منتديات احباب عرب  



العودة   منتديات احباب عرب > منتديات عربية > منتديات المغرب



فورتشنر 2012 حبيت اشارككم بتقرير بسيط عنه وعن حالته وخدمته لي

السلام عليكم ، كيف حالكم بالربع . انا متابع القسم من فترة واستفدت كثير من الأعضاء في هذا المنتدى. بارك الله فيكم اليوم قلت يا رجال خلني أسجل وأشارككم واستفيد

إضافة رد
 
LinkBack أدوات الموضوع انواع عرض الموضوع
  #1  
قديم 07-18-2015, 03:00 PM
الصورة الرمزية حمد السوداني
حمد السوداني غير متواجد حالياً
 
تاريخ التسجيل: Dec 2011
المشاركات: 44,695
معدل تقييم المستوى: 50
حمد السوداني is on a distinguished road
موضوع منقول فورتشنر 2012 حبيت اشارككم بتقرير بسيط عنه وعن حالته وخدمته لي

السلام عليكم ، كيف حالكم بالربع .
انا متابع القسم من فترة واستفدت كثير من الأعضاء في هذا المنتدى. بارك الله فيكم
اليوم قلت يا رجال خلني أسجل وأشارككم واستفيد اكثر من خبرتكم .
وحبيت ابدأ بأول موضوع لي عن سيارتي .
بكتب الي في راسي على السريع لاني مارتبت للموضوع . واعذروني على الاخطاء والتنسيق لاني استخدم تابلت.
راح اتكلم عن السيارة بشكل عام واتكلم عن تجربتي لقيادة هذة السيارة لمدة 3 سنوات تقريبا

أول شيء كيف تعرفت على السيارة وليش اعجبتني وليش اخترتها هي بالذات؟

في البداية انا من سكان الرياض وانتم عارفين شوارع الرياض وتحويلاتهاوحفرياتها
كان معي سوناتا 2011 فل كامل . كانت ممتازة ومتطورة تقريبا فيها كل شي
لكن واجهت بعض المشاكل. منها مثلا

الاشارة زحمة والخدمة على يميني فاضي لكن فيه رصيف . مستحيل اطلع الرصيف على السوناتا لاني بصدمه هههههههه
المشكلة الثانية حبيت اطلع طلعة برية خفيفة انا والاهل . ماقدر اطلع بالسوناتا لانها ماهي مخصصة لرحلات برية
المشكلة الثالثة الامطار في الرياض . والمشكلة هنا ماهي من الامطار لكن المشكلة ان مافيه تصريف في شوارعنا وكثير حصلت شوارع مقفله قدامي بسبب الامطار .
المشكلة الرابعة حجم السيارة صغير وما يخدمني صراحة بتحميل بعض الاغراض.


في يوم من الايام رحت لفرع عبد اللطيف جميل وقلت خلني اشوف واتفرج .
وانا صراحة احترم تويوتا بحكم ان معي هاليلوكس سابقا
شفت السيارات منها الكامري ومنها الافلون والاف جي وغيرها . شفت الفورتشنر طاحت عيني عليه
تفحصته وشفته من كل اتجاه من الخارج والداخل .
وبعد ايام من التفكير قررت اني اشتريه . لعدة اسباب من ضمنها :

. ارتفاع السيارة عن الارض وهذي نقطة اعجبتني وتحل مشكلتي مع الارصفة .
. حجم السيارة متوسط ليس بالكبير و لا بالصغير . تفي بالغرض و الي اعجبني اكثر انها تكفي 8 اشخاص اذا كان معك عائلة
ويتبقى جزء خلفي للاغراض ولكن ماهو كبير . اما اذا ما كنت تستخدم المراتب الاخيرة تقدر تطويها للاعلى
ويصير عندك مكان كبير ورى للاغراض.
. قلة التكنولوجيا والمميزات الزيادة عن اللزوم . وشفت ان السيارة كأنها كتلة واحدة متماسكة ما فيها زيادات كثيرة تنحاس معها
. السيارة حسيت انها صلبة وقوية ومتماسكة . طبعا بعد التجربة لاحظت ذلك
. السيارة ممكن تخدمني في الطلعات البرية وخطوط السفر واي مكان اقدر اروح له تقريبا

