منتديات احباب عرب  

العودة   منتديات احباب عرب > ^~*¤©[£]القسم الاداري[£]©¤*~^ > المواضيع المنقولة

قصيده نصيحه

بسم الله الرحمن الرحيم السلام عليكم ورحمة الله وبركاته أهديكم مع نسمات هذا الصباح هذه المنظومه الرائعه التي لا أعرف أسم شاعرها ولكنه أنسان جرب الحياه حلوها ومرها وعاشر الناس

إضافة رد
 
LinkBack أدوات الموضوع انواع عرض الموضوع
  #1  
قديم 03-17-2012, 08:44 AM
الصورة الرمزية رشاء احمد
رشاء احمد غير متواجد حالياً
 
تاريخ التسجيل: Mar 2010
المشاركات: 64,439
معدل تقييم المستوى: 82
رشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud of
موضوع منقول قصيده نصيحه

بسم الله الرحمن الرحيم
السلام عليكم ورحمة الله وبركاته
أهديكم مع نسمات هذا الصباح هذه المنظومه الرائعه التي لا أعرف أسم شاعرها ولكنه أنسان جرب الحياه حلوها ومرها وعاشر الناس بأنواعهم طيبهم ورديئهم . ولم يخرج من التجربه خالي الوفاض بل صاغها بما حباه الله من شاعريه حتى أصبحت باقة ورد تهدى لكل غالي ومجموعة أرشادات تضي الطريق أمام السائرين.
لا أعلم أن كنتم تجدون ما أجد من معاني في هذه القصيده ولكن أضعها بين أيديكم والحكم لكم
الشعر لـه فاتـل وناقـض وفاروق = والسـوق لـه ســايـم وشـاري وبــايـع
واللي ربح ببضاعتـه يمدح السوق = والـــنـاس تطلـب نـادرات البضـايـع
يا مدوّر الطيـب تخيّـر على الذوق= وأحـفــظ معك مـن قـول فـارس ودايـع
لو كان بالإرشاد والنصـح مسبوق = ذكـرى لـــعـل لهـا تــرق السمـايـع
جواهرٍ معهـا شذى المسك مرفوق = ومعــهـا التــجـارب مثبتـه بالوقـايـع
واللي لبس من جوهر المرجله طوق= مـثـلـي مـجـرّب والتـجـارب نفـايـع
والله خلق فالناس ميـزات وفروق = الــنـاس شــتـى بالشـيـم والطبـايـع
أحدٍ على مبدأ ولـه نظـرةٍ فـوق = وأحـدٍ كــمـا ثـلـجٍ علـى القـاع مايـع
ولاني وكيل آدم على كل مخلـوق= لـكـن أشـوف بـخـلـق ربـي نـوايـع
أشفق على الطيب ولي رفقته شوق = غـريـب وإلا مـن قـريـب الجــمـايـع
وراع الردى من دونه الباب مغلوق= بـيـنـي وبـيـن أهـل السـفالـه قطـايـع
الطيب وأهل الطيب عاشق ومعشوق= والـطـيـب لـه مبـدأ وحكـم وشـرايـع
والمرجله وهبـه من الرب ووفوق = والــديـن رأس المــرجـلـه والطمـايـع
والرزق من ربي وله فرض وحقوق = ومــن يطـلب أرزاقه مـن الخلـق ضايـع
والأخـذ بالأسبـاب ثابت وموثوق= وتـــوفيـق ربـي هـو خيـار الـذرايـع
ولا كل مطرودٍ كما قيـل ملحوق = قـــولٍ مبـالـغ فيـه لـو كـان شـايـع
إن ما جلبها والي العرش برفوق = كــثـر المطـارد مـا يـحـوش النفايـع
ومن يحسن النيه مع الناس مرزوق = ومـن يـتـقـي ربـه دروبـه ســنـايـع
والكذب ثوبٍ مايجمَّل ومشـقـوق = ولا يـنــرقع شــقـه بكـثـر الرقـايـع
ومن يقرب الأنذال لا يامن البوق = الـنـذل خـايـن مـا يــصـون الـودايـع
عقرب ثرى وإلا كما ناب زاروق = لا صـادف الـغـرات لـــلـسـم زايــع
وأحـذر تـرى النمام للشر ناتوق = دايــم يـقـرَّب للـشـــــرار الـولايـع
من المكارم خارب القصد مسلوق = وعـقـلـه لـنـزغـات الشياطيـن طـايـع
أحذف ردي المعرفة حذف معلوق = لا تـنـخـدع بالـزبـرقـه والــلـمـايـع
عليك بالطيب ليا صرتمرهوق= الـلـي فــعـولـه كــلبـوهـا روايــع
يشيل عنك من الصعيبات طاروق= ولا يـلـحـق الـمـنـه جميـل الصنـايـع
لامن عن الواجب هبا كل مزلوق = يــقـوم بالـواجـب بـعـيـد الـرمـايـع
والشارب اللي ساعة الضيق محلوق= وقـت الـرخاء مـا أحـدٍ يـبـي لـه فزايـع
خله ولو شفته على الوجه مصفوق = ولا تـسـتـشـيـر مجـالسـيـن الربـايـع
وإن كان في صدرك قناالوقت مزروق= خــلـك عــلـى الشـده قـوي البتـايـع
واضرب على الكايد ولا يلحقك عوق = وأطـلـع ســنـود وخـيـر ربـك طلايـع
والشمس لوغابت يجي صبح وشروق = والـحـق لـه صـيــتٍ مـع النـاس ذايـع
وصلوا على الهادي عدد ما أرمش الموق= وعـسى لـنـا مـن جـود ربـي شـفـايـع

المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

free counters

Sitemap

الساعة الآن 05:40 AM.


Powered by vBulletin™ Version 3.8.7
Copyright © 2017 vBulletin Solutions, Inc. All rights reserved.
SEO by vBSEO

Security team