منتديات احباب عرب  



العودة   منتديات احباب عرب > القسم الادبي > الشعر والخواطر



إضافة رد
 
LinkBack أدوات الموضوع انواع عرض الموضوع
  #21  
قديم 05-10-2010, 04:46 PM
ابوسعاد غير متواجد حالياً
 
تاريخ التسجيل: Dec 2009
المشاركات: 77
معدل تقييم المستوى: 9
ابوسعاد is on a distinguished road
افتراضي

سالَم الناس"

*****
سالم الناس إلا لي ما مدّ إيدو ماهو عارف ماهو حاس كيفن بريدو...

*****
كنت بفتكر الظروف لو يوم تجيبو.. يطرا زولا شوقو ياريت كان يصيبو..

كنت عشمان قلبي ما يزود لهيبو.. إلا يظهر ناوي جمر الصبر يزيدو...

*****
ما ده حالو ما ده طبعو الكنت عارفو.. الغرام خلى القلب يهواه ويوالفو..

الغرام حكم منو البقدر يخالفو.. والقلب إخلاصو باين ما بفيدو...

*****
يا حليلك يا الغناوي العنو كانت.. يا حليلك يا الأماني العندو بانت..

ما بقول دي القسمة أو أيامي خانت.. بس بقول انشالله يعرف كيف بريدو...



رد مع اقتباس
  #22  
قديم 05-10-2010, 04:46 PM
ابوسعاد غير متواجد حالياً
 
تاريخ التسجيل: Dec 2009
المشاركات: 77
معدل تقييم المستوى: 9
ابوسعاد is on a distinguished road
افتراضي

[align=center]
القلم طاوعني تاني"



*****
القلم طاوعني تاني وقلت أرجع للكتابة.. أصلي مشتاق لي عيونك بلدي يا وطن الطلابة...


*****

انت ولدك كان بعانخي العلم الناس الحرابة.. انت تاريخنا المدون بدري من زمن الصحابة...


*****

أسألوا الخرطوم بتحكي لما قوردون احتمابا.. لما مهدي الله جاهو خلفو ناس شايلين حُرابة...


*****

كانوا لابسين المرقع وبالحراب سوها غابة.. شدة الموت ما بريدو التقول بينم قرابة...!!

[/align]


رد مع اقتباس
  #23  
قديم 05-10-2010, 04:47 PM
ابوسعاد غير متواجد حالياً
 
تاريخ التسجيل: Dec 2009
المشاركات: 77
معدل تقييم المستوى: 9
ابوسعاد is on a distinguished road
افتراضي

يا الرقت في نظري"


*****
يا الرقت في نظري هل تدري مين انت أذهلت أفكاري وأسهرتني ونمت...

*****
من يوم نظرتك ولي بي نظرة تألمت.. لعوني سريت ولي قلبي ألّمت..

زي لادن الأغصان في مشيك تقسمت.. شفت البروق لمعت لمن تبسمت...

*****
أحداب قلوب الناس فيهن تحكمت.. خضعت لقهر هواك وعلى عرشهن قمت..

حطمت كل خطوط صبري وتقدمت.. ختيت سلاحي أمام عينيك وسلمت...

*****
فشلت سيادتي معاك مهما تفنّنت.. في طلاقة الأسلوب ولكلامي حسّنت..

أفقد شجاعتي لديك ولي ضغطك أذعنت.. كم مرة ليك بي ولاي واخلاصي أعلنت...

*****
بجازي فيك بالحب الفيك آمنت.. آمنت بيك يا وجيه وأنا عمري ما خنت..

رفقا بمن يهواك بالله يا انت.. لا زلت تأذيني وأقولك أحسنت.


رد مع اقتباس
  #24  
قديم 05-10-2010, 04:48 PM
ابوسعاد غير متواجد حالياً
 
تاريخ التسجيل: Dec 2009
المشاركات: 77
معدل تقييم المستوى: 9
ابوسعاد is on a distinguished road
افتراضي

غيم المحبة"



*****
قولي يا غيم المحبة.. هل في يوم حسيت بغربة..

هل دموعك زيّ سالن فوق خدودك حبة حبة...

