منتديات احباب عرب  



العودة   منتديات احباب عرب > منتديات عربية > منتديات فلسطين



( 2 ) *** يوميـــات مديـــر عـــام ***

( 2 ) *** يوميــات مديــر عـــام *** اليوم إخترت عضوة مميزة ومحبوبة من قبل الجميع بالمنتدى وهيا الأخت الغالية صفاء القلب دار حوار طويل بين الأخت صفااء وبين

إضافة رد
 
LinkBack أدوات الموضوع انواع عرض الموضوع
  #1  
قديم 03-21-2012, 03:53 AM
غربة و شوق غير متواجد حالياً
 
تاريخ التسجيل: Apr 2010
المشاركات: 20,922
معدل تقييم المستوى: 28
غربة و شوق is on a distinguished road
موضوع منقول ( 2 ) *** يوميـــات مديـــر عـــام ***

( 2 ) *** يوميــات مديــر عـــام ***


اليوم إخترت عضوة مميزة ومحبوبة من قبل الجميع بالمنتدى وهيا الأخت الغالية صفاء القلب

دار حوار طويل بين الأخت صفااء وبين المدير العام فارس وإشترك معهم بالحوار مجموعة من الأعضاء

ما رح أطول عليكم ... خلينا نشوف شو صار بين صفاء وبين المدير العام فارس


( 2 ) يوميات المدير العام * فارس* مــــــــع الأخـت *صفاء القلب *



الإم : مالك يا بنتي ماعم تاكلي هالفترة ؟

صفاء : أبداً ... مهمومة مو أكتر ، مو ملائية شغل

الإم : طيب قرأتى شي نشرة التوظيف ع الراديو !

صفاء: لأ إمي ... مركزة بسمع إعلانات شغل بالجرايد

الإم : الله يرزئك يا بنتى ، مو عارفة شو أحكيلك !

صفاء: بسسسسس ... لقيت فرصتي هون ، مؤسسات حلم فلسطين طالبين مشرفة بمواصفاتى

الإم : وين ... وين سمعتى ، بأي صفحة بالجريدة ؟

صفاء: بصفحة الحوادث إمي ، يا سلام أخيراً رح أشتغل ، طالبين مواصفاتي تمامًا كأنهم بيحكولي تعالي يا صفاء مؤسسات حلم فلسطين مو قادرة تشتغل بدونك ، تعالي يا صفاء لترفعى رصيدنا بالبورصة ، تعالي يا صفاء كنا بندور على مواصفاتك لنبعتك في مهمة لأثيوبيا

الإم : طيب شو بتستنى ، إتصلي فيهم حتى يبعتولك سيارة تاخدك

صفاء : لأ ... لازم أفاجئهم وأروح بنفسي


وصلت صفاءلمؤسسة حلم فلسطين



جوهرة الميدان: وين يا أبو الشباب رايح؟؟؟


صفاء: عم تهينيني ... أنا بنت مو شب ، سلامة نظرك !!! عموماً أنا جاية بخصوص طلب المشرفة .. ورح أقيلك أول ما أستلم شغلى

جوهرة الميدان: أنا هون بنفذ قوانين وبمثلها ، لازم تفوتي على صالة الترحيب بالزوار حتى يرحبوا فيكى

صفاء: ما بحب الفشخرة ... طيب في صحافة شي ؟

جوهره: لا تخافي كلهم أربع فضائيات بس

صفاء: بس !!! لو كنت بعرف كنت لبست تياب العيد


وبعد الترحيب طلعتصفاء على إدارة حلم فلسطين


وطن الاحزان: طالع من مكتب المدير العام فارس بيسب وبيلعن

صفاء: يا أخ ... يا أخينا مين ضاربك ؟

وطن الاحزان : منه لله ... جيت هنا قبل فترة وكنت فاكر نفسي لقيت راحتي ، تصوري إمبارح حذفت عشر مواضيع فى النثر .. قام بعتلي عالإيميل بتاعي جواب إنهاء خدمة ، نسي خدماتي ومنقولاتي اللي بنسبها لنفسي ،نسي إني من يوم ما جيت ما سمحتش ولا بموضوع نثري في قسمي

ناي: مرت من المكان سمعت وطن الاحزان بيندب حظه ، صارت تبكي وطبعاً إتسممت ساندويشة الفول اللى بإيدها

صفاء : شو هالعالم الغريبة هاي ... أكيد أنا مو متلهم

شموخ رجل : عفواً يا أخ وين رايح ؟؟؟

صفاء: وبعدين معكم !! أنا بنت مو شايفيني لابسة شيلة على شعري

شموخ رجل: عفواً ... طيب وين رايحة يا أخت ؟

صفاء: بدي أقابل المدير العام

شموخ رجل: عندك موعد مسبق ؟

صفاء : لأ ... أنا المشرفة اللى طلبتوها بالجريدة

شموخ رجل : آآآآه فهمت ... بس لازم تتركيلنا رقم تلفونك والفاكس وعنوانك كامل بالإنجلش وإيميلكوأربع صور شخصية وورقة حسن سير وسلوك من المباحث العامةوشهادة خلو أمراض من قسم الصحة وبطيخة من المفترض تكون حمرا وإنتى وحظك وعشر بيضات مسلوقين عالفحم و100 دولار بس

صفاء : شووووووووووووو ... شو هاد كله ، وعلى شو ، وبعدين لشو المصاري ؟

شموخ رجل : هاي رشوة اللى مشان أسرع طلبك وتلحقي الدفعة اللى رح تقابل السنة الجاية

صفاء: بتصرخ وبأعلى صوتها وبتبكي وبتندب حظها

أنا ما عندي غير أب واحد وإم واحدة ... وخطيبي قاعد مع أولادي بالشارع ناطرني لأفرحهم وآخدهم أحليهم لأول مرة على محل ساندويتشات فلافل ... يا ويلي يا


