منتديات احباب عرب  



العودة   منتديات احباب عرب > القسم الادبي > الشعر والخواطر



رباعيات صلاح جاهين

ورا كل شباك ألف عين مفتوحين و انا وانتي ماشيين يا غرامي الحزين لو التصقنا نموت بضربة حجر و لو افترقنا نموت متحسرين عجبي !!!

إضافة رد
 
LinkBack أدوات الموضوع انواع عرض الموضوع
  #1  
قديم 05-25-2010, 01:15 AM
المصري غير متواجد حالياً
 
تاريخ التسجيل: May 2010
المشاركات: 810
معدل تقييم المستوى: 8
المصري is on a distinguished road
افتراضي رباعيات صلاح جاهين


ورا كل شباك ألف عين مفتوحين



و انا وانتي ماشيين يا غرامي الحزين



لو التصقنا نموت بضربة حجر



و لو افترقنا نموت متحسرين



عجبي !!!







نوح راح لحاله و الطوفان استمر



مركبنا تايهه لسه مش لاقيه بر



آه م الطوفان وآهين يا بر الأمان



إزاي تبان و الدنيا غرقانه شر



عجبي !!







علي رجلي دم .. نظرت له ما احتملت



علي إيدي دم.. سألت ليه ؟ لم وصلت



علي كتفي دم.. و حتي علي رأسي دم



أنا كلي دم .. قتلت ؟ ..... والا اتقتلت



عجبي !!







انا كل يوم أسمع ........ فلان عذبوه



أسرح في بغداد و الجزاير واتوه



ما أعجبش م اللي يطيق بجسمه العذاب



و اعجب من اللي يطيق يعذب أخوه



عجبي !!!







ينبوع و في الحواديت أنا سمعت عنه



إنه عجيب .. و ف وسط لهاليب لكنه



شقيت كما الفرسان طريقي .. لقيت



حتي الخنازير و الكلاب شربوا منه



عجبي !!!!







يا قرص شمس ما لهش قبة سما



يا ورد من غير أرض شب و نما



يا أي معني جميل سمعنا عليه



الخلق ليه عايشين حياه مؤلمة



عجبي !!!



شاف الطبيب جرحي وصف له الأمل



وعطاني منه مقام يا دوب ما اندمل



مجروح جديد يا طبيب و جرحي لهيب



ودواك فرغ مني .... و إيه العمل



عجبي !!!







أعرف عيون هي الجمال و الحسن



و اعرف عيون تاخد القلوب بالحضن



و عيون مخيفة و قاسية وعيون كتير



وباحس فيهم كلهم بالحزن



عجبي !!







إيش تطلبي يا نفس فوق كل ده



حظك بيضحك و انتي متنكده



ردت قالت لي النفس : قول للبشر



ما يبصوليش بعيون حزينة كده



عجبي !!







إقلع غماك يا تور وارفض تلف



إكسر تروس الساقية و اشتم وتف



قال : بس خطوة كمان .. وخطوة كمان



يا اوصل نهاية السكة يا البير تجف



عجبي !!!







يا حزين يا قمقم تحت بحر الضياع



حزين أنا زيك و إيه مستطاع



الحزن ما بقالهوش جلال يا جدع



الحزن زي البرد ... زي الصداع



عجبي !!!!







في يوم صحيت شاعر براحة و صفا



الهم زال و الحزن راح و اختفي



خدني العجب و سألت روحي سؤال



أنا مت ؟ و لا وصلت للفلسفة



عجبي !!!



الفيلسوف قاعد يفكر سيبوه



لا تعملوه سلطان و لا تصلبوه



ما تعرفوش إن الفلاسفه يا هوه



اللي يقولوه بيرجعوا يكدبوه



عجبي !!!







علي بعد مليون ميل من أرضنا



من الفراغ الكوني بصيت أنا



لا شفت فرق بين جبال و بحور



و لا شفت فرق ما بين عذاب أو هنا



عجبي !!







إنسان أيا إنسان ما أجهلك



ما أتفهك في الكون و ما أضألك



شمس وقمر و سدوم و ملايين نجوم



و فاكرها يا موهوم مخلوقه لك



عجبي !!







نظرت فوق للنجوم و انا ساير



رجليا عترت في الحفر و الحجاير



بقيت أقول و انا ع التراب: يا سلام



مش بس عبره أخذت لكن عباير



عجبي sss



المواضيع المتشابهه:

رد مع اقتباس
  #2  
قديم 05-25-2010, 03:10 PM
الصورة الرمزية admin
admin غير متواجد حالياً
 
تاريخ التسجيل: Dec 2009
المشاركات: 3,884
معدل تقييم المستوى: 10
admin is on a distinguished road
افتراضي

موفق بإذن الله ... لك مني أجمل تحية .

رد مع اقتباس
  #3  
قديم 05-25-2010, 05:17 PM
المصري غير متواجد حالياً
 
تاريخ التسجيل: May 2010
المشاركات: 810
معدل تقييم المستوى: 8
المصري is on a distinguished road
افتراضي

وافر الشكر للمرور الرئع

رد مع اقتباس
إضافة رد

الكلمات الدلالية (Tags)
جاهين, رباعيات, صلاح


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

Sitemap

الساعة الآن 09:59 PM.


Powered by vBulletin™ Version 3.8.7
Copyright © 2018 vBulletin Solutions, Inc. All rights reserved.
SEO by vBSEO