منتديات احباب عرب  

العودة   منتديات احباب عرب > ^~*¤©[£]القسم الاداري[£]©¤*~^ > المواضيع المنقولة

عندما تكتب الطفولة قصيدتها الأولى - عاطف خيري

أنا وإنت كنا إتنين في جزيرة منسية يرتاح عليها النيل وقت الصباحية ويعزف كمان الموج أنغام فرايحية طالعين مع الأفراح في رحلة نيلية مركبنا بالتحنان مصنوعة مطلية والريح تناغم الموج

إضافة رد
 
LinkBack أدوات الموضوع انواع عرض الموضوع
  #1  
قديم 03-11-2012, 01:13 AM
الصورة الرمزية حمد السوداني
حمد السوداني غير متواجد حالياً
 
تاريخ التسجيل: Dec 2011
المشاركات: 44,695
معدل تقييم المستوى: 51
حمد السوداني is on a distinguished road
موضوع منقول عندما تكتب الطفولة قصيدتها الأولى - عاطف خيري

أنا وإنت كنا إتنين
في جزيرة منسية
يرتاح عليها النيل
وقت الصباحية
ويعزف كمان الموج
أنغام فرايحية
طالعين مع الأفراح
في رحلة نيلية
مركبنا بالتحنان
مصنوعة مطلية
والريح تناغم الموج
وتغني أغنيـّـة
سابحين مع الأنغام
في غفوة صوفية
لما السحاب كوَّم
فوق للسما إتلمَّلم
في الأول إتبسـَّـم
شلع البرٍق ضوّا
ومن وجعو إتكلم
صوت الرعد دوّا
وطلعنا نجري هناك
فوق الدرب صايحين
يا مطر صبي
يا هبوب هبي
والمطر وكتين تنقط
تطلع الطفلة وتنطط
وتبني من الرملة قبة
وتمسح القبة وتشخبط
وتبني تاني بيوت كتيرة
وفوق أرض مبلولة دابا
بي إيديها تشيل تشخِّـط
وتبدا تتهجَّى الكتابة
وتكتب أحلى حروف بتنسج
كلمة إسمها يُمّة يابا
والمطر وكتين تنقط
تطلع الطفلة وتنطط
وتبني من الرملة قبة
وتمسح القبة وتشخبط
وتبني تاني بيوت كتيرة
للمساكين الغلابة
وللمسافرين الضهابة
الببيتو الليل غُــتاهم
السما وضل السحابة
والبعيشو عشان يموتو
بين شقا الدنيا وعذابا
جاريين وفرحانين
جاريين وما عارفين
إنو السحاب ببكي
من شوقو للإنهار
دَمَعن عويناتو
مابرضو عندو هو دار
يشتاق ملاقاتو
رسل جواب للنيل
والطابعة دمعاتو
جاريين وفرحانين
جاريين وما عارفين
باكر حا يحصل إيه
وليه الشمس بتغيب
والكون يغطي وشيه
وليه القطر بيقوم
والناس تودع فيه
ليه القماري تنوح
والعين بتدمع ليه
يا ريت نعود أطفال
أطفال حنان وصغار
لا نعرف الأحزان
لا نحمل الأوزار
ونصادق الريحان
ونلاعب الأمطار
وألعب هناك في الطين
وألقالى تعريفة
نجريبا للدكان
وقوليلى دايرة لبان
وأقول كمان نعناع
ونقسم النعناع
لي كل زول في الحي
والمطرة برضو تصب
لي كل زول في الحي
للساكن الاكواخ
والعندو بيت دورين
لا بتفرز الغنيان
من الشقي المسكين
وأهلك ينادوكِ
يا بت تعالي البيت
ما تحومي في الحلة
سيبي اللعب في الطين
فستانك إتبلى
وتفوتي زعلانة
والمطرة فوق خديك
مرسومة ألوانا
ورزازا فوق حاجبيك
زي لوحة مزدانة
وأرجع برايا البيت
ويقولوا لي ليه جيت
ماكنت تتغدا
جايينا كلك طين؟
أرجع محل كنت
أتمنى بي سري
أرجع محل كنت
أرجع معاك البيت
نشرب كبابي الشاي
وأرقد كمان وأبيت
نقرا القصص بالليل
الأرنب الطيب
والأرض والشجرة
وننوم وتاني الشوق
لي بكرة والمطرة


المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

Sitemap

الساعة الآن 08:40 PM.


Powered by vBulletin™ Version 3.8.7
Copyright © 2018 vBulletin Solutions, Inc. All rights reserved.
SEO by vBSEO