منتديات احباب عرب  



العودة   منتديات احباب عرب > منتديات عربية > المنتدى المصري



تخاريف (قطار الحب ..من تاليفي)

بسم الله الرحمن الرحيم اتمنى ان تتسع قلوبكم لقصتي المتواضعه قطار الحب... للحب حكايات ..زي السفر في القطارات..ولما بشوف كل الناس المسافره ..بتمنى ابقى منهم واحده

إضافة رد
 
LinkBack أدوات الموضوع انواع عرض الموضوع
  #1  
قديم 03-22-2012, 04:31 PM
غربة و شوق غير متواجد حالياً
 
تاريخ التسجيل: Apr 2010
المشاركات: 20,922
معدل تقييم المستوى: 28
غربة و شوق is on a distinguished road
موضوع منقول تخاريف (قطار الحب ..من تاليفي)

بسم الله الرحمن الرحيم

اتمنى ان تتسع قلوبكم لقصتي المتواضعه


قطار الحب...

للحب حكايات ..زي السفر في القطارات..ولما بشوف كل الناس المسافره ..بتمنى ابقى منهم واحده ..بسال نفسي ليه الناس كلها مستنيه في المحطه؟..و ليه كلها خايفه تتأخر ولو لحظه؟

القطر غالبا بيتحرك بينا من غير مناخد بالنا ..و قصة الحب بتاخدنا و بتغير حالنا ...فبنودع صحابنا و تعليقاتهم لسه في ودانا ..منهم الي بيقول اننا بنحلم و نتمنى ..و الي بيقول اننا انخدعنا و سما الوهم طرنا .
كنت عارفه ان الحب الحقيقي هيغيرني ..فقلت من اولها لازم اخد قراري ..كرسي ولا ممر و لا جمب الشبك فين هيبقى مكاني ؟..حب درجه اولى و لا تانيه و لا تالته ايه هو اختياري؟

في اول الطريق كانت عينيه سعادتي ..و مخدتش من اي حاجه تانيه بالي ..كنت حاسه اني عايشه و فرحانه و معاه احلى اوقاتي ..
مدة الرحله بتختلف من واحد للتاني ..بس غالبا عند اول ملف بتنتهي ...و انا دلوقتي قطري بيهدي ..يا ترى هي دي بداية نهايتي ؟؟؟

و القطر هدى شويه ..و زي مقلت دي كانت بداية النهايه ...مليت منه او مل مني المهم انتهت الحكايه ..القطر وقف في محطة الخيانه ...فكان لازم انزل بسرعه لرتكب جنايه ...شكله كان واخد الحب هوايه..
المهم من القطر نزلت ...و طبعا من خيانته قرفت ..و من غبائي زعلت ..و على بعد صحابي ندمت ..و من الرحله تعبت ..فخدت لي كرسي و قعدت ..قلت اسلي نفسي شويه ..بالناس الي بتتشعبط ديه ..
اكتشفت ان في كتير زيي مخدوعين ..و كتير لسه في الوهم غرقانين ..و ناس تانيه .. واخده الحب لعبه ..كل متفشل ليهم قصه..على طول بيقلبو الصفحه..
عرفت ان من الساهل تركب القطر و تسافر ..بس مهم اوى تبقى واثق انك مش بحياتك بتغامر ...ولا بسعادتك بتقامر .
في ناس السفر مستحيل بالنسبه لهم ..مبيعيشوش الحب الا في احلامهم..خايفين يفشلو و يواجهو الالمهم...بس بردو السعاده مش في حياتهم.
و في ناس هتتجنن عشان تلحق مكان في القطر ..بيحلمو انه يوصلهم للبر ..قبل الايام متهرب بيهم و ينتهي العمر .
بس انا بعد رحلتي الوحيده ..مفكرتش اخد رحله جديده..خفت الصدمه تبقى شديده ..
ومن ساعتها و انا بتفسح في المحطات ..
بتفرج على الناس الي بتركب القطارات..
ياما سمعت منهم حكايات ..
اماني طارت ..و احلام بقت كوابيس..
فاقتنعت ان القطر ممنوش فايده احسن لي اركب الاوتوبيس.
0
00
0
0
عزف الالام


المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

Sitemap

الساعة الآن 02:58 PM.


Powered by vBulletin™ Version 3.8.7
Copyright © 2018 vBulletin Solutions, Inc. All rights reserved.
SEO by vBSEO