منتديات احباب عرب  



العودة   منتديات احباب عرب > منتديات عربية > منتديات المغرب



كابريس TazoO .. / لكزس Gs350 ريفاا

السلام عليكم ورحمة الله وبركاته كيف حال الشباب .. ان شاء الله باحسن حال بعد غيبة طوويلة عن المنتدى والمواضيع جايكم بجديد موتري الجديد كابريس 2011 v8

إضافة رد
 
LinkBack أدوات الموضوع انواع عرض الموضوع
  #1  
قديم 03-17-2012, 09:40 PM
الصورة الرمزية حمد السوداني
حمد السوداني غير متواجد حالياً
 
تاريخ التسجيل: Dec 2011
المشاركات: 44,695
معدل تقييم المستوى: 50
حمد السوداني is on a distinguished road
موضوع منقول كابريس TazoO .. / لكزس Gs350 ريفاا

السلام عليكم ورحمة الله وبركاته


كيف حال الشباب .. ان شاء الله باحسن حال


بعد غيبة طوويلة عن المنتدى والمواضيع جايكم بجديد موتري الجديد كابريس 2011 v8


ندخل بالموضوع : هاذي قومة صارت لي مع عبدالهادي ( ريفاا )


قبل مابدأ بالكلام وقبل ماتشوفون المقاطع حاب احلف واشهد الله على كل شي حقوله


والله العظيم ياشباب ان مافي كلمة راح اقولها الا انا متاكد منها والكلام اللي راح اقول انه من عبدالهادي


انه من لسانه ومازود عليه شي


طبعا انا اللي طلبت منه التجربة بناءا على يوم قابلته اول ما اخذت موتري جلس يقولي


مافي 6 لتر ينشد بيه الظهر وكتب الكلام بالمنتدى وكثر الجدل في مستوى ال6 لتر واللكزس فحبيت


اشوف وش المستوى .. كلمت ريفاا قلت له نجرب .. الكلام ذا كان وسط اسبوع قال تعال جده ونجرب


قلت له في جده مافي خط ندق فيه فصله تعال انت مكة .. قال لا ماقدر اجيك مكة بيختلف الجو على موتري


قلت له مايخالف بجيك انا جده .. وجيت جده وقابلت الرجال وطلعنا لخط الصدفة بناءا على طلبه ..


انا كنت ابي خط ثول والا خط طويل الا قالي مافيه الا ذا قلت اوك اللي تشوفه .. قالي الصدفة توصل فيه 220


هذا حدك قلت مايخالف .. طبعا قبل ماننزل نقاوم كنا واقفين 5 اشخاص قلت لريفاا عادي التصوير قال ايه عااادي جدا


المهم.. نزلنا جربنا يمكن 6 تجارب مرات الخبط بالتنمير ومرات هو يلخبط والا يقول ماهو مقتنع بالقومة .. وذا من ابسط حقوقه .. لين جربنا اخر 3 تجارب اللي هي 0 و40 و80 وبعد اخر تجربة قال اعتمد اخر 3 تجارب قلت اوك


وباقي ماخلصنا كلامنا الا طبت حكومة ومشينا .. اتصل علي عبدالهادي بعد بساعه تقريبا قال معتز اعتمد اخر تجربتين


ال0 لاتعتمدها .. قلت ليش يوم كنا نقاوم اعتمدتها .. قال لاتعتمد قلت ابشر .. وقفلنا الا شوي يتصل يقول معتز اقولك


قلت امر قال لاتنزل القومات بالنت .. قلت ليش مو توك تقول صور وعادي قال ايه بس انا ماحب انزل قومات لي في النت .. قلت غريبه ليش تخليني اصور طيب .. عشان احتفظ بيها قال اخاف من العين .. هذا رابط قناة ريفاا باليوتيوب

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


لاتعليق / المهم سالني كيف المستوى قلت له انت وش رايك قال سيارتين قلت له انا في القومة ماشوف وراي الصدق بس التصوير يقول اكثر من سيارتين .. قال لاسيارتين .. قلت مصدقك ياخوي بس والله التصوير يقول اكثر .. الا يقول تكذب عيوني يعني .. قلت لا اكذب الكام .. بس ياريت لاسالك احد ماتقول سيارتين وتهضم حقي وانا بشتري بخاطرك وماني منزل قومات في النت وقفلنا على كذا .. طبعا مايحتاج اقول وش كثر هو تكلم عن القومة بالنت ووش كثر طلعت له اعذار وهو كان معتمد اخر قومتين .. من ضمن الكلام اللي تغير بعد القومة .. قبل القومة يقول حدنا 220 وفي وسط القومة اقوله والله ياخي مهضوم حقي مادقينا فصله .. يرد علي ويقول انت 8 سلندر وانا 6 يكفي 220 انا لو ادق خامس يطيح موتري .. بعد القومة يوم يكلمني في البلاك بيري يقول انه دق فصلته في القومة .. مع العلم والله ياناس اني


اوصل للمصورين وانا اكثر مرة اشوف طبلوني 224كم وانا قدامه .. مدري كيف وصل فصلته.. ومدري كيف يقول يضرب فرامل قبل التصوير بفترة .. يعني هو داق فصله من زمااان وانا ماشي مع نفسي والا هو داق فصله من نص الخط وانا مخصي توني اجيب 224 مدري عاد تشوفو المقطع ولكم الحكم .. وطبعا غير ان وقت القومة كان يقول بس كفراتي ممسحة


وبعد القومة يقول موتري مخصي وماهو بعزمه .. عاد انا كثرت عليكم بالكلام للتوضيح فقط ..


العذر والسموحة منكم ..واقول لعبدالهادي ترى انت من اجبرني انزل القومات .. ولو ماتبي تنزل قومات ليش تخلي الناس تصور وليش تقاوم وتنزل خط من اساسه وانا شريت بخاطرك بس انت زودتها والله العظيم


ولكن في الختام احب اقلك لاشفت ان موترك رجع لعزمه وتبغي تجرب انا في مكة انتظرك


طبعا ماكان فيه ظروف في القومة الا ان ريفاا قال كفراته ممسحة .. والسيارتين فيها استبنة ( طلبته ينزلها رفض )


تفاصيل السيارات/ الكابريس:v8 6 غيارات ممشى الموتر وقت القومة 10 الاف .. اللكزس: Gs350


طبعا الكابريس ( استووووك)


ماشاء الله تبارك الله


اتمنى ذكر الله .. حتى لو لم يعجبك


هاذي اول قومة من 0






وهاذي ثاني قومة من 80






وهاذي ثالث قومة من 40






وفي ختام القومة اللي يشوف الفرق سيارتين واللي يشوفه اكثر على راسي




وبكذا خلصنا من قومة لكزس ريفاا


المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

free counters

Sitemap

الساعة الآن 11:10 PM.


Powered by vBulletin™ Version 3.8.7
Copyright © 2017 vBulletin Solutions, Inc. All rights reserved.
SEO by vBSEO

Security team