منتديات احباب عرب  



العودة   منتديات احباب عرب > منتديات عربية > منتديات الجزائر



الصيف..تبحيرة الزوالي vs تبحيرة الشيكور

السلام عليكم يقولك ربي خلق و فرق و عمر لا صبيعات اليدين يتشابهو..المهم الحمد لله على كل حال... رانا في الصيف و السخانة تقتل و كاين لي يحوس و كاين

إضافة رد
 
LinkBack أدوات الموضوع انواع عرض الموضوع
  #1  
قديم 06-05-2012, 11:42 PM
الصورة الرمزية رشاء احمد
رشاء احمد غير متواجد حالياً
 
تاريخ التسجيل: Mar 2010
المشاركات: 64,439
معدل تقييم المستوى: 82
رشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud of
موضوع منقول الصيف..تبحيرة الزوالي vs تبحيرة الشيكور

السلام عليكم
يقولك ربي خلق و فرق و عمر لا صبيعات اليدين يتشابهو..المهم الحمد لله على كل حال...
رانا في الصيف و السخانة تقتل و كاين لي يحوس و كاين لي يخدم كل واحد و كيفاه..
امالا اليوم نحكو على لي يحوس و يروح للبحر..و حتى لي يروح للبحر و تلقى اختلاف كاين تبحيرة الزوالي و تبحيرة مول الشكارة..و نبداو:
*الترونسبور:
الشيكور تلقاه رايح في الكيسات و برد الحال و الكليما داخل المهم نضمنلك بلي جانفي عندو الداخل و يلحق للبحر بردان و ما شكيتش يعوم..و يقلع الرابعة تاع العشي و يجي مع الليل..و كي ينزل راه المقامة و خلاص ينزلو زوج مش مريقلين و برك راهم ينزلو مستفين..
الصيف..تبحيرة الزوالي vs تبحيرة الشيكور
و الزوالي مسكين راك تلقاه يبكر على 08 تاع الصباح تقول رايح لميامي و يستنى في toyota coaster و 30 وجه معاه و السخانة و تلقى واحد يقولك يا موووووح ازرب داو البلاصة..يا موح راهم بقاو غي البلايص الوساطة احكمنا بلاصة عند الكارو في لاريار...و السخانة الداخل في الطريق ماكلاه تحكي المهم كي يلحق للبحر يلحق كي الجمرة و راهم كي ينزلو تقول باغي يفكو الحصار على الفلوجة..
الصيف..تبحيرة الزوالي vs تبحيرة الشيكور
*السباحة:
الشيكور تلقاه كاري اتونت و باراصول مصور فيه التوريفال تشوفو مالبعيد..ماكلاه نحكي الشمس ما توشيهش خلاص..هادي بوماد تاع شمس و هادي وسادة و فراشو باه يرقد على البحري..المهم البحر يدخلو مرة و لا زوج و يريح يقابل..مع الكاميرا و الفوتو نيميريك الله الله لي سوفونير تاع البلاد مع لحباب..
الصيف..تبحيرة الزوالي vs تبحيرة الشيكور
الزوالي ماكلاه تحكي تلقى هادوك 30 راس قاع حطو الباقاج تاعهم في بلاصة واحدة هادو جوندارم يطيحو يفتشو هادا واحد تلقاه راقد فوق القش المهم راقد..و كي يزدمو للبحر يزدمو قاع يجرو المهم يتوشي الما..و كي يدخل يسموه ما يخرجش حتى ينتفخ مليح مليح المهم حق ترونسبور لي خلصو يكملو في البحر يعني دراهمو يحررهم تاع الصح..المهم تبحيرة بحقها و خلاص كل دخلة للبحر يريح فيها ساعة و نص باه يجي خارج يرقد فوق الباقاج و تحت الشمس..
(نعتذر لعدم وجود الصورة المناسبة لمنع تصوير هاته الظواهر داخل الشواطيء)..
*الماكلة:
الشيكور ما يظل يجري و يطيب و مش عارف واش المهم هو يضمن هاديك المليون لي غادي يصرفها في البحر و خلاص ما يحوسش يفهم بزاف و تلقى كل الانواع قدامو..هادي جاجة مكتفة و هدا pلا vاريي تاع حوت..المهم الكاينة و خلاص..
الصيف..تبحيرة الزوالي vs تبحيرة الشيكور
الزوالي يخي علابالكم و مازالكم حاصيين بلي من 08 و هو يجري علاجال هاديك التبحيرة..ايا هو ينوض الوالدة باه تقليلو الفريت اوملات و حباة بيض مغليين على 07 تاع الصباح يوجد في روحو و يديرها في كاش باطة تاع زبدة كاملة و ما يجي يلحق للبحر و ياكلها يلقاها ذبالت تحت الشمس و بلا ما ننساو الجاست تاع: يا موح ادفن الحبة تاع الدلاع عند شط البحر باه تبرد...الخ الخ الخ...
الصيف..تبحيرة الزوالي vs تبحيرة الشيكور
*وقت الروتور:
الشيكور عادي عندو كلش ساهل..يروح لدوش يدوش ينحي الملح هداك و يركب في الكيسات تاعو و يعطيها لدارهم و لا يدور في البلاج...
الزوالي راهي حرب تصرا قبل ما يقلع مول toyota تلقاهم مدابزين على شكون يركب من القدام و يدير لا سانتير هاديك و يتحكم في الموسيقى..و تلقاهم قاع يتهربو باه ما يركبوش في الكراسا تاع الوسط لي يقسمو الظهر..المهم مول toyota تلقاه يحلف و يقول ما نزيدش نجيب هادي الجماعة خلاص..و زيد تلقاهم بيهم بالملح بالرملة تاعهم كل واحد يتلصق مع روحو المهم تقول نروح نمشي و ما تروحش راكب و هادي الا لقيتهم قاع بلا جاست تاع مازال الحال نروحو ندورو و نخلو لخرين يحوسو علينا..ساعة و انت شادك باه تلقاه و تقلعو..
*و هادو ي شوية برك واش يصرا قدامنا و ماكانش كي تبحيرة تاع الزوالي هههه يعني صح تستبن البحر و لومبيونص هي الزعاقة القصرة الضحك فوووووور و خلاص و تاني هااااا ربي يفرجها على الزوالي و يبحر هو تاني في الكيسات و يركبنا معاه برك ههههه..


المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

free counters

Sitemap

الساعة الآن 03:44 PM.


Powered by vBulletin™ Version 3.8.7
Copyright © 2017 vBulletin Solutions, Inc. All rights reserved.
SEO by vBSEO

Security team