منتديات احباب عرب  



العودة   منتديات احباب عرب > منتديات عربية > منتديات المغرب



مشكلتنا مع نصب وتلاعب الورش ( ورشة تشارجر بالرياض

الموضوع منقول من موقع نادي ملاك كرايسلر ودودج ال اكس ... طبعاً هالمنتدى رسمي من الوكاله واول منتدى ونادي سيارة يحصل على ترخيص من نادي السيارات السعودي

إضافة رد
 
LinkBack أدوات الموضوع انواع عرض الموضوع
  #1  
قديم 06-05-2012, 04:15 AM
الصورة الرمزية حمد السوداني
حمد السوداني غير متواجد حالياً
 
تاريخ التسجيل: Dec 2011
المشاركات: 44,695
معدل تقييم المستوى: 50
حمد السوداني is on a distinguished road
موضوع منقول مشكلتنا مع نصب وتلاعب الورش ( ورشة تشارجر بالرياض

الموضوع منقول من موقع نادي ملاك كرايسلر ودودج ال اكس ...



طبعاً هالمنتدى رسمي من الوكاله واول منتدى ونادي سيارة يحصل على ترخيص من نادي السيارات السعودي


بجمع لكم الموضوع وبعض الردود الى طلع فيها مشاكل مع نفس الورشة


(1)



في البداية أحب أن أقول


اللهم أنت معي وأنت شاهدي وأنت ناظر إلي ، وأنت خير الشاهدين


طبعاً مثل ماهو واضح من المشاركات فا أنا عضو جديد في هذا الصرح العظيم والحمد لله واشكره على هذا الصرح الذي يخدمنا واشكر كل من كان قائماً عليه


موضوعي بسيط وجداً

قال تعالى في محكم تنزيله ( إنا عرضنا الأمانة على السماوات والأرض والجبال فأبين أن يحملنها )

فالامانة بصفة عامة ثقل وحمل كبير على كل بني أدام

ومن هذا المنطلق

أطلبكم بل أرجوكم بل اتوسل إليكم

أن لا يوصي شخص على ورشة معينة الا وهو متأكد ان هذه الورشة هي صالحة للاستخدام البشري المحترم ، فا أنا وانت وغيرنا لايقوى على تحمل ذنوبه التي اقترفها بحياته فما بالكم بذنوب تأتينا يوم الحساب بسبب اننا أوصينا فلان على ورشة أعدمت سيارته بشكل كامل !!!


موضوعي وبإختصار


أنا ككل مواطن سعودي طلعت سيارتي بعد شق الانفس ووقع الاختبار على السيارة كرايسلر c300 موديل 2007 أمريكي والممشى 32 الف ميل فقط ، ككل السيارات تحتاج الى صيانه من فترة لفترة وكنت اتعامل مع خليل السوداني بالروضة والحمد لله الرجال شغله حلو وتمام لكن هالفترة صار زحمه وماعاد يقبل سيارات كثير طبعاً هذا طبع العربي اذا شبع بطر .. ماعلينا

سألت احد العيال وقالي منتدى ال اكس يوصون ب المطيويع وتشارجر والاغلبيه يصوتون للمطيويع فرحت لهم ونفس الحاله زحم ه قلت شكلها تشارجر رحت لهم وقبلو السيارة وكان موتري ماكل فيه مطب ومتأثر من تحت ( الوجهية ) قلت لهم افحصوها فحص كامل عطوني شوية خرابيط ومنها قاعدة الرديتر ، قلت للموظف الى استقبلني اسمه وليد بشوف بالتشليح ورحت للمطيويع ومالقيت كلمته قالي انا خلاص ادبرها ، قلت خير وبركه الحمد لله ...

استلمت السيارة والحمد لله ودفعت مبلغ متوسط

اسبوع ،،، اسبوعين ،،، ثلاثة اسابيع الوضع تمام والحمد لله


مره من المرات وانا ماشي في أمان الله وحفظه اسمع شي يقول طراخ طق بوم والسيارة تنقز وتطفي

لا حول ولاقوة الا بالله

وش الي صار

نزلت طبعاً دخان من الكبوت وموية وحالة حزينه

الشارع وراي موقف كم واحد يأشر لي على شي طايح مو بعيد لكن تعرفون مع الربشه ماانتبهت الا لما قالو لي


لقيت الرديتر طاح من مكانه


اتصلت على سطح وجاني ورحت دايركت لخليل شاف السيارة قالي بالحرف الواحد انت طلعت فوق جبل !!!



