منتديات احباب عرب  



العودة   منتديات احباب عرب > القسم الادبي > الشعر والخواطر



إضافة رد
 
LinkBack أدوات الموضوع انواع عرض الموضوع
  #21  
قديم 04-29-2010, 03:42 PM
غربة و شوق غير متواجد حالياً
 
تاريخ التسجيل: Apr 2010
المشاركات: 20,922
معدل تقييم المستوى: 28
غربة و شوق is on a distinguished road
افتراضي

تذكــــــــــــــــار



يا واقد في جوفي النار
ما ترسل صورتك تذكار
ما ترسل صورتك تحرسني
بالنظرة الحانية تانسني
وبسكوتها الهادي تحادثني
ونتبادل احلي الافكار

في جمالها ونورها واشراقه
اهديها بروحي المشتاقه
هي زادي في الدنيا الفراقه
ومين عارف حكم الاقدار

اهديها وخليك مطامن
وحياة عينيك واحلامن
سرك محفوظ عندي وآمِن
ومن طبعي اداري الاسرار


رد مع اقتباس
  #22  
قديم 04-29-2010, 03:42 PM
غربة و شوق غير متواجد حالياً
 
تاريخ التسجيل: Apr 2010
المشاركات: 20,922
معدل تقييم المستوى: 28
غربة و شوق is on a distinguished road
افتراضي

الحــــــــب .. والظروف ..



كلمات: فضل الله محمد





قلنا ما ممكن تسافر
نحن حالفين بالمشاعر
لسه ما صدقنا انك بجلالك جيتنا زاير
السفر ملحوق ولازم انت تجبر بالخواطر
* * * * * *
الغريبة الساعة جنبك تبدو أقصر من دقيقة
والدقيقة وإنت ما في مرة ما بنقدر نطيقها
دنيا بقربك يفرهد كل طائر يحيا فوقها
وجنة من بعدك بيذبل كل مخضر فيها ناضر
* * * * * *
لو تسافر دون رضانا بنشقى نحن الدهر كله
ما بنضوق فى الدنيا متعة وكل زول غيرك نمله
أقل حاجة تخلي سفرك حتى لو إسبوع أقله
وإنت عارف نحن بعدك للصباح دايما نساهر
* * * * * *
لا لا ما بنقبل نسيبك تمشي للوحدة وتعاني
برضو ما بنقدر نقاوم شوقنا من بعدك ثواني
وما بنغنى وراك كلمة وما بنشوف البهجة تاني
غايتو لو شفقان علينا ما أظنك يوم تسافر


رد مع اقتباس
  #23  
قديم 04-29-2010, 03:43 PM
غربة و شوق غير متواجد حالياً
 
تاريخ التسجيل: Apr 2010
المشاركات: 20,922
معدل تقييم المستوى: 28
غربة و شوق is on a distinguished road
افتراضي

يامعاين من الشباك
يامعاين من الشباك
يااحلى زول شفناك
ارحم قلوبنا معاك
وشاركنا نحن هواك
يا كامل لاوصاف
ياالكلك جمال وعفاف
عايزين نقول بنخاف
تهرب وما تنشاف
ناوين نزور والديك
نطلب ياحميل ايدك
نوعد بالعمر نفديك
لو العمر يرضيك
ياغالى ليك هوينا
الشباك يشهد لينا
كم مرة رحنا وجينا
لو بالعيون قول لينا
انك ياجميل حابينا


رد مع اقتباس
  #24  
قديم 04-29-2010, 03:44 PM
غربة و شوق غير متواجد حالياً
 
تاريخ التسجيل: Apr 2010
المشاركات: 20,922
معدل تقييم المستوى: 28
غربة و شوق is on a distinguished road
افتراضي

بدور القلعة

السيوف ألحاظك تشهرا
للفؤاد المن بدرى انهرا
اخفى ريدتك مرة و اجهرا
نار غرامك ربك يقهرا

****
يا بدور القلعة و جوهرا
****

صيدة غيرك مين الجسرا
تستلم افكارنا و تأثرا
حال محاسنك مين الفسرا
يالثريا الفوق اهل الثرى

