منتديات احباب عرب  



العودة   منتديات احباب عرب > منتديات عربية > منتديات المغرب



معلومه معاناتي مع اللاند كروزر Gxr2014

السلام عليكم ورحمة الله وبركاته اسعد الله مسائكم بكل خير انا جديد في هذا المنتدى وهذي اول مشاركه اناشريت gxr2014 سعودي في شهرر رمضان الماضي وسمعت عن السياره هذي كثير

إضافة رد
 
LinkBack أدوات الموضوع انواع عرض الموضوع
  #1  
قديم 03-29-2015, 04:24 AM
الصورة الرمزية حمد السوداني
حمد السوداني غير متواجد حالياً
 
تاريخ التسجيل: Dec 2011
المشاركات: 44,695
معدل تقييم المستوى: 50
حمد السوداني is on a distinguished road
موضوع منقول معلومه معاناتي مع اللاند كروزر Gxr2014

السلام عليكم ورحمة الله وبركاته
اسعد الله مسائكم بكل خير
انا جديد في هذا المنتدى وهذي اول مشاركه
اناشريت Gxr2014 سعودي في شهرر رمضان الماضي وسمعت عن السياره هذي كثير من حيث الدفع الرباعي وانها سياره عائليه 000000000الخ
وانا راعي بر ودائما اطلع البر وامتلكت قبل كذا الكثير من سيارات الدفع الرباعي
وفي يوم من الايام طلعت البر وخففت ضغط الاطارات من 35الى 20بمجرد نزولي عن الإزفلت
ومشيت في رمال و كثبان رمليه وانحدارات . وطلعت نفود ونزلت الامور تمام الى الان
وفجأه وانا ماشي في أرض مستويه عاديه جدا عرز الموتر تغريزه بسيطه لكنها تستلزم تشغيل الدبل
وحطيت الدبل على الوضع L4 حتى لايتفاقم الأمر
ولكن بدأت الإطارات تنزلق وتنزل للأسفل الين تعلق الموتر صار كفر وراءالأيمن يدور في الهواء
وكفر قدام الأيسر يدور في الهواء بعدها قمت بتخفيف ضغط الإطارات الى 15
بعدها شغلت الdiff lock ولكن للأسف انزلقت جميع الإطارات للأسفل حتى تعلقت كامل الإطارات
جبت كريك وحفرت اسفل السياره مافيه فايده وجلست طوال الليل احفر بدون أي فايده
وأصبح الصبح واني حافر حفره كبيره ماواضح الا من القزاز واعلى
جاء واحد راعي جمس وحاول يسحبني بدون نتيجه موتري مايتحرك
جوني ناس وحفرو خندق أمام الموتر حتى ندفعه للأمام بدون فايده الموتر كل ماله ينزل للأسفل
المهم مالكم بالطويله يوم شفت ان الوقت بدا ينفذ اتصلت بالدفاع المدني وماقصرو جزاهم الله خير
جو وأنقذوني واعتذرو عن سحب الموتر ورجعت في اليوم التالي وجبت معي سطحه وحاولت مافيه فايده الموتر لاصق بالأرض
يوم شفت ان الموتر بيبقى في الصحراء وخفت انه يتعرض للتشليح والسرقه
استأجرت شيول وبالقوه سحب الموتر من الخلف وانزلقت كفرات الشيول كذا مره لكن الله ستر
هذي معاناتي باختصار
اللي ابغاه منكم هل الدبل فيه مشكله
ولا انا سويت شي غلط
ولا الموتر فيه عيب
انا خلاص طابت نفسي منه
كان معي شاص قديم ماقد وقفته رمله
هذا جديد ش اللي صار..............الله اعلم </p>
<span id="twitter_btn" style="margin-left: 6px; ">

المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

free counters

Sitemap

الساعة الآن 04:22 PM.


Powered by vBulletin™ Version 3.8.7
Copyright © 2017 vBulletin Solutions, Inc. All rights reserved.
SEO by vBSEO

Security team