختفي وبعد نصف ساعة يرجعلي ويقلي اللحين رح يشتغلونلك فيها!!!! وقتها أنا عصبت وما قدرت أضبط أعصابي وصرت أقله (إنت تركتني من نص ساعة وأنتو متأخرين علي ساعة كاملة يعني ساعة ونص وسيارتي لسه ما اشتغلتو فيها وش المواعيد الخرابيط حقتكم وإنت كيف مدير صيانة وما تراقب الكنترول عندك -- وصرت أعلي صوتي عليه وأنا ضغطي مرتفع!! رح هوا قايلي خلاص منعطيك خصم خاص بس لا تزعل علينا!! قلت له ما أبي خصمكم أصلا انتو مو موضع ثقة والله العالم إذا كنتوا بتعملو صيانة للسيارة ولا بتغسلوها بس !! وقتها رح قلي أنا رح أشفلك 2 من المهندسين يشتغلون عليها وأشرف بنفسي وبعطيك سيارة من عندنا تروح فيها مواعيدك وترجعها متى تبي لين بكرة.. قلت له ماشي بس رجعلي ورقة الوصل يالي أخذتها.. (طلع مضيعها الأخ) ورح كتبلي بورقة صفرة يالي تلزق برادو ورقم اللوحة حقي وبعدين خصم خاص على العمالة وختمها..

رحت معاه لين المكتب حق السيارات وقله عطي الاخ سيارة من عندنا، رد عليه الموظف فوراً مافيش عندنا يا فندم وإنته سيد العارفين.. (طلع الزول مدير الصيانة يستهبل علي مسوي نفسه خدوم وهم أصلا ما عندهم سالفة السيارة)..!!!

المهم رحت لين مكتبه وجلست برا قدام المكتب وأنا جالس أدعي عليهم وعلى صيانتهم خابت عليهم اللهم آمين...

بعد ساعة أروح أشوف السيارة ألقاها مخلصة وواقفة برا.. طبعاً أنا ما قدرت أتمالك نفسي ورحت سويت تشييك كامل على الزيت المكينة وفتحت فلتر الهوا شفته ونزلت تحت السيارة تأكدت ما في تهريب زيت وشيكت على البريك لقيته مشدود.. قفلت السيارة وتوجهت لين المحاسبة.. بس أول ما شاف الورقة صفرة قلي روح لين المهندس عشان يطبعلك الفاتورة (الشباب ماشاءالله حافظين الورقة من كثر المشاكل)..

المهم رحت لين المهندس على الكبينة يالي حاطينه فيها ولاحظت انه مسكر الستاير وجالس جوا وعنده زباين.. بس أنا ما همني فتحت الباب ودخلت على طول :SnipeR (85): وذيك الساعة شفت يالي ما كنت اتوقعه ابداَ!!!!!!!!!!

:SnipeR (13)::SnipeR (13)::SnipeR (13)::SnipeR (13)::SnipeR (13):

لقيت الزبون مادد يده للمهندس جالس يعطيه 100ريال :tinysmile_aha_t: رشوه يا عالم
جالس ياخذ رشوه عشان يخلص أمور العالم!! وقتها هو ارتبك وأخذ ال100ريال وحطها تحت الورق حق الصيانة وقالي تفضل كيف أخدمك!! !!! رحت أنا سويت حالي قوي وقلت له اطبعلي الفاتورة ولا تنسى خصم 40% حق رسالتكم يالي جتني على الجوال.. قام هو قلي حاضر يا فندم وجلس يظبط الفاتورة وبعد ما خلص قلت له استنى لا تطبع وطلعتله الورقة السحرية الصفراء من مديره وقلت له أضف هذا الخصم الخاص على أجور العمالة!! قلي حاضر وطبع الفاتورة وطلع المبلغ الصيانة 760ريال بعد الخصومات.. وهو كان قايلي أنو بعد الخصم المبلغ بيطلع حول 1000ريال..

المهم اني رحت ودفعت واستلمت السيارة وسلامتكم!! بس ما أدري بخصوص يالي شفته (الرشوة) هل أبلغ أحد ولا وش اسوي ما أدري بصراحة.. وش رأيكم يالربع!؟ وآسف على الإطالة بس والله من كثر ما هو جواتي مضغوط مرة!!


المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

free counters

Sitemap

الساعة الآن 08:20 PM.


Powered by vBulletin™ Version 3.8.7
Copyright © 2017 vBulletin Solutions, Inc. All rights reserved.
SEO by vBSEO

Security team