منتديات احباب عرب  



العودة   منتديات احباب عرب > القسم الادبي > الشعر والخواطر



إضافة رد
 
LinkBack أدوات الموضوع انواع عرض الموضوع
  #11  
قديم 05-10-2010, 04:40 PM
ابوسعاد غير متواجد حالياً
 
تاريخ التسجيل: Dec 2009
المشاركات: 77
معدل تقييم المستوى: 9
ابوسعاد is on a distinguished road
افتراضي

[align=center]
يا راحل بدون انذار"


*****
يا راحل بدون انذار سليتني وأبيتني ولا مالك ولا دي الأقدار...

*****
مشينا وليهو ما غشينا وعارفين حبو ما لينا..

ده سادة وقلبو مابينا نسانا ونحنا ما نسينا...

*****
مساهر الليل وما نايم خيالك ديمة لي حايم..

وبي نار الغرام هايم ياريت السادة لي دايم...

*****
لطيف لكن نفور جافي وظلوم لي حبي ما وافي..

أحبك من ضمير صافي عليك تعذيبي ما خافي...

*****
ده هاجر ومن هواي نافر وسادة وفي الجمال نادر..

هويتك وتبقى لي جاير حليل يوم كنت لي زاير...

*****
جميل يا فرحة أحلامي وديع يا بهجة أيامي..

جفيتنا وكترت آلامي وناسي للهوى السامي...

*****
صفارك زاد لهيب ناري ودلالك حير أفكاري..

أحبك وانت ما داري يا ريت لو تفهم الجاري...

[/align]


رد مع اقتباس
  #12  
قديم 05-10-2010, 04:41 PM
ابوسعاد غير متواجد حالياً
 
تاريخ التسجيل: Dec 2009
المشاركات: 77
معدل تقييم المستوى: 9
ابوسعاد is on a distinguished road
افتراضي

ليك مدة ما بنت"


*****
ليك مدة ما بنت وأنا في اشتياق لي شوفتك يا حبيبي وين انت...

*****
لي مدة من رؤياك يا ليتني كنت .. شفتك ولو في النوم يا اللي العهود خنت...

*****
بدر الكمال دونك دُرت وتكمّلت.. مع اعتدال قامتك زي الفرع ملت...

*****
ضاوي الجبين بضياك للبدر فاخرت.. غابت كوكب الليل حين انت نورت...

*****
برضك مُسامَح إن أنصفت أو ملت.. برضك حبيب مهما في حبيبك أهملت...

*****
حبيبي إيه يحصل لو مرة سلّمت.. أو في حديث أشواقي معاك تكلمت...

*****
لاموني فيك الناس وأنا عمري ما لُمت.. أو يوم لأحد الناس منك تظلمت...



رد مع اقتباس
  #13  
قديم 05-10-2010, 04:41 PM
ابوسعاد غير متواجد حالياً
 
تاريخ التسجيل: Dec 2009
المشاركات: 77
معدل تقييم المستوى: 9
ابوسعاد is on a distinguished road
افتراضي

صوتك النادر"


*****
صوتك النادر سمعتو.. وعشت نبراتك شعوري...

فيهو عبراتي ودموعي.. ومنو أفراحي وسروري...

*****
صوتك أحلى من ينابيع عذبة تجري..صوتك أقيم من كنوز يخفيه عمري..

بلقى فيهو من أمانيّ الربيعة .. نور حياتي وضوء فجري...

*****
صوتك يحمل ذكريات عاشت معانا.. وتلمس الماضي بي حنانا..

وتتطرق الحاضر في قلبو.. وتروى من أنهار دمانا..

ذكريات لو كنتي تدري.. كيف أحافظ ليك عليها..

وكنتي راجعتي الليالي.. وعدتي لي أشواقنا فيها..

كان مؤمل تبقي لي وأبقى ليك.. وأبني عرش الحب بشعري بين ايديك..

وأسقي قلبك من ودادي.. وتحيي في روضة فؤادي..

غير أن البين طوانا.. وهدّد أمانّا في هوانا..

رحت أقنــــــــــــــع.. لما أسمــــــــــــــــع..

صوتك النادر يمتِّع.. بالحديث انسان سوانا


رد مع اقتباس
  #14  
قديم 05-10-2010, 04:42 PM
ابوسعاد غير متواجد حالياً
 
تاريخ التسجيل: Dec 2009
المشاركات: 77
معدل تقييم المستوى: 9
ابوسعاد is on a distinguished road
افتراضي

"أبوي يا يابا"


*****
أبوي يا يابا ما تقول ليهو لا...

وافق عليهو أنا راضية بيهو.. عليك الله ما تقول ليهو لا...

