منتديات احباب عرب  



العودة   منتديات احباب عرب > القسم الادبي > كرسي الاعتراف



مساعده معاناتي مع نقل ملكيه سياره سعوديه لمواطن خليجي

السلام عليكم ورحمه الله وبركاته يا اخوان تعذبت عذاب مايعلم فيه الا الله اليكم القصه بالتفصيل حصلت سياره في جده موديل ١٩٨١ و كلمت الرجال واتفقت معاه اني بجيه جده

إضافة رد
 
LinkBack أدوات الموضوع انواع عرض الموضوع
  #1  
قديم 03-21-2015, 07:56 PM
الصورة الرمزية حمد السوداني
حمد السوداني غير متواجد حالياً
 
تاريخ التسجيل: Dec 2011
المشاركات: 44,695
معدل تقييم المستوى: 51
حمد السوداني is on a distinguished road
موضوع منقول مساعده معاناتي مع نقل ملكيه سياره سعوديه لمواطن خليجي

السلام عليكم ورحمه الله وبركاته

يا اخوان تعذبت عذاب مايعلم فيه الا الله اليكم القصه بالتفصيل

حصلت سياره في جده موديل ١٩٨١ و كلمت الرجال واتفقت معاه اني بجيه جده عشان اشتريها منه وسالته شنو المطلوب مني ؟ قال بس وانت داخل جمارك سلوى اطلب منهم الرقم الموحد ( مع العلم اني دوم اسافر السعوديه وفيه رقم في جوازي بس ما ادري هل هذا هو الرقم الموحد ولالا

عموما دخلت جمارك سلوى الساعه ٣ العصر و قلت لموظف الجوازات ابي رقم موحد لاني ابي اشتري سياره من السعوديه قالي لازم تروح الجوازات تطلع رقم موحد من هناك او ادخل وكلم المدير داخل

المهم نزلت وكلمت المدير الموجود في الجوازات وقلت له السالفه قالي و الله ما اعرف اجراءات المرور قلت له قالي الموظف اجيك هل هذا هو الرقم الموحد الي في جوازي الحين ولا فيه رقم غيره ؟

قالي انت روح الجوازات الي في الاحساء وبيفيدونك قلت له فاتحين الحين قالي اي روح

و اطلع من جمارك سلوى على طول جوازات الاحساء و للاسف الشديد كانوا قافلين مافيه الا حارس عسكري و سالته

قالي والله ما ادري تعال الصبح قلت له يا اخوي انا ابي اشتري سياره من جده مب معقوله اتم في الاحساء لين بكره الصبح قالي عندي لك حل دامك رايح جده مالك الا جوارات الطايف او مكه لان جوازات جده زحمه

المهم توكلت على الله و وصلت لمكه قبل صلاة الفجر اعتمرت و لله الحمد خلصت عمرتي قبل اذان الفجر و نطرت الاذان وصليت الفجر و توجهت على طول جوازات مكه قالوا يفتحون ٧ ونص وتميت انطر لين افتحوا وانا تعبان من امس اسوق المهم دخلت للجوازات و قلت لهم الموضوع قلت للضابط الي موجود قالي الظابط انت تبي اقامه ؟؟؟؟؟؟؟؟
والله انصدمت صار لي ساعه اشرح له ابي رقم موحد في الاخير قالي تبي اقامه مايصير اقامه انت خليجي
قلت له ياولد الناس انا ابي رقم موحد ابي اشتري سياره قالي خلاص روح جيب كتاب من المرور قلت له انت يا طويل العمر فاهم موضوعي ولا لا
قالي الصراحه موضوعك اول مره يمر علي قلت له تسلم و طلعت من جوازات مكه اتجهت الى جده وانا لحد الان مانمت ولا ارتحت رحت على طول لمعرض السيارات الي فيه السياره
قلت له هذا هو الرقم الموحد الي قلت لي عنه ؟؟
قالي والله مادري قلت له طيب خلص اجراءات التسجيل سجلوها يعني هو الرقم الموحد ما سجلوها بنشوف وش الي يبغونه لان محد فاهم وش الموضوع لا جمارك سلوى ولا جوازات الاحساء ولا جوازات مكه
قالي والله ما اقدر اودي الاوراق المرور وانا مب متاكد قلت له يا اخي افهم انا جايك من قطر و مب فاهم الاجراءات وشراي جاد روح سجل اذا سجلوا كان بها ماسجلوا بنعدف شنو المطلوب المهم الرجال رفض و طلعت من عنده معصب و رجعت قطر

عانيت الصراحه محد فاهم وش السالفه ابي واحد يفيدني الله يجزاكم خير

بس ابي انقل السياره بآسمي وخلاص ما ابي معجزه تكفون وش الحل :tinysmile_cry_t: </p>
<span id="twitter_btn" style="margin-left: 6px; ">

المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

Sitemap

الساعة الآن 11:43 AM.


Powered by vBulletin™ Version 3.8.7
Copyright © 2018 vBulletin Solutions, Inc. All rights reserved.
SEO by vBSEO