منتديات احباب عرب  

العودة   منتديات احباب عرب > ^~*¤©[£]القسم الاداري[£]©¤*~^ > المواضيع المنقولة

تداعيات انفصال الجنوب

اليوم داك ... وانا راجع البيت ..زهجان قرفان..أشلت فى علب الصلصة وافكر فى سعر السكر والزيت لقيت المرتين ...عشة ..وميرى.. مجتمعين والشرر فى العيون .. متحزمات .. ومكشرين قلبى

إضافة رد
 
LinkBack أدوات الموضوع انواع عرض الموضوع
  #1  
قديم 05-04-2012, 01:19 AM
الصورة الرمزية حمد السوداني
حمد السوداني غير متواجد حالياً
 
تاريخ التسجيل: Dec 2011
المشاركات: 44,695
معدل تقييم المستوى: 51
حمد السوداني is on a distinguished road
موضوع منقول تداعيات انفصال الجنوب

اليوم داك ... وانا راجع البيت ..زهجان قرفان..أشلت فى علب الصلصة وافكر فى سعر السكر والزيت
لقيت المرتين ...عشة ..وميرى.. مجتمعين
والشرر فى العيون .. متحزمات .. ومكشرين
قلبى اخدلو رجفة ودقه دقه وقام جارى نازل للكرعين
بلعت ريقى واتبسملتا واتحسبنتا ...وبى حنية سلمتا ...ولما ما جانى رد ...بشويش سألتا
مالكن؟
صرخن فى وشى بى صوت واحد ...عايزين ننفصل
شنو؟ ...
جعرن تانى قلنا عايزين ننفصل
بالله من الفرحة اشوف ليك قلبى طار من كرعى ورك فى محلو يجقلب ويبرطع ويدق ويغنى
بركة يا سامع الدعاء ... اخيرا الحرية بى وسعا
وبدون ما اعرف الاسباب قبلت راجع على الباب
فرحان مبسوط ..ورااايق
تعال هنا ....صرخن بى اعلى صوت وكوريك
الانفصال ما ليك
رجعت وانا قهران مقموص .... ومضايق
اها سمح الداير ينفصل منو؟
قالن نحنا ...عايزين نفصل البيت
الوحده دى ما نفعت معانا ومن الصباح تفاوضنا وقررنا الانفصال
ميرى فى جنوب البيت وعشة فى الشمال
ونبنى بيناتنا حيطة ..وكل زول فى حالو ...يلم عيالو
قلت ليهن طيب ما تسون فترة انتقالية عشان ندرس القضية
قالن لا ...قررنا ... وانفصلنا ..وكل واحده لمت عدتا وعيالا
والباقى عليك ... فى مشكلة الصالون والحمامات وباب الشارع
وقررت منعا للاشكال اوافق
خلاص سمح الحمامات بنعمل ليها باب من كل جهة مع احترام رغبة الاخر
وعدم احتلال الحمام لمسافات طويلة وقفل باب الاخر من جوه ومنعه من الدخول
اما الصالون يصبح هو سكنى انا كقوة محايده مع عدم محاولة سرقت اى شى من عفشه الوجيه والسمح
لا تربيزة تتشال لا سرير ولا حتى دلقونة المسح
وباب الشارع بما انو فى الشمال ..ميرى تعدى بأعتدال
وعليها كنس الحوش كلو عبارة عن رسوم عبور ..وبى كدا بمشى الحال
واستمرينا على هذا المنوال
الا من بعض المنواشات فى احتلال الحمام وعدم الخروج
وقفل باب الشارع بالمفتاح من قبل عشة ومطالبت ميرى بغسل الهدوم بالاضافة الى الكنس حتى تسمح لها بأنها تمش
ومطالبة ميرى ببناء بوابة جديده فى جهتها حتى لا تكنس وتغسل وشاعره انها بتتغش
واصبحت كل يوم اجد عفش الصالون يتناقص راحت الكنبة وتبعها كرسيين
والملايات اتبدلن بى كوفرتتين واصبح معفن مغبر لا يسر العين
وكنا رغم كل ذلك صابرين
الا ان كان يوم
صحيت من النوم
لاجد النساء مجتمعن بباب الصالون
يحملن كل مافى البيت من سواطير وسكاكين
وانا بين اليقظة والاحلام ..سألتهن مالكن يا جوز الحمام
صرخن بى صوت وااااحد
عايزين نقسمك انت بيناتنا
سمعتا ..ولا ما سامع
والطفشة الياها
واصبحت مغترب ........ فى ركن الجامع



المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

free counters

Sitemap

الساعة الآن 09:07 PM.


Powered by vBulletin™ Version 3.8.7
Copyright © 2017 vBulletin Solutions, Inc. All rights reserved.
SEO by vBSEO

Security team