منتديات احباب عرب  

العودة   منتديات احباب عرب > ^~*¤©[£]القسم الاداري[£]©¤*~^ > المواضيع المنقولة

حاجات تجيب الضغط والكاروووووشة

شباب نحنا العزابة ديل بصراحة صيد سهل لكثير من الناس سواء اهلك او جيرانك او حتى اصحابك بحجة انك انت زول مامشغول ومسؤلياتك على الاقل بسيطة مقارنة بالاخوة المتزوجين (الله

إضافة رد
 
LinkBack أدوات الموضوع انواع عرض الموضوع
  #1  
قديم 04-08-2012, 01:39 PM
الصورة الرمزية حمد السوداني
حمد السوداني غير متواجد حالياً
 
تاريخ التسجيل: Dec 2011
المشاركات: 44,695
معدل تقييم المستوى: 51
حمد السوداني is on a distinguished road
موضوع منقول حاجات تجيب الضغط والكاروووووشة

شباب نحنا العزابة ديل بصراحة صيد سهل لكثير من الناس سواء اهلك او جيرانك او حتى اصحابك بحجة انك انت زول مامشغول ومسؤلياتك على الاقل بسيطة مقارنة بالاخوة المتزوجين (الله يوفقهم ويجعلنا معاهم) يعنى العزابى دة ماعندو حاجات خاصه بيهو ، حقتو هو يعنى براهو ،،،لى شنو بس دايما اشيائنا تبدو للاخرين بسيطة وغير ذات اهمية ،، وخاصة لم تنزل اجازة تقول عاوز اعمل كدة يقولو ليك انت مابتعرف وما مواكب الاحداث او انت مامبوتق فكريا وممكن اى واحد يلاقيك فى الشارع يضحك عليك مما يشوفك ....لى شنو اى واحد يشوفنى ممكن يضحك على ويغشنى ؟؟؟لى شنو ،،،،عبيط انا ولا عيان ؟؟؟ ياخى حتى اخوك الصغير لو قلت ليهو انا ماشى امدرمان ولا بحرى ولا ماشى ملكال انشاء الله يقول ليك ماتمشى براك اسمع كلامى ،،لو قلت ياناس انا عاوز اعمل الحاجة الفلانية تنط اختك الفى الجامعة وخاتة النظارة فى نص راسا وتقول ليك نعم نعم نعم قلت شنو ..كدى عفوا عيد لى القلتو دة تانى لانى مامستوعبة ..داير تعمل شنو ؟؟ وتقعد تكورك يا امى ياامى يا امى ،، تقول ليها يابت فى شنو عاوزة بيها شنو امى تقول ليك لا لا لا دة حاجة ماينسكتش عليها (هنا تبقى مصرية وتنسى اللهجة بتاعتنا ،،نظام عولمة وكدة ) وتقعد تحكى لى امك شفتى ولدك(لاحظ ولدك دى ) يعنى لو قالت لامى لو شفتى اخوى مش احسن من ولدك دى ؟؟ المهم فى النهاية موضوعك يطرشق وبعد يومين تقول ليك بالله انت كنت جادى فى الموضوع داك وانت من الحرقة تتلفت يمين يسار تشوف ليك حاجة تضربها بيها تلقاها فوووووووو جرت المطبخ وامك هناك ماتقدر تلحقا الداير تضربا بيهو ،،، والعجب اخوك كمان ...لم يجى يسلم عليك يقول ليك وينك يامان كيفك ياكوتش التقول ماكنت نايم معاهو فى البيت دة ولا يقول ليك ويدينو جوة جيب البنطلون ،،اسمع ماتتحرك ياخى ....زول يقول ليك اتحرك اكيد ح تقول ليهو اتحرك امشى وين ،،نيضحك عليك يقول ليك ...يافارة اتحرك يعنى جيب قروش مصاريف موووونى جنيهات فهمت والله ماعارفك تفهم متين انت ...زويقول ليك كمان قلت عاوز تعمل كدة وكدة وانت اتحرك ماعارفا ....والعجب لو اختك قاعدة بتسمع الحوار وعاملة فيها بتفحص فى الجوال بتاعا وهى اضانا معاكم وفجاة ههههههه ههههههه يا امى يا امى شفتى ولدك ههههه هههههههه ..والله العظيم تقعد تعاين بس ؟؟؟؟ والعجب لو استحميت ولبست وعاوز تطلع يجوك اسمع ماشى وين اها ماشى بى عربيتك دى ولا بالمواصلات ....فى زول ياجماعة يمسكو من عربيتو ويقولو ليهو اركب المواصلات احسن ليك ...وفى المواصلات يقولو ليك اوووووعك ماتركب جمب بنت فاهم ولا لا .... اوكى اول ماتجى تركب المواصلات المهم تقعد كدة القاعد جمبك يقول ليك ...كيفك تمام الاخ شغال فى الكويت ولا قطر ؟؟ اها دة تقول ليهو شنو .... ولا بعد شوية يجيك اتصال ،،، انا غايتو لو لقيت اتصال من واحدة من اخواتى مابرد علما بانو عندى 4 اخوات لانو عارف كلامهم كولو اسمع انت وين هسى بتعمل فى شنو تعال راجع عشان تودينا ناس خالتى نفيسة امبارح اصلو مانامت من وجع الكرعين ....تجى راجع تلقاهم لابسين التقول ماشين حفلة
والعجب الحاجات البتجيب الكاروشة صحى صحى من التعاملات عندنا هنا
وبرجع ليكم تانى
قفل الباب

اجمل حروف بهديها ليك مزدانة فى احلى القوافى
شايلة فال الامنيات ممزوجة بالفرح الخرافى
انشاء الله عمرك كلو تسعد ولحظة من الآهة مافى


المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

free counters

Sitemap

الساعة الآن 04:24 PM.


Powered by vBulletin™ Version 3.8.7
Copyright © 2017 vBulletin Solutions, Inc. All rights reserved.
SEO by vBSEO

Security team