منتديات احباب عرب  



العودة   منتديات احباب عرب > منتديات عربية > منتديات المغرب



عزااااااه يالمرسدس

السلام عليكم ورحمة الله وبركاته يااخون بختصار الموضوع تنفيس ونصيحه لابد مايجي شخص يفكر يشتري لكزس يمر على المنتدى ويبحث عن مزايا وعيوب السياره عشان يقرر نفسي

إضافة رد
 
LinkBack أدوات الموضوع انواع عرض الموضوع
  #1  
قديم 04-08-2012, 09:13 AM
الصورة الرمزية حمد السوداني
حمد السوداني غير متواجد حالياً
 
تاريخ التسجيل: Dec 2011
المشاركات: 44,695
معدل تقييم المستوى: 50
حمد السوداني is on a distinguished road
موضوع منقول عزااااااه يالمرسدس

السلام عليكم ورحمة الله وبركاته

يااخون

بختصار الموضوع تنفيس ونصيحه

لابد مايجي شخص يفكر يشتري لكزس يمر على المنتدى ويبحث عن مزايا
وعيوب السياره عشان يقرر نفسي قبل اشتري موتري

يااخوان الي ناوي يشتري لكزس

لازم يحط في باله شغله وحده ان السياره شكل خارجي واستعمال فقط

لايفكر في مواصفات لايفكر في رساوه لايفكر في عزل وهدوء على السرعات العاليه
لايفكر في ثبات لايفكر في داخليه بفخامه المرسدس او البي ام او الاودي

ياجماعه انا كان معي مرسيدس 500 2002 قبل اشتري اللكزس
ولما شريت اللكزس اُصبت بصدمه حضاريه بصراحه

لقيت نفسي دافع مبلغ يجيب لي 6 سيارات من مرسيدس 500 2002
ومع هذا وانا اسوق اللكزس في كل موقف اقول ياعزاه يالمرسدس بذمتكم ماهي غبينه
انك تتحسف على موتر قديم ورخيص وانت شاري موتر جديد وغالي؟؟؟؟؟؟

مع ان المده الي استخدمت فيها اللكزس بسيطه لكن صار لي مواقف كثيره
بغيت اورح فيها لاني انسان صاحب سرعه

استخدمت اللكزس شهرين فقط وبغيت انعدم ثلاث مرات

الاولى كنت مسافر ووصلت عند لفه (كوع) كنت ادخله وانا على المرسدس امشي
240 وماعندي اي مشكله دخلته على اللكزس امشي 170 وبغيت اروح لولا ربي ستر

هل هناك مقارنه بالله عليكم؟!!!!!!

الثانيه كنت امشي 200 وكان فيه هواء قوي يضرب جنب الموتر من يمين والموتر يلعب
مع الخط يمين ويسار تقول جالس انطل المهم مريت جنب تريله التريله (ذرت عني)
يعني حجبت عني الهواء وطبعاً الدركسون طول الطريق مايل يمين شوي عشان اوازن
الموتر مع الهواء ويوم انحجب الهواء وانا جنب التريله حذف يمين فجأه بغيت ادخل تحت التريله
ولكن ربي ستر

مع المرسدس ماتدري اذا فيه برى هواء او لا الا اذا فتحت الدريشه او اذا نزلت من السياره

بالله عليكم هل هناك مقارنه؟!!!

الثالثه

كنت امشي 160 وطلع بوجهي (قلابي) شاحنه نقل تراب (في وجه العدو) ودعست الفرامل
كلها للآخر في البدايه قفلت الفرامل اجزاء من الثانيه ورجعت تماسكت ومع حذفت
الدركسون حذفني الموتر جنب صحيح اني يوم كسرت للدركسون رجع الموتر اعتدل
ولكن بعد ايش بعد زحفه بسيطه لو اني على المرسدس اعتقد مااحتاج اني احذف
يسار الفرامل كافي

ياجماعه احترموا المرسدس لاتقارنونه باللكزس ارجوكم
لاني اقرا مواضيع كثيره هنا وفي منتديات كثيره يقارنون اللكزس بالمرسدس
ياجماعه والله فرق الثرى عن الثريا

ادري بيجي شخص وبيقول في نفسه يمكن اللكزس حقي في شي او مشكله
في الهيئه الاماميه او او

والله يااخوان موتري ماشاء الله تبارك الرحمن مع انه 2007 لكن للحين ماوصل 70 الف ممشاه
واكياس وكالته فيه كلها ماانشال منها ولا كيس الا اكياس التكايه فقط يعني الموتر
مافيه عذاريب شيخ اللكازس

والله ياجماعه اني على المرسدس امشي فوق الـ 200 واكلم تلفون محد يدري
اني راكب سياره
اما على اللكزس اول مايكلمني احد على التلفون بعد السلام على طول يسأل
وش صوت الهواء الي عندك؟

يعني قمة التحطيم

والآن انا راجع ان شاء الله للمرسدس راجع واللكزس عرضته للبيع وماني راكبه
بعد اليوم من غير شر فليكن المرسدس خرابات فليكن المرسدس معقد فليكن فليكن
ولكن في النهايه انت راكب سياره تسوى قيمتها

انا غرر فيني اشخاص كثير في اللكزس يقولون رساوه وهدوء ونعومه ومش عارف ايه
وجلست سنه كامله ابحث عن لكزس نظيف لدرجه اني اقول ابي لكزس بااي ثمن
وحتى نكي هذا دليل على مدى التغرير الي تعرضت له من اصحاب اللكازس
ويوم لقيت الموتر النظيف ماكلمت راعيه في السعر على طول تحويل بدون مكاسر

وفي الاخير اتحسف على موتر مايجي سعره 20% من سعر اللكزس

هذي معاناتي مع اللكزس الشهرين الي طافت والحمدلله على كل حال
دونتها للي ناوي يشتري لكزس عشان يعرف يقرر وين يحط فلوسه



رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

free counters

Sitemap

الساعة الآن 10:16 AM.


Powered by vBulletin™ Version 3.8.7
Copyright © 2017 vBulletin Solutions, Inc. All rights reserved.
SEO by vBSEO

Security team