منتديات احباب عرب  



العودة   منتديات احباب عرب > منتديات عربية > منتديات المغرب



ترهيم قفل مركزي للهايلكس 2006 وفوق (للراكب)

بسم الله الرحمن الرحيم السلام عليكم ورحمة الله وبركاته : مشكلة يعاني منها الكثير وانا اولهم :**** وتدور ببالي هالفكرة من زمان ولكن ما فضيت لها الصراحة عاد يوم الله

إضافة رد
 
LinkBack أدوات الموضوع انواع عرض الموضوع
  #1  
قديم 04-21-2012, 10:45 AM
الصورة الرمزية حمد السوداني
حمد السوداني غير متواجد حالياً
 
تاريخ التسجيل: Dec 2011
المشاركات: 44,695
معدل تقييم المستوى: 50
حمد السوداني is on a distinguished road
موضوع منقول ترهيم قفل مركزي للهايلكس 2006 وفوق (للراكب)

بسم الله الرحمن الرحيم

السلام عليكم ورحمة الله وبركاته :

مشكلة يعاني منها الكثير وانا اولهم :**** وتدور ببالي هالفكرة من زمان

ولكن ما فضيت لها الصراحة عاد يوم الله كتب وتيسرت الأمور

بديت ولا تكلفت يالله لك الحمد، ووالله ما تسوى تِمصّع المعزّبه كل

مانزلت لمحل وهي معي تفتح لي وتقفل، تكلفة العمل تقريباً (30) ريال،

والمطلوب : مفتاح قفل مع الفيش كما هو واضح بالصورة حق كامري 2007 وفوق

بـ 25 ريال و سلك شبكة من أقرب محل كمبيوتر المتر بـ 1.50 ريال ونص

ونبدأ بالشرح على بركة الله :


. فحص الأسلاك من قفل السواق المركزي

ترهيم قفل مركزي للهايلكس 2006 وفوق (للراكب)


. يوم شفت الشغلة متعبة لأن يبي لها تمديد من باب السواق لين باب الراكب
نزلت عند العلبة اللي جنب الكلتش وفحصت الأسلاك

ترهيم قفل مركزي للهايلكس 2006 وفوق (للراكب)


.لقيت الأسلاك وجرحتهن وسويت تمديد.
هن سلكين واحد للفتح وواحد للقفل (شرح البحث عن الأسلاك بنهاية الموضوع)

ترهيم قفل مركزي للهايلكس 2006 وفوق (للراكب)


.بعد ما شبكت الأسلاك ومددت
(انتبه وانت تتعامل مع هالأسلاك لأنهن صغار بالحيل
وممكن بدال ما تجرح السلك تقطعه وابعد مسافة عن الفيش الرئيسي)

ترهيم قفل مركزي للهايلكس 2006 وفوق (للراكب)


.وهنا احترت وين أركب الفيش لأن ما ودي اقص واخرب التخشيب
وشفت ان المكان هذا أنسب مكان، جنب الولاعة بأحد الفتحات

ترهيم قفل مركزي للهايلكس 2006 وفوق (للراكب)


وكان عمق الفتحة كبير وعشان كذا قصيته بمنشار
عشان يطلع القفل ويكون بارز

ترهيم قفل مركزي للهايلكس 2006 وفوق (للراكب)


مقارنة باللي جنبة

ترهيم قفل مركزي للهايلكس 2006 وفوق (للراكب)


من الخلف- تركيب القفل المركزي والغراء (أبو جنّية) SuperGlue

ترهيم قفل مركزي للهايلكس 2006 وفوق (للراكب)


وهذا شكلة من الأمام

ترهيم قفل مركزي للهايلكس 2006 وفوق (للراكب)


وهنا تمديد الأسلاك للقفل (السلكين الخضر)

ترهيم قفل مركزي للهايلكس 2006 وفوق (للراكب)


تركيب الأسلاك بالفيش (قفل+فتح) وواحد أرضي(أقرب مسمار)