ويلي



المدير العام( فارس ) طلع على صوت ساندويتشات الفلافل



المدير فارس: شو في ... ليش هالصراخ ياشموخ رجل، ما قلتلك عم برتاح شوية فى قسم الترفية بعد الشلوت يلي طردت فيهالبنت يلي جاية بخصوص الإشراف

صفاء : حضرتك المدير العام ( فارس) ؟

المدير فارس: مع مين هاي جاية ، نازلة مع الطلبات شي ؟

صفاء: لا بجد .. مو مصدقة نفسي إستنى أرش كولونيا

المدير فارس : يوم زفت من أوله ، مين دخل هاي البنت عالشبكة ؟

صفاء : أنا بعرفك من الجرايد وبسمع خطبك في البرلمان ،كنت متخيلتك كبير بس طلعت شباب لسة ، الله يحرسك من العين إستنى أطلع بخور أبخرك

المدير فارس : إبعتوا لعطر الندى على قسم العيادة الطبية حتى تشوف شو مشكلتها ؟

صفاء: ما حدا يلمسني ، يا إما برج علبة البيبسي يلي بإيدى

المديرفارس: طيب إهدي إهدي... خبريني شو في ؟ وأي داهية رمتك علينا ؟

صفاء: أنا المشرفة الجديدة ... شو رأيك ؟ صح فاجئتك

المدير فارس: قريتي الإعلان شي ؟

صفاء : طبعاً سمعته ... ولأنه بتتوافر فيني هالمواصفات جيت

المدير فارس: بأي جريدة قريتيه ؟

صفاء : بصفحة الحوادث فى جريدة فلسطين

المدير فارس : مسك التلفون ... ألو يا جوهرة الميدان، إلغي تعاملنا مع جريدة فلسطين

كمان المدير
فارس
: أيوة صفاء خانوم ... تفضلي لنسألك شوية أسئلة

صفاء: على الكرسي تبعك ولا يلبي قبالك ؟

المدير فارس: وين حبوب الضغط يا عالم !!! لخصي يا آنسة صفاء، شو مستواكى العلمي ؟

صفاء: راسبة تالتة إعدادي !

المدير فارس : ما شاء الله ... عز الطلب ، طيب بتعرفي شي عالكمبيوتر .. طباعة نسخ ومن هالأمور ؟

صفاء: لأ ... شو يعني كمبروتر ؟ إذا متل الخلاط فأنا شاطرة بالخلط بخلاطنا بالبيت

المدير فارس : خلاط شو .. وبيت شو .. بحكي عن هالجهاز شايفتيه

صفاء : إي إي ... هاد يلي متل التلفزيون تبع أبو محمد الحلاق جارنا

المدير فارس: يلي بتحلقي عنده ؟

صفاء : كل جمعة وحياتك

المدير فارس : عظيم عظيم .. شيء جميل .. قوليلي يا آنسة صفاءآخدة دورات شي من قبل ؟

صفاء : مخلصة تلات أسابيع في مكافحة المنتديات

المدير فارس : أنا شو عملت يا ربي لتبتليني ع بكرة هالصبح ... طيب يا آنسة صفاء وين بتشوفي مواهبك ؟

صفاء: بغني بالأفراح ، وبرسم أحيانا الظلمة

المدير فارس : لحظة لحظة ... كيف يعني بترسمي الظلمة أقنعيني ورح باركلك

صفاء : بسيطة ... بجيب ورقة بيضة بدهنها أسود وين المشكلة ، هادا إسمه فن تشكيلي

المدير فارس : سبحان الله ... أقنعتيني جدا

صفاء: أديش بتعطوا مرتبات هون ؟

المدير فارس : قديش هيك متوقعة ؟

صفاء: طيب قلي قلي بالأول .. بالدولار ، ولا باليورو رواتبكم ؟

المدير فارس : لأ .. وإنتى الصادقة بالين الياباني ؟

صفاء : معناتو 6000 شيكل منيح ، والمواصلات عليكم كمان ، ويا حبذا توفرولى سيارة وشوفير ، ورحلة خمس شهور كل سنة على حسابكم ، وبالمرة عندى أخ على وجه جواز تكاليف عرسه وبس ، إى صح نسيت أقول بدى أربع ساندويتشات فلافل كل يوم اصبح

المدير فارس: لهون وبس ... على جثتي هاي الأخيرة ، موافق على كل شي إلا هاي !!! مستحيل أضحي بتكاليف عرس أخوكى ، وأفسحك على حسابحلم فلسطين من عيني ، وسيارة تاخدك بشوفير وما ترجعك على راسي ، بس ساندويتشات فلافل لأ لأ لأ هادا إسمو إستغلال ... يلا ما فى نقاش ،آخر كلام عندى ... إتفضلى على قسم المكرر .. أوه .. قصدى الأسرة اللى رح تنحل على إيدك

صفاء: قول إن شاء الله

المدير فارس : راح يتصل فيابو سمره ... ألو أبو سمره

ابو سمره: عيوني يا غالي

المدير فارس: أنا مستقيل !!!

صفاء: رجعت ... أستاذ فارس... ما بتصرفوا تياب للمشرفين ؟

المدير فارس: برااااااااااااااااا ... على قسمك

إلحقوني بحبوب الضغط يا أعضاء





النهايـــــــة





إنتهت حلقتنا اليوم
إنتظرونا مع عضو آخر أو عضوة أخرى وحلقة جديدة من يوميات مدير عام




رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

Sitemap

الساعة الآن 04:59 AM.


Powered by vBulletin™ Version 3.8.7
Copyright © 2018 vBulletin Solutions, Inc. All rights reserved.
SEO by vBSEO