تقريبا هذي الحاجات الي اعجبتني بالفورتشنر .
توكلت على الله وقررت اشتري السيارة لكن السيارة فيها فئات كثيرة
4 سلندر منها دبل ومنها بدون دبل
ايضا 6 سلندر اتوقع فيه فئتين

انا ماني راعي بر وصيد . لكن احيانا فيه طلعات برية ولا يستخم فيها الدبل
فلذلك لو اشتريت دبل ما ينفعني ولا راح استخدمه
سألت عن الاربعة سلندر قالو لي ممتاز ولا يشكي من شي اذا كان بدون دبل
لكن لو كان بدبل بتلاحظ فرق كبير ولا يخدمك .

ققرت اشتري 4 سلندر بدون دبل وعلى كلام المصري انه فل كامل . لاني ماعرف صراحة الفرق بين الفل الكامل والعادي

الحين بسرد لكم تجربتي مع السيارة وبعض المميزات الي فيها .

السيارة من وكالتها الى الان ماشية 43 ألف تقريبا . وبحالة ممتازة جدا ماشتكيت من شي ابدا
مع العلم اني مارحت للوكالة لاجل الصيانة ولا مرة .. هههههههه ان شاء الله ماحتاج اروح لهم.

طريقتي باستخدام السيارة وكيف خدمت معي .

انا بسواقتي عادي جدا ماني مطفوق . ولا اشد على الموتر نهائيا . الموتر مرتاح جدا عند تغيير النمرة
مع اني احيانا اسرع خاصة في خطوط السفر مرات اجيب طبلونه . الحمد لله الله ستر لان السرعة تخوف
مشكلة الرصيف انحلت معي . الموتر ما شاء الله ينط الرصيف بالهداوة بدون شد على المكينه وكثير اصعد الرصيف ويتجاوب معي ومريح جدا

طلعت مرة مع الشباب للثمامة وكانت الكفرات تقريبا 35 . قلت بجربه ودخلت وغرزت . نسمت الكفرات وطلع وصرت امشي عادي . لكن فيه صعوبة بسيطة اتوقع علشان الكفرات وكالة .

بالنسبة للسفر جربته اكثر من 10 مرات تقريبا للشمال والشرقية . لاحظت فيه التالي.

المراتب قاسية شوي وغير مريحة وبالسفر راح يتعبك بعدم الراحة . كل شوي انزل اتمغط واكمل.

الرساوة لك عليها شوي خاصة بالسرعة العالية جدا .

وكذلك التسينم اذا انت مسرع ممكن تسمع صوت الهوا احيانا.

من ناحية التبريد جيد جدا . لكن في الزحمة والحر ممكن تنكتم السيارة ومايبرد المكيف وهذي حالة اغلب السيارات لكن بشكل عام التبريد خدمني وخصوصا ان فيه مكيفين واحد قدام والثاني للمقصورة الخلفية

حرارة السيارة ماشتكيت منها ابد

الانوار ماشاء الله العالي قوي مرة . لكن الواطي ضعيف شوي

البريك او المكابح . هذي مشكلة بصراحة اشوفها ضعيفة جدا . بنظام مانع الانغلاق . جربت فكيته لكن الطارة صارت ثقيلة ولما تمسك بريك السيارة تميل لجهة ثانية يعني فكتها خطيرة . بس اتوقع والله اعلم من الكفرات لان الي بسيارتي كفرات وكالة برجستون

بالنسبة للقير عندي تماتيك . كنت اشتكي من طقة خفيفة بالقير لما ارجع ريوس . لكن اختفت بعد ما غيرت زيت القير .