الرديتر عدم لي كل شي من تحت ( الوجهية ) بالاضافة انه

ورشة تشارجر الفنانين


رابطين قاعدة الرديتر بمعلاق ملابس





جلست اضحك لين وجهي صار احمر وخليل يقولي شكله السكر مرتفع عندك

ههههههههههههههههههههههههه ههههههههههههههههههههههههه هه


طبعاً الاشخاص بتشارجر اكيد بيكونون هنا ويقرون كلامي ابي اسألهم سؤال


انتم تبون زبون دائم او زبون ومشي الحال ؟

او لو كان وراي مصري وطار الرديتر عليه والله مايخليني لين ادفع له مليار



واذكركم

(اتقوا دعوه المظلوم فإنها تحمل على الغمام يقول الله :وعزتي وجلالي لأنصرنك ولو بعد حين).


وبإستطاعتي رفع موضوعي إلى الجهات المختصه وبوجود فاتورة التصليح وشهادة ورشة خليل واربحها

والبلد فيها حكومة


ولاتنسون راعي الفايبر الى اشتكى عليكم والشيخ حكم لصالحه وعوضتوه

انتبهو على شغلكم وخلو عندكم ضمير في الشغل


عموما


يا أخوان

ارجوكم لحد يوصينا على ورشة الا وهو متأكد

لانه تعامل ورشة تشارجر ويحطون سيم يعني الوضع عندهم عادي لاني رحت لهم وقلت لهم وقالو لي انت قلت مالقيت تشليح وقلت لنا شوف لي حل !!!

حل انك تموتني !!!!


كلفني تصليح السيارة من جديد حوالي 9000 ريال

الله يعوضني يارب



رب أني مغلوب فانتصر



اخوكم


عبدالله الموسى





---------------------------------------


صدقت يالغالي
انا صار لي موقف معهم بخصوص رجة السياره .. قال لي عندك عمود الكردان، يقول يرج اذا مشيت 80
وقال لي بصلحها لك ب 1500 ريال .. ورحت عند ورشة اعرفها ونفض لي السياره من تحت .. طلعت الجلد بسس ب 240 ريال !!
انا مثلك يالغالي ما انصح فيها ابدا





----------------------------------------





ههههههههه
هههههههههههههه
ههههههههههههههههههههه
ههههههههههههههههههههههههه ههه



اثاري الوضع مولع على ورشة تشارجر هنا --- عشان كذا يقول لي خويي ادخل المنتدى


عموماً

انا راعي الفايبر الى رحت لورشة تشارجر وطلبت منهم كشف كامل على السيارة لانها ماكانت تشتغل وهيك وقالو لي الوضع سليم وصلحنا دودة الدركسون والرديتر وقلت لهم افحصو الفلنجه لانها فيها مشكلة من يوم السيارة بأمريكا وفيها تلحيم قالي لي وليد انه السيارة سليمه ومافيها مشكلة وتوكل على الله


بعد خروجي من الورشه ب 4 ايام انسكرت الفلنجه بشارع العليا وانا اجرب مع دباب ودخلت بصراف البنك الفرنسي وكسرت رجل احد الماره

تقرير المرور

انحراف مفاجئ

تقرير مندوب شيخ الصناعيه الى هي ورشة الشهراني لصيانة السيارات الالمانيه انه السيارة وزنها ثقيل والمفروض مايقولك تمشي عليها

