منتديات احباب عرب  



العودة   منتديات احباب عرب > منتديات عربية > منتديات فلسطين



بالع راديو.. بالع التشليح بالبلد

البلد أعلنت إفلاسها، وأشهرت طفرانها، وإذا بيضل الوضع هيك، أصلاً مش رح يضل إشي بالبلد، الاستيطان شلّحنا الأرض، والحكومة رح تشلّحنا حتى أواعينا مشان نصرف عليها. أما اقتصاد وأما

إضافة رد
 
LinkBack أدوات الموضوع انواع عرض الموضوع
  #1  
قديم 03-19-2012, 05:50 PM
غربة و شوق غير متواجد حالياً
 
تاريخ التسجيل: Apr 2010
المشاركات: 20,922
معدل تقييم المستوى: 28
غربة و شوق is on a distinguished road
موضوع منقول بالع راديو.. بالع التشليح بالبلد


البلد أعلنت إفلاسها، وأشهرت طفرانها، وإذا بيضل الوضع هيك، أصلاً مش رح يضل إشي بالبلد،

الاستيطان شلّحنا الأرض، والحكومة رح تشلّحنا حتى أواعينا مشان نصرف عليها. أما اقتصاد وأما حكومة، وأما سياسات تقشّف غير شكل...


لو أجينا نقيّم البلد سنة 2011 رح نشوف بلد مشلحة، بلد عارية، لأنو الحكومة، واضح جداً إنها بتحب الإغراء،

بتحب إغراء الناس بمؤشرات التنمية، لهيك قررت الحكومة تشلح البلد من كل دولار معها.

مش الحكومة عندها مؤشرات نمو أكبر من مؤشر النمو في الصين؟ إذن بتقدر الحكومة تحمّل الناس والبلد جميلة وبتقدر بالتالي تشفط كل اللي ضايل مع الناس.

شو اللي صار سنة 2011 مشان الحكومة تبدأ سنة 2012 هيك، تبداها بقرارات عنوانها واحد،

إذا كنت فقير رح تصير فقير أكثر، وإذا كنت غني بدها الحكومة تشاركك.

مالها الحكومة فجأة هيك؟ شو اللي تغير؟ هو بصراحة ما تغير شي،

ولا الحكومة فجأة صارت هيك، بس اللي صار، إنو كلشي غلي، كلشي يعني كلشي،


والأهم إنو الحكومة بدها تثبت إنها قادرة على إدارة البلد، وإنها بتقدر توصل في سنة 2013 لاعتماد كلي على مقدرات البلد في ميزانيتها الجارية،

يعني معاشات ومصاريف، قصدي تعتمد على جيوبنا، ولّا مواطنين بأشياء وأشياء، ما هي الحكومة هيك فاهمة المواطنة، المواطنين مسؤولين عن العمل ليلاً نهاراً كي تنعم الحكومة براحة البال وبجيوب عمرانة.

الحكومة مش مطولة ورح تصدر قانون جديد، اسمو قانون تشليح الناس كلشي،

احمدوا ربكم إنو لهلأ ولا شركة في البلد فشّت غلّ الحكومة وقدرت تبيع الهوا مثلاً،


بس ساعيتها رح تزبط مع الحكومة.

لأنو ما ضل شي ممكن يصير عليه ضرائب غير الهوا بالبلد، هلأ ممكن الحكومة تبتكر طرق غير البيع، مثلاً،

تحسب كم كمية هوا كل مواطن بيحتاج باليوم، وبالتالي بالسنة، وهيك بتقدر الحكومة تقدر ضريبة الهوا، وبس هيك رح تقدر الحكومة توصل سنة 2013 تحصيل ميزانيتها 100% من جيوب الناس.

المشكلة مش بس بالتشليح، المشكلة الأكبر إنو ما حد حاكي للحكومة تعالي جاي؟

وين رايحة؟


يعني معلش خلي الحكومة تشحلنا كل اللي معنا، بس يكون فيه جهة بتعرف التفاصيل، وين بتوصل الفلوس، ووين رح تنصرف، وكيف؟ بس بهاي البلد، بيفكروا إنو بكفي يعني نفتح موقع وزارة المالية مشان نقتنع بإنو يعني هيك عرفنا كلشي.

إذا رح يضل المجلس التشريعي بالبلد هيك، معجز ومكحكح وأعضاؤو مكيفين على معاشاتهم وسياراتهم وعلى تأجيل الانتخابات،

طبعاً لأنه ثلثينهم مش رح يرجع حد ينتخبهم حتى أحزابهم، لازم يصير في جهة مستقلة لمراقبة فلوسنا اللي أخذتها الحكومة من جيوبنا،

على الأقل نتطمّن تعبنا وشقانا وين بيروح.

ايهاب الجريري


المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

free counters

Sitemap

الساعة الآن 06:58 PM.


Powered by vBulletin™ Version 3.8.7
Copyright © 2017 vBulletin Solutions, Inc. All rights reserved.
SEO by vBSEO

Security team