منتديات احباب عرب  

العودة   منتديات احباب عرب > ^~*¤©[£]القسم الاداري[£]©¤*~^ > المواضيع المنقولة

التعامل مع الزوجات

التعامل مع الزوجات .. برنامج كن مميزاً للشيخ محمد سيد حاج ( رحمه الله رحمه واسعه ) كانت تلك الحلقة بعنوان ( التعامل مع الزوجات )

إضافة رد
 
LinkBack أدوات الموضوع انواع عرض الموضوع
  #1  
قديم 03-04-2012, 05:20 PM
الصورة الرمزية حمد السوداني
حمد السوداني غير متواجد حالياً
 
تاريخ التسجيل: Dec 2011
المشاركات: 44,695
معدل تقييم المستوى: 50
حمد السوداني is on a distinguished road
موضوع منقول التعامل مع الزوجات

التعامل مع الزوجات ..

برنامج كن مميزاً للشيخ محمد سيد حاج


( رحمه الله رحمه واسعه )


كانت تلك الحلقة بعنوان


( التعامل مع الزوجات )


قال : الآن الناس , الشباب والشابات بالذات مغرمون بما يُعرض في الفضائيات ..


حتى لقيت المسلسل العمل للناس مشكلة في العالم دا


لقيت واحد كاتب في عربيتو من ورا كاتب اسمو


قال دا ملك الحب قال !


قال نحن معناها بالطريقة دي نحن ماعندنا قدوه ! .


دخل علي ابن ابي طالب - رضي الله عنه - على زوجته فاطمة - بت الرسول صلى الله عليه وسلم - رضي الله عنها ..


هي بنت من ؟ ..هي زوج من ؟.. هي ام من ؟!


من ذا يضاهي في الفخار اباها ! .. رضي الله عنها ..


لقاها بتتسوك بمسواك آراك


داير يخترق مشاعرها .. داير يؤثرعليها .. داير يقترب منها


قام جا شال منها المسواك وهي اتخلعت


ما قال ليها السلام عليكم ولا كيف اصبحتي ولا كيف قيلتو ..


دي مفاجاءه


قام شال المسواك و اتكلم معاو وهو بعاين ليهو


قال :


( حظيت يا عود الآراك بثغرها


اما خفت يا عود الآراك أراك


لو كنت من اهل القتال قتلتك


ما فاز مني يا سواكُ سواك )



تقول لي مهند ونور !!


دا كلام دا بالله !


ياخي ديل بمثلو بالكضب !


لكين دا ما تمثيل دا جد , عاين لي العود وقال ليهو هذه الابيات الراقيه ..


بالله تخيل كيف سيكون اثر هذه الابيات على مشاعر زوجته !


ياسلااااااام ..


الرجل العاقل يقدس ويحترم ويخترق .. يحسن اختراق مشاعر زوجته ..


بالمناسبه الشريعه ما بتتكلم عن الشهوه ! في الترميذي حديث الرسول صلى الله عليه وسلم ,


الرجل اذا وضع يده على امرأته ولمسها بغير شهوه


لمسة عطف ورحمة تحاتت ذنوبها من خلال اصابعهمها


كما تحت الشجرة ورقها .


تخيل لو خت يدو فيها بس !


سبحان الله حاجه عجيبة خلاص ..


لو نظر إليها نظرة رحمة نظر الله إليهما من فوق سبع سماوات بالرحمة ..


حتى اتذكر ودي قصة حصلت حقيقية واحد بصلي معاي انا


ووريتهم الحديث دا في المسجد قلت ليهم يااخوانا في الترميذي الرجل لو قعد يعاين لمرتو بس كده نظره رحمه الله بعاين ليهم من فوق سبع سماوات بالرحمة ..


قام هو مشى عشان يطبق الموضوع دا


قال لي طلعنا السراير وقاعدين والمره جابت لي شاي المغرب وانا منتكي وقاعد بعاين ليها


قالت لي : يا راجل ! .. جنيت ؟! ..تعال اكلني .. مالك بتعاين لي كديّ !


قلت ليهو والله الغلط منك انت لانك ما معودها و ما كلمتها .


ميومنه زوجة الرسول صلى الله عليه وسلم تقول:


تاخر علي رسول الله - صلى الله عليه وسلم - بعد العشاء


وزوجات النبي صلى الله عليه وسلم , المره بجيها بعد 9 يوم لانو متزوج 9 نساء


وهي منتظراهو يجيبها وقام اتاخر عليها


قامت استعجلت


وقالت مشى يتونس مع باقي النسوان وقفلت الباب وقالت ما بتفتح ليهو و لا يخش !


هذه ميمونه مع من ؟! مع سيد البشر .. مع صفوة الخلق .. مع الكامل .. مع كامل الأوصاف .. مع المبعوث رحمة للعالمين عليه الصلاة والسلام فاغلقت دونه الباب ..


فطرق الباب فلم تتكلم .. ولا ردت عليهو و لا اشتغلت بيهو


فهو بعرف كيف يحركها قال ليها : سالتك بالله الا فتحتي ..


سالها بالله لانو هي مره مؤمنة ..


قامت طوالي جات جمب الباب لكين ما فتحت


قالت ليهوفي ليلتي تذهب وتطوف ببعض نسائك !


الليله حقتي تمشي تتنونس مع النسوان وتتاخر معاهن ..


وراها الحقيقه وحل المشكله بغير ضجيج ولا ضوضاء


لانه يعرف طبيعة المرأة ماذا قال ؟!


قال صلى الله عليه وسلم لها :


" انما حقنني بول فخرجت ابول " .


هي فهمت غلط .. هو اتاخر لانو حقنو بول وكان اذا اراد ان يبول يبعد مسافة بعيده جدا .. لحيائه ولعفة نفسه صلى الله عليه وسلم .




لحدي هنا وانتهى كلام محمد سيد حاج .




سبحان الله دا كان تعامل الرسول صلى الله عليه وسلم


مع زوجاته ..


لو حصل في زمنا دا كلام زي دا مره تقفل الباب في وش راجلها .. عادي جدا ينهرها وما يخلي كلمة كعبه ما يقولها دا كما عملها ليها شكلة وتبقى حردانه كم يوم ..

ربنا يرحمو ويغفر ليهو
ويهدينا جميعا

منقول


المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

free counters

Sitemap

الساعة الآن 11:59 PM.


Powered by vBulletin™ Version 3.8.7
Copyright © 2017 vBulletin Solutions, Inc. All rights reserved.
SEO by vBSEO

Security team