منتديات احباب عرب  



العودة   منتديات احباب عرب > منتديات عربية > المنتدى المصري



قصة وقصيدة

السلام عليكم ورحمة الله وبركاته في فكرة خطرت ع بااالي وحبيت انزلها هنا بعد ما شفت انو في قصااايد كثير لها قصص معينه فحبيت انو ننزل هنا قصايد ونقوول قصتها

إضافة رد
 
LinkBack أدوات الموضوع انواع عرض الموضوع
  #1  
قديم 06-02-2012, 02:16 PM
الصورة الرمزية رشاء احمد
رشاء احمد غير متواجد حالياً
 
تاريخ التسجيل: Mar 2010
المشاركات: 64,439
معدل تقييم المستوى: 82
رشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud of
موضوع منقول قصة وقصيدة

السلام عليكم ورحمة الله وبركاته
في فكرة خطرت ع بااالي وحبيت انزلها هنا
بعد ما شفت انو في قصااايد كثير لها قصص معينه
فحبيت انو ننزل هنا قصايد ونقوول قصتها

انا راااح ابدا بهالقصة

فيه صديقين تجمعهم صداقه قويه وهم سلطان بن رباح ومحمد بن عقيل كبروا وتزوج سلطان وجاه ولد وسماه على خويه (محمد ) من زود مايغليه.. كانوا يحبون القنص ..
في يوم من الايام طلعوا للصيد بالحالهم في وقت كان محمد يجهز الغداء كان سلطان ينظف السلاح
وكان فيه طلقه في المخزنه مادرى عنها سلطان ضغط الزناد وثارث البندق وجت الطلقه في خويه محمد بالغلط ومات خويه وشال خويه وسلم نفسه بدوا اهل سلطان يطلبون من اهل محمد يتنازلون لكن وصلت الديه 10 مليون !! ورفضوا إلا راس براس ..
واخيرا صدر الحكم على سلطان بالقصاص ..

وكتب الشاعر ((جــزاء البقمي)) قصيده يصف حال سلطان فيها :

يافــــلاح .. الـــهم خيم بقلبي يا فلاح
كيف تبغاني اسولف وانت خابرني عليل

ويش قولك في عليل في حياته ماستراح
تنتثر دمعة عيونه لاظلم الليل الطويل

حالته لا ماتباعد حال "سلطان الرباح"
بالخطاء راحت حياته والخطاء ماله مثيل

كان ويـّــا صاحبه اثنين في ارضٍ براح
يطردون الصيد دايم منصفح لين المقيل

اجمعتهم صحبه الدنيا على جد ومزاح
مايهابون الليالي والحمول اللي تميل

ماقتل عامد ولكن ثور بليس السلاح
بالخطاء ثار السلاح ووين يلقا له دليل

وانعقد سجنه وربعه تنتظر فك الصراح
والأكيد إنه سجين ومارضوا ربع القتيل

هـــلّ دمعه يوم صلى ركعتين في الصباح
في نهار الجمعه اللي من ثقيلٍ في ثقيل

هلل وكبـر ونفسه تذكر اللي راح وراح
كان في ربعه عزيز وذله الوقت الذليل

لامحمد ولا تهاني ولا سعود ولا صلاح
كلهم كانوا على باله وهمه في هديل

طفلةٍ ماكملت عامين صايبها كساح
وانثر دمعه وحاله من سبايبها نحيل

حان تنفيذ القصاص وغطوا الراس بوشاح
وجاك سيافه يشيل السيف ابو حدٍ صقيل

وارتخى راسه وزاد الموقف الحامي صياح
بين نوح وبين دمع وبين صيحات وعويل

وارتفع صوت الحشود وزاد محمد وصاح
يايبه تكفى دخيلك تستمع قول الدخيل

يابيه وشلون نصبر وكيف نهجع بارتياح
وانت من دنيا عيالك تاخذك بر الرحيل

يامحمد هاك علمي واحفظه قبل المراح
انتبه لخوانك وبالك عليهم لاتعيــــــــل

الله الله في الصلاة والصيام والصلاح
والله الله في امكم والله لكم بعدي كفيل

وغمض عيونه ونفسه تطلب الله السماح
رافع سبابته مظلـــــوم والله الوكيــــــــل

وسل سياف الصفا سيفه وطقه ثم طاح
راس المراجـــل وانتثر دمــه يسيـــــل

غسلوه وكفنوه ثم فاح طيب السدر فـــاح
وبالمصادف صار قبره جنب قبر ابن العقيل

يفلاح الكارثه ماهي سوالف يافلاح
خلني ساكت ودور غير هالقصه بديل
أتمنى يناااال إعجابكم
لا تنسوا التقييم
لكم حبي وودي
حوور الأنين


المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

Sitemap

الساعة الآن 01:26 AM.


Powered by vBulletin™ Version 3.8.7
Copyright © 2018 vBulletin Solutions, Inc. All rights reserved.
SEO by vBSEO