منتديات احباب عرب  



العودة   منتديات احباب عرب > منتديات عربية > منتديات المغرب



معلومه تجربة تربيط السيارة

السلام عليكم ورحمة الله وبركاتة قبل كم يوم نزلت استفسار عن بعض الاصوات بالافجي من ضمنها صوت كان فاقع مرارتي : صوت صاجة او حديد يطقطق على خفيف عن

إضافة رد
 
LinkBack أدوات الموضوع انواع عرض الموضوع
  #1  
قديم 11-27-2015, 12:12 AM
الصورة الرمزية حمد السوداني
حمد السوداني غير متواجد حالياً
 
تاريخ التسجيل: Dec 2011
المشاركات: 44,695
معدل تقييم المستوى: 50
حمد السوداني is on a distinguished road
موضوع منقول معلومه تجربة تربيط السيارة

السلام عليكم ورحمة الله وبركاتة


قبل كم يوم نزلت استفسار عن بعض الاصوات بالافجي
من ضمنها صوت كان فاقع مرارتي : صوت صاجة او حديد يطقطق على خفيف عن درج الراكب

وديته للوكالة سابقاً وما عرفوه وقالو بيفكون الديكور ب1800 ورفضت

طبعا الصوت ذا موجود من سنتين تقريباً وعجزت اعرف وشو

وقبل امس قررت اسوي تربيط عام يمكن يروح ..
جلست ابحث عن افضل المحلات واختصرها لكم في 3 محلات
1-ورشة النويصر
2- ورشة ابن مرضاح
3- ورشة مشعل العتيبي ومدحو لي فيها شخص اسمه ممدوح الكردي-توفى رحمة الله عليه

بحثت عن كل وحدة من الورش بالتفصيل
النويصر اختلفو فيها الناس .. بعضهم يقول شغله ممتاز وبعضهم يقول شغله مؤقت لكن اتفقو جميعاً ان اسعاره خيالية ومرتفعه جداً .. يعني طبيعي جداً يكلفك التربيط 3000 وطالع

بحثت عن ابن مرضاح لكن نفس الشي لقيت فيه ناس تسب فيه وايضاً اسعاره غااالية جداً

بقى ورشة مشعل العتيبي وبحثت عنها ولقيت كثير يمدحون عامل عنده اسمه ممدوح الكردي ومدحو اسعاره

رحت للورشة وقالو لي ان التربيط في ورشة فهد العتيبي- تابعة لورشة مشعل
دخلت السيارة وحصلت مصري اسمه بهجة .. سألته عن ممدوح فقال لي انه توفى من 5 سنوات الله يرحمه
وقتها كنت ناوي امشي لأني جاي علشان ممدوح الله يرحمه
لكن مع السواليف قال لي بهجة انه اشتغل مع ممدوح فترة طويله فتأكدت انه فاهم بالتربيط
تكلفة التربيط كانت 1200 وكاسرته لين وافق على 1000
طبعاً يسوي لك تشييك كامل ويعلمك بالاشياء اللي تحتاج تغيير
انا غيرت فحمات+ مساعدات الكبوت+ جلد المقصات كاملة+ وزن اذرعة+ تربيط بشكل عام

التكلفة كامله حدود 3000

انا كان همي كله صوت الصاجة اللي فاقع مرارتي

استلمت السيارة وقال لي بهجة ان كل شي تمام

طلعت من الورشة 3 دقايق الا واسمع صوت الصاجة
ضغطي وصل مليون واتصل على بهجة واقول له خسرتني فلوس عالفاضي
قال تعال وما يصير الا كل خير
وصلت عنده وركب معي وقعد يتسمّع للصوت ما سمع شي
انا هنا شكيت قلت يمكن اوسوس
لكن بعد 5 دقايق وحنا ندور قال لي خلاص سمعته
رحنا للورشة وجلس يحاول يعرف مصدر الصوت بس ما ضبط الوضع

شوي وصار الصوت واضح مع تسكير الباب .. اذا سكرت الباب تسمع صوت الصاجة تتحرك
بعد محاولات قال ان مصدر الصوت من الدرج ومد يده داخل مكان وجلس يطقه بالمفك الا ويطلع الصوت
طلع من الكتاوت طالعه من مكانها ومع المطبات او عيون القطط تطلع صوت
رجعها لمكانها وقال توكل على الله امور السيارة تمام

طبعاً يعطيك ضمان 4 شهور اذا فيه اي اصوات او مشاكل ترجع له

السيارة توها طالعه وما اقدر احكم على شغله من ناحية التربيط الا بعد فتره
لكن دام ان صوت الصاجة راح فالامور بإذن الله طيبة

هذي تجربة شخصية مريت فيها مع العلم اني ما مريت اي ورشة ثانية وعارف ان فيه ورش ممكن يربط لك ب100
لكن انا كنت ناوي ابيع السيارة وما حبيت اللي يشتريها يدعي علي فحرصت على الشغل المضمون


أي استفسار انا حاضر
</p>
<span id="twitter_btn" style="margin-left: 6px; ">

المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

free counters

Sitemap

الساعة الآن 07:02 PM.


Powered by vBulletin™ Version 3.8.7
Copyright © 2017 vBulletin Solutions, Inc. All rights reserved.
SEO by vBSEO

Security team