*****
من زمان بحبو وهو لي حبيب.. ما خان عهودو وجا قالّي خطيب...

قابلو بي حنية وبي صدر رحب.. قولّوا انشالله خير يبقى في النصيب...

عليك الله ما تقول ليهو لا...

*****
يابا أرع بتك وأفرح بي جديدها.. وريدن يابا سامي والدموع شهيدة...

ما تحرم قلوب قصتهم قصيدة.. وقصة حبهم ياخي في الغرام فريدة...

عليك الله ما تقول ليهو لا...

*****
يابا ما تشك فوقو وتدور الشورة.. بتك يابا بيهو سعادتها وسرورها...

ما تحرم فؤادها وما تجرح شعورها.. والخطاب لو بالغوا زادوا في مهورها..

عليك الله ما تقول ليهو لا...





رد مع اقتباس
  #15  
قديم 05-10-2010, 04:42 PM
ابوسعاد غير متواجد حالياً
 
تاريخ التسجيل: Dec 2009
المشاركات: 77
معدل تقييم المستوى: 9
ابوسعاد is on a distinguished road
افتراضي

كفاية نوح يا عين"


*****
كفاية نوح يا عين.. ما تزيدي قلبي جراح..

الفات تركني حزين.. ما بعودوا تاني نواح...

*****
مالية الدموع طرفي.. من أوجدوه وشاف..

سكن الألم قلبي.. وأنا والأسى أحلاف..

غلب الطبيب طبي .. والبي ما بنشاف..

كل العرفتو محال.. قلب العشوق يرتاح...

*****
(ليه يا دنيا ليه)محكوم علي طول عمري..

فيكي أعيش محروم كل يوم يزيد جمري...

صابر وكلي هموم.. حار في الصبر أمري..

كم قالوا عني الناس.. رحت وشبابك راح...

*****
أنا ذنبي إيه يا زمان.. بالجور حكمت علي..

حطمت كل الكان .. وأهديت جهنم لـــــــي...

(آه)لو كنت بس انسان.. لو كان عرفت البــــي ..

كم في الغرام مأسور.. ما لاقي لحظة صراح...


رد مع اقتباس
  #16  
قديم 05-10-2010, 04:43 PM
ابوسعاد غير متواجد حالياً
 
تاريخ التسجيل: Dec 2009
المشاركات: 77
معدل تقييم المستوى: 9
ابوسعاد is on a distinguished road
افتراضي

"أيام مرت"


*****
أيام مرت وسنين راحت.. وكم ضلينا فيك يا ليل..

ما ارتاحت مشاعرنا.. من الشايلاه والفيها..

وما عارفين سبب ليها ...

*****
لو الآهات بتتألم.. والكلمات بتتكلم .. وتحكي الشفنا فيك يا ليل..

بتتعلم بتتعلم.. بتتعلم مشاعرنا .. خطاوي الريد وتمشيها..

من الأيام معانيها...

*****
ما قايلين نعيش ونشوف.. وننسى أيام زمان والخوف..

وننسى شقانا فيك يا ليل.. وتبالغ مشاعرنا.. لو تنسى البنسيها..

كل الدنيا والفيها...

*****
يا ما ناس كتير أدت.. وبنفس القدر ناس شالت..

شالوا وختوا فيك يا ليل..





رد مع اقتباس
  #17  
قديم 05-10-2010, 04:43 PM
ابوسعاد غير متواجد حالياً
 
تاريخ التسجيل: Dec 2009
المشاركات: 77
معدل تقييم المستوى: 9
ابوسعاد is on a distinguished road
افتراضي

يا مراكبي"


*****
يا مراكبي عدينا.. على توتي ودينا.. سوق معاك في الرحلة شادينا...

*****
عدينا عدينا.. كان تهنا أهدينا .. النيل يروي صافينا.. والوادي وادينا...

*****
قوم قرب المركب.. خلي الشباب يركب.. محبوبنا كالكوكب.. نوّر دياجينا...

*****
عزلتنا مكتملة.. وننزل هناك جملة .. نتمشى في الرملة.. ونجلس في شاطينا...

*****
جلستنا تحت أشجار.. متفتحة أزهار.. صوت السواقي نهار.. نغماتو تشجينا...

*****
عدينا عدينا.. كان تهنا أهدينا .. النيل يروي صافينا.. والوادي وادينا


رد مع اقتباس
  #18  
قديم 05-10-2010, 04:44 PM
ابوسعاد غير متواجد حالياً
 
تاريخ التسجيل: Dec 2009
المشاركات: 77
معدل تقييم المستوى: 9
ابوسعاد is on a distinguished road
افتراضي

حسدوني في حبك"


*****
حسدوني في حبك عزالي من بدري.. لاموني غير خبر وجهلوني هل تدري...


*****
حسدوني في حبك وجهلو جليل قدري.. لكني ما بهتم ما دام رحب صدري...

يا جالب الأفراح.. زيد الوشوني جراح.. إن قالوا اسمك مين قول ليهم البدري...