السيارة بشكل عام جيدة وخدمتني كثيرا ولم تشتكي من شيء.

بالنسبة لفحص الوكالة . انا ماجيتهم ولا مرة ولاني جايهم . لانه كله كلام فاضي وخرابيط في خرابيط
كملت 1000 كيلو وبعدها توجهت الى بترومين وانا اتعامل معهم من زمان . وسويت له فحص وكل شي .
والى الان وانا اتعامل معهم .

الزيت الي اغيره هو بترومين 5 الاف . طبعا اغير السيفون في كل مرة
غيرت عندهم زيت القير بطريقة السحب او شفط الزيت بماكينة خاصة . بصراحة مدري هالطريقة سليمة او لا .
بس بعدها اختفت الطقة الي بالقير ومالاحظت شي غريب . كل شي طبيعي .

غيرت له بطارية لان بطاريته خربت .

هذا غير الفحص العادي مثل التشييك على السوائل وفلتر الهواء وفلتر المكيف .
الميزة في بترومين انهم يعطونك ضمان بعد التغيير .
لان مرة غيرت زيت عندهم ويوم رحت للبيت من بكرا شفت نقط زيت تحت الموتر . انا وسوست قلت لا يكون فيه تهريب
رجعت لهم وقلت غير لي الزيت مع الفلتر . نزلت تحت يشيك ويقول كل شي تمام وان هذا زيت من التغيير من اول مافيه تهريب . بس انا رفضت وصممت انه لازم يغير الزيت مع الفلتر
وبالفعل غير الزيت والفلتر من جديد . فهذي نقطة ايجابية ان فيه ضمان

....
بالنسبة لبعض مواصفات ومميزات السيارة
مثل ماقلت فيها نظام مانع الانغلاق اتوقع اسمه abs
فيه زر لانوار الطبلون تعليها وتوطيها .
وايضا زر لرفع النور وتنزيله يكون يدوي
وفيه حساسات خلفية وزر لتشغيها وايقافها
وفيه زر لطي المرايا الخارجية

الطارة مافيها ازرار للتحكم بالمسجل واتوقع علشان انه 4 سلندر وكذلك مافيه مثبت للسرعة
والمسجل عندي عادي ماهو شاشة
بدون دعامة امامية
هذي تقريبا المميزات الي اذكرها .

فيه كم صورة للموتر

فورتشنر 2012 حبيت اشارككم بتقرير بسيط عنه وعن حالته وخدمته لي

فورتشنر 2012 حبيت اشارككم بتقرير بسيط عنه وعن حالته وخدمته لي

فورتشنر 2012 حبيت اشارككم بتقرير بسيط عنه وعن حالته وخدمته لي

فورتشنر 2012 حبيت اشارككم بتقرير بسيط عنه وعن حالته وخدمته لي

فورتشنر 2012 حبيت اشارككم بتقرير بسيط عنه وعن حالته وخدمته لي

فورتشنر 2012 حبيت اشارككم بتقرير بسيط عنه وعن حالته وخدمته لي


افكر صراحة اني اضيف عليه بعض الاضافات مثل شاشة ومقياس حرارة ودعامة اماية ومدري ايش بعد
فاللي عنده خبرة عن الاضافات ياليت يدلني على محل كويس ونوعية هذة الاضافات

واخيرا اي استفسار وسؤال انا جاهز للاجابة

واعذروني مرة اخرى على التنسيق لان هذا اول موضوع لي
اتمنى اني امتعتكم بهذا التقرير البسيط عن تجربتي
والى اللقاء
اخوكم ابو وليد
</p>
<span id="twitter_btn" style="margin-left: 6px; ">

المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

free counters

Sitemap

الساعة الآن 04:09 PM.


Powered by vBulletin™ Version 3.8.7
Copyright © 2017 vBulletin Solutions, Inc. All rights reserved.
SEO by vBSEO

Security team