منتديات احباب عرب  

العودة   منتديات احباب عرب > ^~*¤©[£]القسم الاداري[£]©¤*~^ > قسم المواضيع المكررة والمحزوفة

مشاعر طفولية

زى الطفله أحياناً بكون محتاجه زوج أب يآخد باله منى ودايماً يدلعنى وما يزعلنيش ويجيبلى شكاليطه وكل حاجه بحبها واحس انى معاه طفله بجد ويحب شقاوتى ولما حد يقوله انت

إضافة رد
 
LinkBack أدوات الموضوع انواع عرض الموضوع
  #1  
قديم 03-27-2012, 01:23 AM
الصورة الرمزية رشاء احمد
رشاء احمد غير متواجد حالياً
 
تاريخ التسجيل: Mar 2010
المشاركات: 64,439
معدل تقييم المستوى: 82
رشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud of
موضوع منقول مشاعر طفولية


زى الطفله أحياناً بكون محتاجه زوج أب
يآخد باله منى ودايماً يدلعنى وما يزعلنيش
ويجيبلى شكاليطه وكل حاجه بحبها
واحس انى معاه طفله بجد

ويحب شقاوتى ولما حد يقوله انت مدلعها اوى كده ليه
يقولهم دى بنت قلبى اللى بحبها
^_^
وفى نفس ذات الوقت بتيجى مشاعر أمومه غريبه
لما أقول
نفسى أكون مسؤله عنه وأنا اللى آخد بالى منه
وما أخليهوش محتاج حاجه
وأكيد زوجى هيبقى عندى بالدنيا
وهدعى ربنا يقدرنى أسعده

وأحس انى أمــه ،، اللى لازم تآخد بالها منه
ودايمــا أغتت عليه وهو بيلبس وأختارله القميص والبنطلون اللى يلبسه
ويفرح أووووى
وما يتضايقش
ولما ييجى يحلق دقنه
يلاقينى دخلت قبله وماسكه المكنه وأكتفه
وأحلقله أنـــــا

هو صحيح العمر واحد مشاعر طفولية بس أكيد هتعلم بقى
وهبقى أوووسطه فى الحلاقه

وساعات بتيجى للواحد مشاعر عن زوج المستقبل
ما بيقدرش يكتبها أو يطلعها بره
بتكون مشاعر جديده
صامته
صعبة الوصف أحيانـاً
ولو حاولنا نوصفها مش هنقدر نقول اللى جوانا بالظبط
وهيبقى مجرد كلام على ورق
....
بس آهى مشاعير تبع عتريسى المستقبلى
اللى ساعات بزعل منه انه مش جنبى
وأقول ياترى فين
ومين
وإزاى
!!!

وبيتملكنى الفضووول بقى أعرف هو مين
^__*
وسبحان الله بجد ممكن يطلع حد أعرفه
يعنى مثلا قريبى أو جارنا

بس لو كان واحد مالإتنين دول أنا اللى هرفضه
لأنه أكيد عارف كل مصايبى السوده
وهيذلنى بيهم
عاجلاً أو آجلاً

احم ، احم
بس برده هبقى ماسكاله كام ذله
وهفضحه فضحيه اللحمه فـ سوق الخضار

وغير المشاعر دى
وإحساساااتى المتضاربه جداَ
لأنى لحد دلوقت معرفش عريسى فين
بحس ان اللسان اللى عمال يتكلم ده ويدلع فيه من دلوقت
أول ما هيلاقيه هيبقى أخرس أبكم
لا يسمع لا يرى لا يتكلم
مشاعر طفولية
وهبقى قاعده جمبه زى بلاص المِش

وهتبقى شكوته الرئيسيه
البنت طلعت على وضع صامـــت

ومش بتتكلم

بس ده لو حصل هبقى اتحسدت
مشاعر طفولية
بقى البنت الرغايه اللى عماله ليل ونهار تزززهق اصحابها بالكلام عن جوزها
أول ما ييجى تسكت خاااالص كدهووو
O.o ده حتى عيبه فى حقــه

بس الوحش بقى الواحد بيبقى جواه كلام كتير وبيتكسف يقوله
وحاسه انى لو قعدت جمبه هغرق فـ شبر ميا
وهبقى كيوت وهاديه
على غير العاده طبعاً

لحد ما اتعود عليه فى خلال 17 ساعه ولا حاجه
ويلاقى الراديو اتفتح
وقناة النيل الكوميديه
والجزيره العربيه
^_^
ويحس انه قاعد مع قمر النايل سات كلـــه

.......

على فكره بيقولوا الست لازم تفهم الراجل من عنيه
إزاى بقى انا معرفش
مشاعر طفولية بس نفسى أبقى كده
عشان الباشمهندس جوزى ما يقولش عليه بجره

بس بتخيل مثلا
يكون قاعد مع اصحابه
وأعدى قدامه يبصلى
أعرف انه عايز 7 شاى
!!
وبصه تانيه اعرف منها انه عايز 4 بس
مشاعر طفولية
امممممممممممم
هسيبنى من موضوع البصات دلوقت
لما ييجى يبقى ربنا يحلها
وأجرب كده
وأشوف هعرف أفهم عنيه ولا هجيب مُترجم
بس أكيد ان شاء الله هفهمه
ما أنا هبقى بنت قلبه
وأمــه
وصاحبته لما يحب يشكى ويآخد رأيى فى حاجه

وهبقى كام حاجه فى بعض كده عشان ما يحتاجش لحد غيرى

وربنا يستر والمشاعير دى كلها ما تتلخبطش على بعضها
وتعمل عثــير جزر



المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

free counters

Sitemap

الساعة الآن 02:30 AM.


Powered by vBulletin™ Version 3.8.7
Copyright © 2017 vBulletin Solutions, Inc. All rights reserved.
SEO by vBSEO

Security team