ترهيم قفل مركزي للهايلكس 2006 وفوق (للراكب)


بعد كبس الفيش بالمفتاح وتركيب الديكور

ترهيم قفل مركزي للهايلكس 2006 وفوق (للراكب)


الشكل النهائي

ترهيم قفل مركزي للهايلكس 2006 وفوق (للراكب)


الشكل النهائي من جهة ثانية

ترهيم قفل مركزي للهايلكس 2006 وفوق (للراكب)


وهنا حبيت اسوي ديكور للشكل الخارجي
قصيت الزوائد والمقابض الي كانت مغطية الفتحات وفتحت لها من النص
مقاس المفتاح

ترهيم قفل مركزي للهايلكس 2006 وفوق (للراكب)

ترهيم قفل مركزي للهايلكس 2006 وفوق (للراكب)


وركبته هنا عشان تسكر الفتحات الي حوالين المفتاح

ترهيم قفل مركزي للهايلكس 2006 وفوق (للراكب)

ترهيم قفل مركزي للهايلكس 2006 وفوق (للراكب)


كان عندي فكرة قديمة مره بس توه تتيسّر للتنفيذ

فيه نكبة كبيرة اذا قفلت على المفتاح بالسيارة

ممكن تكون مسافر وممكن تكون بالبر وممكن تكون بعيد

هذا غير استغلال حقّين المفاتيح :****

الفكره اني احط فتح قفل بس خارجي برى السيارة ومخفي

بحيث انه اذا قفلت على مفاتيحك تضغط الفاصل هذا ويفتح البيبان

سويتها الحمدلله وضبطت يارب لك الحمد والشكر

وطريقته : نفس سلك فتح الأبواب سو له تمديد خارجي وركب له

فاصل وسلك ماص وصلى الله وبارك :****

لكن الضحك بالموضوع وانا قاعد اشتغل واركب القفل المركزي للراكب

تحمست وفصخت ثوبي وبه كل مفاتيحي وحطيته بالمرتبة الي ورى

وانا قاعد اهوجس بفكرة الفاصل الخارجي

ويوم خلصت قفلت على عفشي وبلشت :**** لمين رحت لبيتي وجبت السبير.



وحطيت الفاصل هنا




















ترهيم قفل مركزي للهايلكس 2006 وفوق (للراكب)

وش تدور يالحبيب..؟؟!!

قلت لك مخفي يعني بعلمك وينهوبه ؟؟؟؟

ههههههههههههه

إلى هنا انتهى الشرح بالصور

وباقي طريقة فحص الاسلاك كالتالي: بالنسبة لي عندي لمبة مركب عليها دبوس

وسلك للماص وبديت الامس الدبوس بالأسلاك الأساسية اللي من الظفيرة عند الكلتش

-وللعلم هي مجموعة اسلاك للتحكم وقفل الدرايش ومن ضمنهن سلك القفل-

(المفروض انه تولع اللمبة اذا لامس سلك القفل) لكن بما إن القفل المركزي حسّاس

بالحيل يصير كل ما لامست الدبوس بالسلك حق الفتح يفتح واذا بالسلك

حق القفل يقفل، صار كأنه موصل يعني

أتمنى يكون الشرح وافي وأي استفسار انا حاضر.

مدونة : [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

لا نستغني عن آرائكم بالمدونة علماً بأنها منكم وإليكم لطرح اي افكار

أو ابداعات حيث تكون مرجع لنا وقت الحاجة، ولا اخفيكم انني أجهل بعض

أمور الترتيب بها ولكن سوف تتعدل إن شاء الله وأول موضوع كتب بها هذا الموضوع

آمل اثرائها بكل جديد ولو كان منقول ولكم خالص التحية

أخوكم/ إحمود الخمبقاني (أبوفـهـد)




.

المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

free counters

Sitemap

الساعة الآن 05:19 PM.


Powered by vBulletin™ Version 3.8.7
Copyright © 2017 vBulletin Solutions, Inc. All rights reserved.
SEO by vBSEO

Security team