*****
بُعدك نحل جسمي و قربك جبر كسري.. وشوفت ترد الروح وليمك يفك أسري...

يا من لقاه رباح.. أنا دمي ليك مباح.. بس قولي امتى تبين يا الحاذق العصري...


*****
مهما يطول بعدك ومهما يحل زجري.. شوفتك ترد الروح وليمك يفك أسري...

يا زهرة التفاح.. زاكي وعبيرك فاح.. زي نفحة الياسمين في طلعة الفجري...


*****

أملي وحياة روحي في خدك الزهري.. وبيك السعادة تتم وبيك يبتسم دهري...

يا من لقاه رباح.. ظاهر بغير ايضاح.. صحي انت نور العين ما أحلى فيك سهري


رد مع اقتباس
  #19  
قديم 05-10-2010, 04:45 PM
ابوسعاد غير متواجد حالياً
 
تاريخ التسجيل: Dec 2009
المشاركات: 77
معدل تقييم المستوى: 9
ابوسعاد is on a distinguished road
افتراضي

توبة يا أحباب"


*****
توبة يا أحباب لو غشيت داركم.. بس كفاي عذاب الضقتو من ناركم...

*****
مُش من الإنصاف تظلموا حبابكم.. الواهبين الروح وضحُّوا علشانكم...

ليه كل يوم بسأل.. أنا كل يوم بسأل.. وأنشُد أخباركم..

والنسيم عارف.. حالي وأحوالكم ...

*****
بالله يا أحباب بي قلبي رحماكم.. قصدتوا نسيانو وهو ما نساكم...

ما بحب في الدنيا إلا إيّاكم.. وريتو ايه الحب حبَّ فنياكم...

*****
ياريتنا يا أحباب ما هويناكم.. ما عرفنا الحب وما رأيناكم...

يا أطبّاء الكون أشفوا مرضاكم.. ديل أحق الناس بي سجياكم...

*****
توبة يا أحباب لو غشيت داركم.. بس كفاي عذاب الضقتو من ناركم...



رد مع اقتباس
  #20  
قديم 05-10-2010, 04:45 PM
ابوسعاد غير متواجد حالياً
 
تاريخ التسجيل: Dec 2009
المشاركات: 77
معدل تقييم المستوى: 9
ابوسعاد is on a distinguished road
افتراضي

"درب العاشق"



*****
درب العاشق أبنّو خايف لا يحطمنّو ... (هو هوي هوي ) يا السادة .. يا الملايكة أنا لي حِنّو ...

*****
حبي الما قدرنّو .. دمي الفيّ نشفنّو ... (هو هوي هوي) يا السادة .. يا الملايكة أنا لي حِنّو ...

*****
كتير عشاق غيري جنّو .. ما سائلين دُرنا دنّو ... (هو هوي هوي) يا السادة .. يا الملايكة أنا لي حِنّو ...

*****
سألت منو وقلت مالو.. قالوا لي سدّوا مالو ... (هو هوي هوي) يا السادة .. يا الملايكة أنا لي حِنّو ...

*****
دربي الما قبّلنْلو.. وقلبي الحاير حطمنّو ... (هو هوي هوي) يا السادة .. يا الملايكة أنا لي حِنّو ...

*****
درب العاشق أبنّو خايف لا يحطمنّو ... (هو هوي هوي ) يا السادة .. يا الملايكة أنا لي حِنّو ...

(هو هوي هوي ) يا السادة .. يا الملايكة أنا لي حِنّو ...

(هو هوي هوي ) يا السادة .. يا الملايكة أنا لي حِنّو ...

(هو هوي هوي ) يا السادة .. يا الملايكة أنا لي حِنّو


رد مع اقتباس
إضافة رد

الكلمات الدلالية (Tags)
محمد, الفنان, احلى


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

free counters

Sitemap

الساعة الآن 06:44 PM.


Powered by vBulletin™ Version 3.8.7
Copyright © 2017 vBulletin Solutions, Inc. All rights reserved.
SEO by vBSEO

Security team