منتديات احباب عرب  

العودة   منتديات احباب عرب > ^~*¤©[£]القسم الاداري[£]©¤*~^ > المواضيع المنقولة

ابراج بلديه .. اى برج من الاتى؟

أبراج بلدية برج البنبر:- 25\12الي 24\1 الاسبوع دا زي الزفت معاك.... يتسرق موبيالك...من تحب يفكر ان يديك شاكوش.... لكن كضاب ما بيقدر داخل في ضفورو من كبابي الشربات السقيتن ليهو...

إضافة رد
 
LinkBack أدوات الموضوع انواع عرض الموضوع
  #1  
قديم 03-03-2012, 12:51 AM
الصورة الرمزية حمد السوداني
حمد السوداني غير متواجد حالياً
 
تاريخ التسجيل: Dec 2011
المشاركات: 44,695
معدل تقييم المستوى: 50
حمد السوداني is on a distinguished road
موضوع منقول ابراج بلديه .. اى برج من الاتى؟



أبراج بلدية
برج البنبر:- 25\12الي 24\1
الاسبوع دا زي الزفت معاك.... يتسرق موبيالك...من تحب يفكر ان يديك شاكوش.... لكن كضاب ما بيقدر داخل في ضفورو من كبابي الشربات السقيتن ليهو...


برج التبروقة 25\1 الي 24 \2
البتجي من السما تحملا الواطا الحرامي يسرق هديماتك كلهن....ح تعيد بالقديم خليك صبور وحكيم ......
علي صعيد القلب احداهن تفكر في ان تحبك لكن مستنية لحدي ما الملاريا تخليها .. اصبر وتصبر وأديها فرصة....

برج النطع: 25\2 الي 24\3
حسادك كتار في نعلاتك الجديدة...مشكلة في طريقها اليك سببها الباقي الذي يحاول ان يزوغ بيهو كمساري الحافلة.....
القلب: من تحب عندو فتاق في الصُرة داسيهو منك ...يحتاج الي تعاطفك... كن حنون...

برج العنقريب : 25\3 الي 24\4
لا تحزن بنطلونك الوحيد وعاجبك يضيع عند المكوجي وتجده مفتوق ...القلب بالرغم من حرصك الشديد حبيب القلب يكتشف انك بتسف صعوط... نوصيك بالتبرير إنو ضرسك موجعك...

برج المشلعيب 25\4 الي 25\5
بوليس الحركة يقطعّك ايصال مخالفة بالرغم من انو انت ماعندك عربية كن صبور والمؤمن مبتلى....
القلب: حدد بتريد منو؟ .. امك واللا مرتك.... واللا فلانة ديك؟... راجع فلم انف وثلاثة عيون....

برج الرحل 25\5 الي 24\6
أوع تنوم تحت الحيطة القدامية في بيتكم ممكن بردلب تقع في أي لحظة....
القلب..حبوبة جيرانكم المخرفة تنشبك فيك وتفتكرك زوجها .. تعامل مع الموقف بحكمة واتوكل علي الله واعقد عليها!

برج الويكة : 25\6 ال 24\7
الجاتك في مالكك سامحتك... لا تصدق لا سامحتك ولا حاجة وانت مفلس كدي....فنانك المفضل ياخد علقة في حي شعبي....
القلب جكسك يكتشف علاقتك بست الشاي..... لتلافي الحرج أرفع شعار الشاي مضر بالصحة.... لكن متقريف لي كباية شاي .

برج أمجنقر: 25\7 الي 24\8
أبعد شامبيون الحجم العائلي عن متناول يد جدك نفسو صغيرة وشرفان .. قد يتنفخ وربما يتلحس....
القلب علقة من أحدهم لأنك تشبه الخالق الناطق من ينافسه في الجيكس حقو..... أقبل إعتذارو و أعلم ان الدق قسمة ونصيب....

برج الجردقة الترابية 25\8 الي 24\9
رئيسك في العمل مكجنك وشاميك....تزيد كجنتو هذا الاسبوع...
القلب.... شكلة بينك وبين من تحب سببها صرفة الختّة..... خليك تفتيحة.....

برج الغوغاية 25\9 الي 24\10
هذا الأسبوع يتاورك الضرس مرة اخرى.... لا تكترث لنضم الناس امشي بالطريقة البتريحك.....
القلب كن وفيا لمن تحب لأنو ح تنقطع أضانو اليمين في حادث حركة .. وأعلم ان الحب في القلب وليس في الإضنين....

برج القنقر :- 25\10 الي 24\11
كديستكم تلد ستة تفقدو اتنين منهن.... ركز علي جيرانكم في اليمين الخشم بابهم اخدر....
القلب : صدق حبيبك فان سهر الليالي لانو في نملة دخلت اضانو بالغلط .... احمد ربك انها دخلت الاضان....

برج المرحاكة 25\11الي 24\12
المال تلتو ولا كتلتو..... لكن كتلتو تصيبك....استعوض ربك ....
القلب:- من تحب الحمى تطلع ليهو في راسو وينضم برا من راسو ويحكي كل البينك وبينو ... شيل شيلتك....ونوصيك ان تبقى رقيق.....



من اخونا بع بع

المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

free counters

Sitemap

الساعة الآن 07:13 PM.


Powered by vBulletin™ Version 3.8.7
Copyright © 2017 vBulletin Solutions, Inc. All rights reserved.
SEO by vBSEO

Security team