منتديات احباب عرب  



العودة   منتديات احباب عرب > منتديات عربية > المنتدى المصري



صاح مجلسنا وبقوة فلتسقط ثورتنا الابية

زمان لما كنا اطفال كنا بنلعب وخلاص كنا بنسمع حكايات الشاطر حسن وشهرزاد وكنا بنفرج اوي مر بينا الزمن وكبرنا لقينا الدنيا دي مش خيالات لقناها مليانة دم وقتل وتعذيب

إضافة رد
 
LinkBack أدوات الموضوع انواع عرض الموضوع
  #1  
قديم 06-03-2012, 07:13 AM
الصورة الرمزية رشاء احمد
رشاء احمد غير متواجد حالياً
 
تاريخ التسجيل: Mar 2010
المشاركات: 64,439
معدل تقييم المستوى: 82
رشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud of
موضوع منقول صاح مجلسنا وبقوة فلتسقط ثورتنا الابية

زمان لما كنا اطفال كنا بنلعب وخلاص كنا بنسمع حكايات الشاطر حسن وشهرزاد وكنا بنفرج اوي مر بينا الزمن وكبرنا لقينا الدنيا دي مش خيالات لقناها مليانة دم وقتل وتعذيب ويوم ما كنت اسأل حد اية دة كان يقول اسكتوا احسن حد يسمعكم ...مين يعني كان هيسمعنا اتاري في واحد كان اسمة مبارك بيقول انة صاحب الضربة الجوية بيخوف العيال الصغيرة والعيال الكبيرة كمان وبيطلعلهم بالليل علي الفجر كدة وممكن ياخدهم كمان معاة وميرجعوش ولو رجعوا ميعشوش ولو ماتوا ميدفنوش وعدي تلاتين سنة علي كدة اسمع عن بلاوي متلتلة مرة حاجات مسرطنة ومرة حادثة بيقولوا ان مات فيها الالاف وسمعنا كمان عن حادثة كدة كان مدبرها واحد من برة(زي ما بيقولوا)اتقتل فيها ناس كتير في حتة من عزبتة اسمها اسكندرية ولا قطار الصعيد عمركوا سمعتوا عنوا دة كمان بيقولوا حادثة بس وسعت منهم شوية وكل دة والتلاتين سنة لسة مخلصوش انت فاكر اية دة في حاجات كتييير من دي بس انت ركز معايا ومرت الايام ودار الزمان علي بلدنا لقينا ناس نازلة تهتف ضد اللي اسمة مبارك ناس وحدت نفسها نزلوا قالوا كلمتهم بس يا عيني انضربوا ومش اي ضرب كل اللي يجي علي بالك ممكن تقولة مية سخنة ماشي يدوسوا عليهم بعربيات دبلوماسية وامن مركزي ماشي خراطيش ماشي كلة ماشي ماشي شفت محرمناش من حاجة هههه وال اية رجعنا لايام الجاهلية وفي يوم صحيت الصبح كان يوم اربع بالمناسبة لقيت احصنة وحمير كدة بتجري ورا الناس قلت اية هم قلبوها استعراض هي الثورة خلصت ولا اية واتاري الكلاب ولاد الكلاب بيقتلوا في شبابنا تخيل انت المشهد دة لا لا مش تفتكر غلط دة مش فوتوشوب دة حقيقي فعلا بس مش منطقي شوية ومر يوم ورا يوم وفجاة طلع علي التلفزيون واحد اسمة المخابرات قصدي كان رئيس المخابرات وقال لقد قرر المجلس العسكري الاتفاق مع مبارك عن تخلية عن الحكم بشكل صوري وترك الادراة للبلطجية يضربوا في العباد والي الامام الي الامام هيا الي الامام وبيقولوا كمان انة اللي واقف وراة دة كان ماسك مسدس وحطة في جمبة علي اساس مثلا انة مفيش اتفاق حصل وانضربنا علي قفانا ومن يومها اتنحي مبارك (صورية)وراح قعد في شرم الشيخ شوية يستجم ويلم شتات نفسة اللي راحت منة ويوحد صفوفة ضد العدو اللي هو الشعب وسابوا الشعب بفرح شوية وبعد كدة كل يومين اسمع قتل كذا علي يد البلطجية وياتري دول جم منين وطبعا اجب بنفسك واتقتل يا عيني خمسة وسبعين واحد عشان ماتش كورة عشان قالوا يسقط حكم امشير قصدي المشير ومن هنا جات الثورة وكنا بنقول ثورة ثورة حتي النصر ودولوقتي بقول ثورة ثورة حتي القصاص وجة القصاص بس مقتصش من حد اصل مبارك معملمش حاجة ولا ابنة جيمي عمل حاجة اخد براءة يعيني كنا ظالمينة ودي ثورتنا دي ننهايتها قلنا الرحمة لواحد معرفش قلبة الرحمة وسلامات يا ثورة وتحيا مصر دائما منتكسة بالخونة ..................

المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

free counters

Sitemap

الساعة الآن 01:05 PM.


Powered by vBulletin™ Version 3.8.7
Copyright © 2017 vBulletin Solutions, Inc. All rights reserved.
SEO by vBSEO

Security team