*****
غايتو بوصيك يوم رحيلك يعني قبل الريح تشيلك ..

أغشى في دربك أهلنا والنخيل والنيل قبلنا..

والسواق الديمة تغزل فوق جروف النيل فرحنا...

*****
قولّوا درب الليل وهود.. يزرع الخير فوق أرضنا..

أحكي ليهم عن حناني.. شايلوا في قلبي المعنّى..

أصلي حبيتك عشقتك.. يا بلدنا في غناوينا ونشيدنا...

في رسايلنا وبريدنا.. في البنية العايشة ريدنا..

يا بنينة ويا حريرة.. يا رسم حنة وجديرة..

يا مقاطع من مهيرة.. يا رهد يا عاج مزنّد..

فوق ايدين سمحة وصغـــــــــــــــــــــــــــيرة...

*****
لو علي أرفع عظمتك فوق جدار الكون نشييدا..

قبلي تاجوج والمحلق فوق ترابك عاشو ريدة..

والخليــــــــــــــــــل في هواك غنى خلّى قط للناس قصيدة


رد مع اقتباس
  #25  
قديم 05-10-2010, 04:48 PM
ابوسعاد غير متواجد حالياً
 
تاريخ التسجيل: Dec 2009
المشاركات: 77
معدل تقييم المستوى: 9
ابوسعاد is on a distinguished road
افتراضي

ليك حق"


*****
ليك حق ما تحني لي.. وانت في دنياك ديّ...

ليك حق حاشاك ملامة.. ولو ألوم اللوم عليّ...

*****
ليك حق ما دمت طاير.. كل يوم لي فيك جزاير..

والطيور ترحل تغني للربا أو لي الأزاهر..

انت لي قلوب تسلبيها لذة الريد والمشاعر...

*****
هل صحيح حبك سحابة.. تكره السحب المواطر..

تأتي في الصيف ثم تفنى زي خيال أو حلم عابر..

أم صحيح راي أصدقاي انت بتحبي المظاهر...

*****
ليك حق ما كنت لي.. في كتيري أو في شوية..

قلبي كان سلمتو ليك زي شعار.. أو زي هدية..

أصبح اليوم رمز غدرك قلبي أصبح ليك ضحية.


رد مع اقتباس
  #26  
قديم 05-10-2010, 04:49 PM
ابوسعاد غير متواجد حالياً
 
تاريخ التسجيل: Dec 2009
المشاركات: 77
معدل تقييم المستوى: 9
ابوسعاد is on a distinguished road
افتراضي

لو سألتك إيه سبب الخصام"



*****
لو سألتك إيه سبب الخصام نسيتي حبي ومنعتي الكلام...

*****
قللتي صبري وجافاني المنام.. محروم كيف أشوفك يا أول غرام...

حنان ومودة ليك هديتا والدنيا الجميلة بدونك أبيتا..

والمحنة معاك من قلبي اشتهيتا.. أرازي قربك وبعدك لي حرام...

*****
وقلبي المعاك ذاب بيك من زمان.. ويبكي ويغني وبس راجي الحنان..

ويبكي ويغني وبس راجي الحنان.. يا هاجر سنيني وين عشرة الزمان؟..



رد مع اقتباس
  #27  
قديم 05-10-2010, 04:50 PM
ابوسعاد غير متواجد حالياً
 
تاريخ التسجيل: Dec 2009
المشاركات: 77
معدل تقييم المستوى: 9
ابوسعاد is on a distinguished road
افتراضي

"الرشيم الأخضر"


******
الرشيم الأخضر في الخديد الأنضر هم سبب آلامي...

*****
فكري أضحى مبعثر.. من غرايب سحرك من عيونو الفُتّر..

حكمة لو يتمايل .. أو سفر وتبختر..