تقرير شيخ الصناعية ( صديق لورشة تشارجر )
انه الورشة مالها دخل بالموضوع


موعد الجلسة


رحت الجلسة ومعي شاهدي الى سمع كلام وليد يوم رحت له بعد الحادث لاني رحت للورشة وابي احل الموضوع ودي معهم ومانبي مشاكل ومحاكم ، حضر وليد ومعه شخص مااعرفه / دخلنا للشيخ وشرحت له الى صار طبعاً طلب شاهدي وقاله الشاهد انه وليد قالي تقدر تاخذ السيارة وتمشي عليها مافيها شي ، جا الان دور وليد وقام قال للقاضي انه ماقال هالكلام ابداً فطلب منه الشيخ شهوده فالي معه قال انا اشهد ( وانا هنا اقسم لكم بعظمة وجلالة الرحمن انه ماكان موجود لما وليد قالي هالكلام ) وطبعاً الان الوضع كلامي ضد كلام وليد وشاهدي ضد شاهد وليد ومافيه ادلة طلب الشيخ من وليد هنا الحلف المغلظ ( وانا هنا اقول الحق الاخ وليد كان بيحلف لكن هون وقال مو متأكد من كلامه وماحلف ) لكن المضحك المبكي الشخص الى معه يقوله احلف انت ماغلطت بشي ولاقلت لهم شي ( ومايدري انه ناس توفو عند ابواب المحكمه لكذبهم في الحلف المغلظ ) رفض وليد يحلف وقال للشيخ ترى لو حلف الطرف الثاني بتدفع تكاليف الاصلاح كامله ( 17000 ريال ) قام قال وليد لا ماعندي فلوس وانا ماقلت له هالكلام ، وتعرفون المشائخ يحبون الصلح وحاول يصلح وانه وليد يدفع لي مبلغ واتفقنا على مبلغ معين طبعاً المبلغ بسيط وماراح يغطي نص التكاليف لكن يشهد الله على كلامي اني اشتكيت الورشة بناء على تعاملهم معي لما رحت لهم نحل الموضوع ودي حيث انه ماكان يفرق معهم شي وكان الاخ وليد يهددني انه على علاقات كبيره وله علاقات بالمحكمه فرفعت القضية لتعريف الورشة انه الدولة فيها شرع

ولو عندي وقت كان رحت للاماره واخذت الصك ونزلته هنا لكن تعرفون المشوار للاماره والزحمه



هذي قصتي كامله للي طلبها

--------------------------------------------------------


دامكم فتحتو الموضوع وانا من اكثر الناس صلحت عندهم
الله لا يوفقهم
احسب انهم جايبين فيني العيد انا لحالي وبس
مشكلتي معهم
غيرت طرمبه المويه ولا شبكوا اللي الموصل من الرديتر ال الطرمبه زين
وانفك وراحت مويه الرديتر في الشارع وانا ماشي
وما انتبهت لعداد الحراره حتى طفت من حالها

وارجعها لهم قالو غلطتك رح جب لي جديد وتعال
والمكينيه ياعيال الللللل ....... لوخبطت مين يتحملها
لكن ربك ستر
ومن غير الحساسات الي غيروها لي ويوم ماضبطت وانا شاريها بحدود 1400
قالو غير كمبيوتر
وقلتلهم خلاص افصلوها ويطلع وليد نفسه مهندس الدجه يحلفلي انه فصلها وهو نصاب ما فك الا ثنين والثنين
والباقيه هبلت فيني ولعبت في الموتر
مافصلها لي الا فلبيني حتى بالصدفه قلتله شيك مفصوله ولا لا
طوووولت عليكم لكن العمووووم


نصيحه احذرو من ورشه تشارجر والله انهم انصب ناس تعاملت معهم
واطلب من الاداره والاعضاء الغاء الاتفاقيه معهم وتحذير من التعامل معهم
وشكرا



------------------------------------------

وهذا رد ادارة النادي لهم

ويؤسفني حقيقة !!
ان تكون هناك تجارب بهذا السوء لأحد أعضائنا
كيف لا صاروا أكثر من واحد !!



شغلني الموضوع جدا
وعلى اثره تم الاقرار على الغاء جميع الاتفاقيات السابقة
مع أي ورشة \ او محل \ أو أيا كان
مالم تكن هذه الاتفاقيات موثوقة عن طريق ادارة النادي



ثاني خطوة
راح يضل اسم الورشة هذه أو غيرها تحت المقاطعة التامة
حتى نلتمس منهم تعويض للي حدث عن طريقهم
وتقديمهم اعتذار رسمي لصاحب المشكلة وللنادي ككل
لأن هذا فقط اللي راح يحقق المصداقية لهم من جديد




أقدم اعتذاري الشخصي (ولو انه ما راح يغير شي)
لأعضاء النادي المتضررين من سوء الورش وغيره
وان شاء الله ان مثل هذا الشي ماراح يتكرر أبد


-------------------------------

تعليقي بسيط

الورشه طلعت راعيت محاكم وشرط يعني المفروض تتقفل لانها تشتغل في امور فيها حياة او موت

الى متى هالاجانب يعلبون فينا


المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

free counters

Sitemap

الساعة الآن 07:01 PM.


Powered by vBulletin™ Version 3.8.7
Copyright © 2017 vBulletin Solutions, Inc. All rights reserved.
SEO by vBSEO

Security team