منتديات احباب عرب  



العودة   منتديات احباب عرب > القسم الادبي > الشعر والخواطر



يا ريحان

شكد نده ... نكط على الضلع ونسيت أكلك .. يمته أشكد رازقي ونيمته وأشكثر هجرك عاشر ليالي الهوى وما لمته لمن سحنت الليل

إضافة رد
 
LinkBack أدوات الموضوع انواع عرض الموضوع
  #1  
قديم 12-26-2009, 05:03 PM
ابوطالب غير متواجد حالياً
 
تاريخ التسجيل: Dec 2009
المشاركات: 1,659
معدل تقييم المستوى: 10
ابوطالب is on a distinguished road
افتراضي يا ريحان


شكد نده ...

نكط على الضلع

ونسيت أكلك .. يمته

أشكد رازقي ونيمته

وأشكثر هجرك عاشر

ليالي الهوى وما لمته

لمن سحنت الليل

بكليبي

وكلت موش أنت

**********

يامه التراجي مرجحن

حسك الصافي وغفه

ويامه الدمع ضوه سواد العيون

جانب ترفه

وتدري تنيت الدفو

بلهفه ورده

وما جيت ونيمني الثلج ...

والشته كله أتعده

لا بالمحطة رف ضوه و لاخط جانه من البعد

لا ريل مر على السده

والشته كله تعده كله تعده

وأعلكنه للصيف اليجي

روازينه السمره ...

شمع

من ينزل أول الدفو بنيسان

يهتز نبع

يمكن يخضر دمع ...

يمكن بعد بالروح يا ريحان وصلة تنزرع

والكيظ أجانه وأنكضه ورد أنكضه

ورد كيظ أجه

والزلف هجرك فضفضه

ورد فضفضه

وما مش رجه

*********

ولساع من همسه جي من بعيد

يخضر دمع

كل نسمة ترفه من تفك الباب

يخنكني الدمع

لساع .. ولذتنه أنكضت

أهجس على الكصايب شمع

وردود أكلك .. يمته ؟؟

أشكد رازقي

ونيمته

أملني يسمر بيك

كل عمري أنكضه وأملته

حته خيالك بالحلم

خايف يجي وأمنته

***********

كل لحظة من هذا العمر

وعت حسافه بكلبي

يا أول الريحان يلعطيت

نوبه بدروبي

يا آخر سواجي حنيني وحبي

من يوم طيفك هجر نومي ما نمت

حنية يا جذاب منك

ما شفت

من ظني كضك بالحلم

عنبر فحت

من ردت أجيسك جست روحي

وفرفحت

أترف من أجفاف المهر

قندون ... ما ضايك شكر

يا حلو يا بوسة سهر ...

يا ترف يا ييزي قهر

شيضرك .. بكل شته الولهان

لو صحوة مطر ؟

والشته كله تعده

والكيظ هم أتعده

شجاب العشك ؟ وأشوده ؟

لا بالمحطة رف ضوه ...

لا خط أجانه من البعد

لا ريل مر على السده

**********

ولساع ... مشدوده شبكتك

عل الخصر

والركبه من تلتاف للبوسه

جسر

بس أنت تدري شلون رصعة بالنحر

والشته شايل شليله

من يمنه وعبر

واسألته يا شته العشاك

ما عندك خبر

لك يا شته العشاك ما عندك خبر ؟

والليل أجانه وأنكضه ورد أنكضه

ورد كيظ أجه

والزلف هجرك فضفضه

ورد فضفضه

وما مش رجه




رد مع اقتباس
  #2  
قديم 04-07-2010, 09:39 PM
hemo غير متواجد حالياً
 
تاريخ التسجيل: Dec 2009
المشاركات: 2,926
معدل تقييم المستوى: 11
hemo is on a distinguished road
افتراضي

موفق بإذن الله ... لك مني أجمل تحية .

رد مع اقتباس
إضافة رد

الكلمات الدلالية (Tags)
ريحان


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

Sitemap

الساعة الآن 08:41 PM.


Powered by vBulletin™ Version 3.8.7
Copyright © 2018 vBulletin Solutions, Inc. All rights reserved.
SEO by vBSEO