منتديات احباب عرب  



العودة   منتديات احباب عرب > منتديات عربية > منتديات فلسطين



كلشي ماشي

بالع راديو.. كلشي ماشي... إيهاب الجريري في البلد مش مهم كتير تعرفوا ليش كلشي نص كم، بما إنو المسؤولين عن البلد عاملين إنجاز برأيهم طالما كلشي ماشي، هو أصلاً فكرة

إضافة رد
 
LinkBack أدوات الموضوع انواع عرض الموضوع
  #1  
قديم 03-19-2012, 05:50 PM
غربة و شوق غير متواجد حالياً
 
تاريخ التسجيل: Apr 2010
المشاركات: 20,922
معدل تقييم المستوى: 28
غربة و شوق is on a distinguished road
موضوع منقول كلشي ماشي

بالع راديو.. كلشي ماشي...
إيهاب الجريري

في البلد مش مهم كتير تعرفوا ليش كلشي نص كم، بما إنو المسؤولين عن البلد عاملين إنجاز برأيهم طالما كلشي ماشي، هو أصلاً فكرة كلشي ماشي إجت من شوفير تكسي،

وهالشوفير بيسوق بطريقة صرت مؤمن فيها بإنو الطريق هي اللي بتمشي تحت سيارتو ومش العكس،

لأنو ماشي حتى يعمل حادث ما في مكان ما، لأنو باختصار مش مهم تمشي على الطريق بسيارتك،

الأهم كيف بتمشي على الطريق بسيارتك، وبصراحة أكثر مش مهم إنو كلشي مبين بشكل عام تمام، الأهم إنو تكون الأمور في البلد بجد تمام.


في البلد مليون طريق محفرة
، ومش عارفين لا إحنا ولا اللّي محفرين الطريق متى رح تخلص هالورشة، إنتو ادعوا ربكم بس تخلص هالورشة قبل ما يزعلوا الممولين من الحكومة الجديدة ويبطل فيه تمويل.


في البلد بيصلحوا إشارة ضوئية وحدة وبيخربوا عشرين، كيف بتمشي السيارات؟ إذا فيه شرطي مصحصح هيها مشت، إذا ما فيه، ربك عليم، اللي بيفلت بيفلت، واللي بيجيه شوفير لئيم من الجهة الثانية بنام ليلتو بالمستشفى.


في البلد فيه عشرين حفلة تخريج من الجامعات، بدلات، دكاترة، ضيوف شرف، زغاريد، وعينك ما تشوف إلا النور، مش مهم كم حد تخرّج السنة من الجامعات، الأهم كم حد من الخريجين رح يلاقي شغل من هون لسنة؟


في البلد فيه تأمين صحي للعمال وفيه تأمين صحي للممولين، وفيه كمان تأمين صحي للمعو مصاري، وما فيه تأمين صحي للي ما معو شي، بس بدكم الصراحة، هي شكلها مش كثير فارقة، لما فجأة بنكتشف إنو أكثر من ميت صنف من الأدوية مش موجودين بغزة.


في البلد، فيه هيئة مكافحة الفساد، وفيه مؤسسات لمكافحة الفساد، وفيه إعلام لكشف الفساد، وفيه حكي للصبح عن الشفافية والنزاهة والمش عارف إيش، بس ببلد فيها قوانين بتخلي الفساد يصير حق، شو بيعنيلي أكم من كبش فدا في هالقصة.

ما هي هي، لسه هيك، ممكن شوية مسخمين يستفيدوا من شوية واسطات.


في البلد كلشي بيمشي أساس،
ميت حد بيحطوا عينهم عليه، وبتصير مهمة الجميع في البلد يوقفوا المركب الساير، ما هو شغلة وحدة تمشي بتكشف ميت شغلة مش ماشية، وعلى أساس بدنا تنمية، تنمية مين وفيه قرى ما فيها كهربا لليوم؟


في البلد مش مهم شو عملنا
من أول ما بلشت السلطة لهلأ، وإحنا أصلاً عملنا بحالنا أكثر ما عملنا لحالنا، بس اللي بيضحك بجد، وبطّل ينسكت عنو، كم بيجي على البلد فلوس، وكيف بتنصرف، ومين وعلى أي أساس بيقرر يصرفها،

وإحنا فجأة وبدون مقدمات بطل معنا ندفع رواتب، لو بنبطل نشتري سيارات حكومية رباعية الدفع بس، كان بنزينها لحالو بيغطي اللي ضايل من فاتورة الرواتب، والمصيبة الطامة، كل هالغلا في البلد وكل هالضرايب وين بتروح، وقال شو احنا صرنا جاهزين للدولة؟


في البلد كثير مرات بتتمنى يكون معك سلاح،
سلاح بجد يعني، وبتفكر مليون مرة ترتكب مجزرة، مجزرة لكل اللي بتعاملوا معي ومعك ومع كلشي في البلد باستخفاف، ما هو لما الناس لسه مش خايفة انها تحط كرسي تحجز فيه الرصيف باب محلها، لا مهم القوانين ولا مهمين الشرطة، ما تصدقوا أبداً إنو البلد بطّلت بلد مين إيدو إلو...


في البلد فيه سحابة صيف جاية
، يا بتشتي علينا أمل، يا بتبللنا بفشل جديد، مش مهم لوين رايحين، ما هو كلشي ماشي، الكعك فيه مش عارف إيش ماشي، فش أدوية ماشي، دكاترة بيهاجروا من البلد ماشي،

ما حد بيعرف كم بدفع بدل شو برضو ماشي، احمدْ ربك إنو فيه كهربا، وفيه تلفونات، وفيه إنترنت، لو فيه حمام زاجل في البلد كان فرجيتهم إنو بطل يزبط إنو كلشي بس ماشي..


في البلد السؤال الأهم اللي سألو صديق ليش في البلد فشي أغورات، ليش كلشي بندفعوا زيادة، بدي أغورة يعني بدي أغورة لأنو اللي بيرفع البنزين 3 أغورات، ماخد بدالها نص شيقل،

وأكيد هو مش أقوى مني ولا منك، مش مهم يرجعلكم الباقي هو أصلاً فيه حد سائل؟


في البلد كلشي ماشي، لإيمتى وكيف رح يضل ماشي، بتحدى إذا حد بيعرف، المهم فيه ناس بتقبض بلاوي، وفيه ناس بتدفع بلاوي، لحد ما يبطلوا الناس قادرين يدفعوا بعديها، رح تعرفوا إنو مش رح يضل شي ماشي إلا بمزاجنا ومثل ما بدنا، بطل يكفي إنو كلشي ماشي.



المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

Sitemap

الساعة الآن 07:12 PM.


Powered by vBulletin™ Version 3.8.7
Copyright © 2018 vBulletin Solutions, Inc. All rights reserved.
SEO by vBSEO