منتديات احباب عرب  

العودة   منتديات احباب عرب > ^~*¤©[£]القسم الاداري[£]©¤*~^ > المواضيع المنقولة

عدم الموضوع بعلم المشاط يا التايه

التايه بت كلتوم التايه بت كلتوم مره شمشاره كل يوم لافحه توبا فى الحله وجاريه راجلا زول صعب وحار عينو حمره تولع فيها سجارتك وشنبو ترك فيهو حديه الا مرتو

إضافة رد
 
LinkBack أدوات الموضوع انواع عرض الموضوع
  #1  
قديم 03-21-2012, 04:01 PM
الصورة الرمزية حمد السوداني
حمد السوداني غير متواجد حالياً
 
تاريخ التسجيل: Dec 2011
المشاركات: 44,695
معدل تقييم المستوى: 51
حمد السوداني is on a distinguished road
موضوع منقول عدم الموضوع بعلم المشاط يا التايه


التايه بت كلتوم

التايه بت كلتوم مره شمشاره كل يوم لافحه توبا فى الحله وجاريه راجلا زول صعب وحار عينو حمره تولع فيها سجارتك وشنبو ترك فيهو حديه الا مرتو مغلبا بالحيل لكن قادر عليها اول ما تعرف زمن جيتو جا تجى سريع راجعه الحال دا ما عاجبه دايره تنفكه من راجلا لكن ما بالطلاق دايره تشوف ليها حل سمح ولقتو
وجرت لسعاد بت محاسن قالت ليها اجرى كلمى نسوان الحله واحده واحده قولى ليهم التايه بت كلتوم
قالت ليكم تعالوا عندها اجتماع فى بيت زينب بت الشيخ
جرت سعاد بت محاسن وكلمت نسوان الحله جت عليهم جن ومتحيرات التايه بت كلتوم دى ليها كم يوم سرحانه الناس فى وادى وهى فى وادى ياربى مالا نمشى نشوف ياخبر بفلوس بكره يبقى ببلاش
اتلمن النسوان وقعدن وشابات الحله برضو جو شمارات وقفت بنيات صغار جنب خشم الباب عشان راجل من الرجال مايخش
وبدت الكلام
اسمعن يانسوان انتن ماعارفات انا جبتكن هنا ليه الكلام الدايره اقولو دا مافى زول سبقنى عليهو وزمان مافى مره بترضاهو لكن بعد دا بنرضاهو الرجال ديل جننونا شديد وكشفوا حالنا ونقروا طارنا لا بعجبن العجب ولا الصيام فى رجب دحين انا لقيت لى صرفه تحلهم مننا
طبعا النسوان كلهم مقهيات التوبا واقع والولدا واقع غايتو حالم عجيب واحده من النسوان قالت ماتتكلمى يابت كلتوم مالك طولت الكلام كدى
وقالت ليهم بت كلتوم الرجال ديل مافى طرقه الا نعرس ليهم كل النسوان بخشم واحد نعرس ليهم
نعرس ليهم كيف وقالت واحده منهم انت يابت كلتوم ماك نصيحه اول شى البقبل بيهم منو وتانى شى نلقى قروش العرس وين هم الاكل فى تلتله يعرسو بشنو قالت بت كلتوم نحن نعرس ليهم
انتى يابت كلتوم جنيتى نعرس ليهم نحن بشنو قالت بت كلتوم نسوى صندوق صرفه يعنى كل شهرين نديها لواحده والصرفه دى بتكفى مصاريف العرس قلتو شنو
واحده قالت نجيب قروش الصرفه من وين قالت ليها كلتوم من قروش الملاح وفرى والاولادا شغالين بدوها بالطريقه دى نكون اتفكينا من الرجال وفكينا بوره البنات وفى اللحظه دى واحه من البنات البايرات ضربت الذغاريد ود عشمانه العوقه جرى لبره هو عشان خلاقه واهبل قاعد فى نص النسوان وفهم الكلام كلو والرجال سمعوا الذغاريد ود عشمانه جارى مسكوا الرجال ها العوقه دا فى شنو الدايرن يعرسوا منو قال ليهم دايرن يعرسو ليكم انتو نحن عا العوقه دا القال لك الكلام دا منو
ومرقت واحده من البايرات وانتشر الخبر بين الرجال محمد ود اسماعيل جارى مارق من الحواشه نطه الجدول انزلقت رجلو وقع كسر ييدو الشيخ ود دفع الله مارق من الراكوبه طقش مرق الراكوبه شقه جبهتو الزين ود سعيده وقع فى البئر والخير ود ام الحسن اتشرق بالاكل والزين ود الزاكى وخوجلى ود كلتوم متخانقين واقعين فى الواطه متشكلين فى هاجر بت ام الحسن كل واحد فيهم دايرا وعثمان ود الحلبى خلا دكانو فاتح وجرى وياسر ود خير الله جرى من الحلاق نص دقنو محلوق والباقى مامحلوق والزين ود على وقع من راس البيت وحصل هرج ومرج
الدنيا مقلوبه جنب بيت زينب بت الشيخ اليدو مكسوره الراسو مشقوق وغيرو وغيرو وقالت كدى التايه بت كلتوم وقفت فى النص وضربت الذغاريد ومعاها النسوان دا اليوم الدايرنو ليك ياابو محمد مبروك عليك
عذرا ايها الرجال فأنتم أحبابنا لا نستغنى عنكم أبد
ا

المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

Sitemap

الساعة الآن 10:05 AM.


Powered by vBulletin™ Version 3.8.7
Copyright © 2018 vBulletin Solutions, Inc. All rights reserved.
SEO by vBSEO