منتديات احباب عرب  

العودة   منتديات احباب عرب > ^~*¤©[£]القسم الاداري[£]©¤*~^ > المواضيع المنقولة

اكتب ليك

أكتب ليك أكتب ليك عن الحزن السكن جواى و إتحكر عن الوجع البهد الحيل عن الفرح التقول لا بزيد ولا بكبر أوصفلك شقى الأيام أريت يا غالية لو بقدر أقيف

إضافة رد
 
LinkBack أدوات الموضوع انواع عرض الموضوع
  #1  
قديم 03-14-2012, 01:40 AM
الصورة الرمزية حمد السوداني
حمد السوداني غير متواجد حالياً
 
تاريخ التسجيل: Dec 2011
المشاركات: 44,695
معدل تقييم المستوى: 51
حمد السوداني is on a distinguished road
موضوع منقول اكتب ليك

أكتب ليك
أكتب ليك عن الحزن السكن
جواى و إتحكر
عن الوجع البهد الحيل
عن الفرح التقول لا بزيد
ولا بكبر
أوصفلك شقى الأيام
أريت يا غالية لو بقدر
أقيف ساعات فى قيف الهم
أداعب فى ضفاير الليل
و إتذكر
صباى الفات مع الأفراح
زمنا الكان درافيناً
بنملأ البيت هياج وصياح
ونلعب فى شوارع الحى
شليل وين راح
طعم الفرحة كان سكر
وكان العيد
أمل بنحسبو بالإيام
حلاوة الدنيا لما الليل
يلم شملاتو يتجرجر
ويصبح عيد
ويوم العيد
فرح جوانا بتفجر
بنتنكب بساط الشوق
نمش فى الساحة نتبختر
ونلعب فوق رمال القاش
حرامى العمه و العسكر
و حتى القاش
وكت يتعب من الجريان
يمد إيديهو فوق القيف
ويتحدر
ونسمع فى سكون الليل
هدير الموج
يقالد فى نهود الطين و يتبعثر
ونضحك نحن و القمر البشع فرحان
يضوى فريقنا و البندر
وكنا يمين
لا بنعرف معانى الهم
ولا ضقناهو مرة ألم
ولا الدمعات بتتحدر
أكتب ليك ..
أكتب ليك عن التاريخ
زمانى العشتو و إتغير
وصبح الهم جواز سفرى
ودرب السّكة كلو عذاب
جفاف و الله ما مخضر
عذاب ياغالية ذى جواى
وفى جواى عذاب أكتر
و برضو تقولى أكتب لى
هو شن فضل عشان أكتب
فرح جاريتو كان أرتاح
شعاع إتلاشى و إتكسر
أمل سكنتو فى جواى
قليب حبيتو و إتنكر
وبرضو مصّره أكتب ليك
وحاتك أصلى مابقدر

المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

Sitemap

الساعة الآن 08:11 PM.


Powered by vBulletin™ Version 3.8.7
Copyright © 2018 vBulletin Solutions, Inc. All rights reserved.
SEO by vBSEO