منتديات احباب عرب  

العودة   منتديات احباب عرب > ^~*¤©[£]القسم الاداري[£]©¤*~^ > المواضيع المنقولة

دروس اسير العاطفيه ( لاتفوتكم )

دروس مفيده عن الحب وجميع العلاقات العاطفيه وكيفية التعامل معها تابع الدروس يوميا واتمنى التفاعل من الجميع نبدا على بركة الله : درسنا الأول حيكون عن العلاقات الانسانية الفي كل

إضافة رد
 
LinkBack أدوات الموضوع انواع عرض الموضوع
  #1  
قديم 03-18-2012, 06:28 AM
الصورة الرمزية حمد السوداني
حمد السوداني غير متواجد حالياً
 
تاريخ التسجيل: Dec 2011
المشاركات: 44,695
معدل تقييم المستوى: 51
حمد السوداني is on a distinguished road
موضوع منقول دروس اسير العاطفيه ( لاتفوتكم )

دروس اسير العاطفيه ( لاتفوتكم )دروس اسير العاطفيه ( لاتفوتكم )دروس اسير العاطفيه ( لاتفوتكم )

دروس مفيده عن الحب وجميع العلاقات العاطفيه وكيفية التعامل معها
تابع الدروس يوميا واتمنى التفاعل من الجميع نبدا على بركة الله :


درسنا الأول حيكون عن العلاقات الانسانية الفي كل المجتمعات
يعني حب ، صداقة ، زمالة ، أخوة ، معرفة .. وكيف نقدر نميز
بينا أول شي نحن كلنا مخلوقين زي بعض يعني ما في زول بتميز
عن التاني بي شي في الأساس لكن اختلاف التربية من مكان لي
تاني دا هو البخلق الافكار المختلفة بين الناس وفي النهاية كل
الناس حتموت وتدفن في قبر الذكي والغني والفقير والغبي والمهذب
والمحترم وقليل الأدب .. دا مبدأ عام ماشي في كل الكون ومن زمااااااان
كل الناس محتاجة للحب والحنان والنفس زي ما بقولو جبلت على
حب من احسن اليها يعني هسه البت بتحب ليها ولد ليه ؟؟
عشان اداها حاجة هي محتاجة ليها او مفتقداها وبرضو كمان الولد
بس الحب دا ما حاجة واحدة وفهم واحد كل زول بعرف الحب بي طريقتو
وزي ما قلنا حسب تربيتو والمجتمع العاش فيهو وممكن العلاقة بين
اتنين الناس تقول عليها حب في مكان تاني يسموها صداقة وفي مكان
تاني أخوة ... بس برضو في خطوط عريضة لكل علاقة .

نبدا بي علاقة الحب :
علاقة الحب أصلا مبنية على فهم أنو نحن بنحب بعض يعني عايزين نتزوج
لي قدام ونعيش في بيت واحد وكل واحد بيرتاح للتاني وبحس انو دا شريك
حياتو وطبعا ما بتخلو من المشاكل ( المشاكل حتكون درس براها ) لكن
الطرفين يتجاوزوا المشاكل بي فهمهم انو الحب ممكن كل واحد يستحمل
التاني ويضحي عشانو بس المشكلة بتجي في كيف أعرف انو الطرف التاني
بحبني وحنتكلم عن دا بالتفصيل .

العلاقة التانية هي الصداقة :
وعادة بتكون بين اتنين من جنس واحد ودي بتكون ناجحة أكتر وقوية لأنو
الطبيعة البشرية بتتقبلها والانفتاح بين الطرفين بكون أكتر يعني ممكن يزورو
بعض عادي ويتصلو على بعض في كل وقت .. أما الصداقة بين الولد والبت
فدي عليها خلاف كتير في ناس بتقول حرام وناس بتقول حرام بس ممكن يكون
عندي صديقة وفي ناس بتقول عادي ليه لأ ... بس كتيرين بقولو انو العلاقة
دي محدودة كتير وما ممكن تكون عميقة زي العلاقة بين الولد والولد
أو البت والبت .

النوع الثالث من العلاقات الأخوة :
يعني ولد وولد او بت وبت أو ولد وبت يعيشو علاقة كأنهم أخوان وممكن يكونو
اصلا أخوان بمعنى الاخو بنصح الأخ وبحاسبو وبشاكلو وبصرف عليهو ..
ودا بميزها عن الصداقة اما الصداقة فبتكون اعمق لأنو الواحد بحكي لي صديقو
أسرارو ولي أخوهو لأ !
والأخوة ممكن تكون بين الولد والبت وعادة البت بتلجأ لي أخوها في احتياجاتها
المادية ما بالضرورة القروش المهم الاحتياجات غير العاطفية .

أما بالنسبة للزمالة :
فحدها مكان الزمالة ودعوات للمناسبات وأداء الواجبات ... بكاء او غيرو
ومع نهاية فترة الزمالة .. ما ببقى الا رقم تلفون الزميل مسجل في موبايلك
والعلاقة بتاعت " المعرفة " ديل زي سيد الدكان بتاع اللبن .. بتاع الاستقبال
في اي مؤسسة .. أخو صاحبك .. أهل صاحبتك ... الخ وبتكون علاقتك بيهم
ما بتتجاوز الاسم او المصلحة البتجمعكم .

طبعا العلاقات دي ممكن تداخل مع بعض بطريقة غير مفهومة بس من خلال
التصرفات الناس بتعرف نوع العلاقة شنو .. وفي ناس بغشو نفسهم ويسمو
العلاقة باسم غير اسمها وبرضو من التصرفات بتعرف العلاقة دي شنو ! .

الدرس الجاي حيكون بعنوان " قبل أن تبدأ علاقة الحب "
واتمنى الدرس الأول يكون عجبكم واستفدتو منو .
دروس اسير العاطفيه ( لاتفوتكم )دروس اسير العاطفيه ( لاتفوتكم )

المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

Sitemap

الساعة الآن 09:05 AM.


Powered by vBulletin™ Version 3.8.7
Copyright © 2018 vBulletin Solutions, Inc. All rights reserved.
SEO by vBSEO