إيه بثينة وعزة.. إيه عبيلة عنتر.. أهو حسنو أمامي...

*****
مين سواك يتجسّر.. وفي فؤادي وحسنك ليهو عامل سنسر..

قلبي بيك تأثر.. فيهو حبك أثر.. نوم عيوني تعسر..

من كثار لحظاتاك..حظي أضحى مكسر.. يا رفيع يا سامي...

*****
والسحاب ما أمطر.. أروى ساحة ربعك ومن شذاك يتعطر..

ما تغزل شاعر.. في محاسنك وسطر..

هاك سلامي الخالص.. يا جميل يا مبطر.. وليك جزيل إكرامي...





رد مع اقتباس
  #28  
قديم 05-10-2010, 04:50 PM
ابوسعاد غير متواجد حالياً
 
تاريخ التسجيل: Dec 2009
المشاركات: 77
معدل تقييم المستوى: 9
ابوسعاد is on a distinguished road
افتراضي

نغيم فاهك يا أم زين دواي"


*****
نغيم فاهك يا أم زين دواي...
شفاي البجبر قواي...
يا أم حبا ردف تواي...
كمل صبري وزود هواي..
رقي رقي جودي بدواي..
ظمأي بعدك وقربك رواي...
أقيم ليلي وأحسب سهاي...
يغيب عقلي وأفقد نهاي...
وفي جسمي ظاهر وهاي...
أسعفيني دنا انتهاي...

*****
ذكرت البين ليه ياغراب...
صياحك يافراق يا خراب...
ديار أم زين كانت قراب...
غبن بانن في السراب...

*****
البدر محيك وشعرك كليل...
يميل خصرك منه العليل...
تقل ردفك لأعضاك قليل...
قتيل حبك ودمعي الدليل...

*****
رق جسمي وصابه انتحال...
على حبك حمل الرحال...
ومن بعدك أنا حالي حال...
يالقمرة وصالك محال...

*****
أنا أعيد الحب من جداد...
أنا الحافظ حق الوداد...
أنا الهائم والناس شداد ...
أنا اللابس توب الحداد...

*****
أنا الكاتم السر ما حكى...
أنا الحاضن البلا ما أشتكى...
أنا الحجة بحل مشبكا ...
أنا المساح دمع البكا...


رد مع اقتباس
  #29  
قديم 05-10-2010, 04:51 PM
ابوسعاد غير متواجد حالياً
 
تاريخ التسجيل: Dec 2009
المشاركات: 77
معدل تقييم المستوى: 9
ابوسعاد is on a distinguished road
افتراضي

عشمتيني في حبك ليه"


*****
عشمتيني في حبك ليه ما دام ناوية تجني عليه...

*****
وببسم في عيونك ديمة.. وأهديك كل يوم ترنيمة..

وأوقد روحي ليك نديمة.. يا حالمة وحنونة حليمة...

*****
بقارنك بي نجوم الليل.. والبدر الظهر في الليل..

والبرق البعقبو السيل.. وألقاك أحلى من كل ديل...

*****
ومهما قصدك تزيدني ألم.. أحب حباًّ في قلبي ألم..

وأعشق صبري ما بندم.. ما دام زولي البريدو حكم...


رد مع اقتباس
  #30  
قديم 05-10-2010, 09:43 PM
غربة و شوق غير متواجد حالياً
 
تاريخ التسجيل: Apr 2010
المشاركات: 20,922
معدل تقييم المستوى: 28
غربة و شوق is on a distinguished road
افتراضي

فعلا الفنان ده فنان رائع و يا ريتك كتبت نبذه عنه للحابين يتعرفوو عليهوو ... و شكرا على مجهودك و للأمام دوما

رد مع اقتباس
إضافة رد

الكلمات الدلالية (Tags)
محمد, الفنان, احلى


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

Sitemap

الساعة الآن 05:01 AM.


Powered by vBulletin™ Version 3.8.7
Copyright © 2018 vBulletin Solutions, Inc. All rights reserved.
SEO by vBSEO