****
يا بدور القلعة و جوهرا

*****

الصدير اعطافك فترا
النهيد باع فينا و اشترى
الشعر اقدامك سترا
رقيصيبو قلوبنا البعترا

****
يا بدور القلعة و جوهرا

*****
عالى صدرك لى خصرك برى
فيه جوز رمان جلى البرا
الخطيبة و ردفك منبرا

*****
يا بدور القلعة و جوهرا

*****
جلسة يا ابو الحاج اتذكرا
و رنة الصفارة اتفكرا
وهبة بى مزيقتو اتحكرا
كم طرب افكارنا و اسكرا

*****

يا بدور القلعة و جوهرا

*****

العيون النوركن بجهرا
غير جمالكن مين السهرا

****
يا بدور القلعة و جوهرا


رد مع اقتباس
  #25  
قديم 04-29-2010, 03:45 PM
غربة و شوق غير متواجد حالياً
 
تاريخ التسجيل: Apr 2010
المشاركات: 20,922
معدل تقييم المستوى: 28
غربة و شوق is on a distinguished road
افتراضي

مراكب الشوق وروعة الشاعر محمد الحسن والورع ود الامين
شايلك معاي وإدفى بي طيبة العيون
وكتين أسير مشوار براي
و اتاتي زي رمشاً حزين بكى الصباح
واتمسى بحزنو المساء
وابقى الوحيد
زي بلبل فقد الجناح هاجر جناه على الصقيع كاس لبوادي مِشمِسة
وارحل شواطئ الغربة مغلوب بالرياح وانحت حروف فوق الصخور و اتحسسا
وابعث غناي مع كل آها و كل زفرة وكل ضحكة مونسة
شان تمشي لعيونك تعيش وتونسا

واتخيلك وكتين اشوف أُماً تهبب لعروس وقت الزفاف و ترقصا
وارحل بعيد فوق شعرها زي مركب نشوان مشى فوق موج و شلالات
و آخر المطاف فوق شط حنان مهجور زمن راح واتنسى
وزي ريس الساري الغريب غالَب ليالي الشوق على الساري إتكى
ورش الدموع برعشة الغيم البكى
ودس الانين فتق جراحات الحنين في الغربة باسة و وَشوَشا
واتذكرك وكتين اشوف لارنجة تتحدى الرياح عِز السموم صدر الشتاء
وتمد ظلالها على الهجير تفرَح .... تفرّح في الرياح وتوشوشا


رد مع اقتباس
  #26  
قديم 04-29-2010, 03:45 PM
غربة و شوق غير متواجد حالياً
 
تاريخ التسجيل: Apr 2010
المشاركات: 20,922
معدل تقييم المستوى: 28
غربة و شوق is on a distinguished road
افتراضي

مساجينك
مساجينك
مساجينك
تغرد في زنازينك
عصافيراً مجرّحه بى سكاكينك
نغنى..
ونحن فى أسرك
وترجف..
وانت فى قصرك
سماواتك دخاخينك
مساجينك
مساجينك
مساجينك
برغمك نحن مازلنا
بنكبر بى زلازلنا
بنعشق فى سلاسلنا
وبنسخر
من زنازينك
مساجينك
مساجينك
مساجينك
حكايات الهوى الأول..
بنحكيها
بدايات الغُنا الطول.. نغنيها
حقيقه وليس تتأول
!حتخجل من عناوينك
مساجينك
مساجينك
مساجينك
للسودان عواطفنا
وبالسودان مواقفنا
ولّما تهب عواصفنا
ما حيله قوانيك؟
مساجينك
مساجينك
مساجينك



رد مع اقتباس
  #27  
قديم 04-29-2010, 03:46 PM
غربة و شوق غير متواجد حالياً
 
تاريخ التسجيل: Apr 2010
المشاركات: 20,922
معدل تقييم المستوى: 28
غربة و شوق is on a distinguished road
افتراضي

مُنىً ..أهدي إلى المهجة أنفاساً وعُمرا
أهرقت دُنياك في دُنيَايَ أنغاماًً وسحراً
وتَذوَقتُ غراماً منكَ مَشبوباً ومُرا
يا هزاراً رائع الطلعة فَتاناً أغَرّ
فَجرَ الألحانَ في قلبي إعلاناً وسرا
يا صَباحاً فَتقَ الآمال في الخاطر زهرا
ونَدى يُدفقُ أشواقاً ويغرورق عطرا
ياجناحا طوّق الأضلاعَ أفراحاً وبشرا
يا شراعاً أوصَلَ الزورق للشاطيء فجرا
ما الذي أهديه إلا ذوب اضلاعي شعرا
وافتتاني واندفاق أغاريديَ خَمرا
قد تنَعَمتُ عطاءأً منك دَراراً روياً
وحُنُواً هَدهَدَ الآلام رَقرَاقاً نَديا
يا عيوناً كاليَنَابيع شُرُوداً وابتساماً
نَبعت في حَقل أيامي رَبيعاً وسَلاما
وقواماً كالأهازيج تَثَنى وتَسَاما
وانسياب الشَعر مَرأى بيدر صَلّى وناما
يا عُيوناً كالغناء العَذب في دفء العَشيّة
يا عُيوناً مثل صُبح العيد في الدار الحفيّة
كانت الفرحة في قُربك أعراساً من الضوء
وكان الشعرُ طفلاً غسقيّا
فتَبنَاهُ المُغنّي
وحَباهُ من بريق النَغَم الوَهاج كالبلور زِياً
ورعَى الأزهارَ في كلتا يَدَيه
ثُم ضَاع الطفلُ يا رَباهُ من بينَ يَدَيا
فَتَلَهَفتُ عليه
ومضَى الزَورَقُ بالملاح جيلا
كان كالإعصَار والبحرعَتيّا
هكذا دارت بنا الأيامُ
يا طائرَ أحلام الزَغاليل
ويا طَلق المُحَيا



رد مع اقتباس
  #28  
قديم 04-29-2010, 03:47 PM
غربة و شوق غير متواجد حالياً
 
تاريخ التسجيل: Apr 2010
المشاركات: 20,922
معدل تقييم المستوى: 28
غربة و شوق is on a distinguished road
افتراضي

نرجسة
*****
من طيف ملامح ياتو شئ
إنت الجمال أداك خواصه وكل شي
كل زول يشوفك ينتشي

وتلاقي فرح الدنيا كله على وشيه
يا أسمى آيات الكمال والرقة والذوق والفهم
يا مكمن السحر الحلال والضحكة والحس والنغم

يا فكرة بتجتاح الخيال تملاه بالخير والعشم
يا نشوة الفرح المحال تعرف قلوبنا معاه همّ
يا نرجسة

يا روعة الليل البهيج نام في العيون الناعسة
يا ضحكة الشوق المهيب نكتم مشاعره ونحبسها
يا كلمة بين شفتين حنان للمولى خشية بنهمسها

يرعاكي من شر العيون يحفظ محاسنك ويحرسها
من طيف ملامح ياتو شئ ....
انت الجمال اداك خواصه وكل شي


رد مع اقتباس
  #29  
قديم 04-29-2010, 03:48 PM
غربة و شوق غير متواجد حالياً
 
تاريخ التسجيل: Apr 2010
المشاركات: 20,922
معدل تقييم المستوى: 28
غربة و شوق is on a distinguished road
افتراضي

بعد الشر عليك

قالو متالم شوية ياخى بعد الشر عليك
النضاره الفى شبابك والطفولة الفى عينيك
والقلوب الحايمه حولك ياحلو بتتمنى ليك
بكره تشفى وبكره نفرح يا حبيب العمر بيك
ياخى بعد الشر عليك
انت ماشبه الدموع انت ماشبه العذاب
انت ماكلك عواطف انت ماكلك شباب
العمر عندك اسير والعمر غيرك سراب
ياخى بعد الشر عليك





رد مع اقتباس
إضافة رد

الكلمات الدلالية (Tags)
محمد, الامين, الفنان, الكثير, اغاني, كلمات


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

Sitemap

الساعة الآن 02:40 PM.


Powered by vBulletin™ Version 3.8.7
Copyright © 2018 vBulletin Solutions, Inc. All rights reserved.
SEO by vBSEO