منتديات احباب عرب  



العودة   منتديات احباب عرب > ^~*¤©[£]القسم الاداري[£]©¤*~^ > منتديات الحوش السوداني



انا ياناس فاقد حنان

وجدوهو يجلس في المسطبـة وحيدآآ... قالو ليهو..: عشان كده احنا مافهمناك .. وبعدين اليومين دي بقيت كده مالك ما على بعضك .. بقيت مستاء وكيف كده .. انت يازول

إضافة رد
 
LinkBack أدوات الموضوع انواع عرض الموضوع
  #1  
قديم 02-22-2015, 02:26 AM
الصورة الرمزية حمد السوداني
حمد السوداني غير متواجد حالياً
 
تاريخ التسجيل: Dec 2011
المشاركات: 44,695
معدل تقييم المستوى: 50
حمد السوداني is on a distinguished road
موضوع منقول انا ياناس فاقد حنان

وجدوهو يجلس في المسطبـة وحيدآآ... قالو ليهو..:


عشان كده احنا مافهمناك .. وبعدين اليومين دي بقيت كده مالك ما على بعضك ..
بقيت مستاء وكيف كده .. انت يازول في شي حاصل ليك ..

فينظر اليهم ( همزة ) نظرات استنكار .. وكأنما يقول لهم .. انتو مالكم ومالي
خلوكم في حالكم وخلوني في حالي ..!

فيقول لهم :

لا شوية ( نفسيات ) وحاجة نفيسة كده ..! أصلو حاجة نفيسة دي لامن تقوم علي أنا تاني بشوف لي اي حاجة غريبة واي شي بمسخ لي ..!

فيقولون له يا (همزة) حاجة نفيسة ماله ؟؟ حصل ليها شنو ؟؟ المرة كبيرة وأولادها طوالي بعيدين منها واولادها المسافرين مابسألو عليها .. أصلو اولاد الزمن ده أخير منهم عدم الولادة ..
ربتهم لحدي ماكبرو ونسوها .. بالله ديل هسي أولاد ..
عيال مانافعين .. عاقين ومابارين بوالدتهم ..!

ومايزال (همزة) يستمع الى أحاديثهم تلك بكل ( غيظ ) ..
ويضحك ويتكلم بينو وبين نفسو ..

ويقول بينو وبين نفسو : انتو كان عرفتو سبب (حاجة نفيسة ) دي انا قايل مافي زول منكم بقول كلامو ده ..

-حجة نفيسة هو مصطلح يقال للشخص النفسياتو كعبة-

ناس بس بتاعين كلام واقاويل وفتن ..!
هسي القال ليكم حاجة نفيسة منو ..!

قالو ليهو مالك بتتكلم براك يا (همزة) ؟؟
يازول انت شكلك عايز تجن ..
خلاص مشروعك فلس .!!
قلنا ليك المشاريع الزي دي مابتمشي اليومين دي ..!
ده زمن مابتاع مشاريع استثمارية صغيرة ..
والسماسرة زاااتم بكرهوك العيشة ..
هسي لو بنيت بقروشك دي عمارة مش كان أحسن ..
كنت تأجرها شقق مفروشه للعرسان وتلم قروشك كل نهاية شهر في جيبك ..!
مابتسمع الكلام ..!!

فبحلق فيهم ( همزة ) بنظرة شاملة تدل على أنو داير يعضي كلو واحد فيهم من أضانو ..!:Sdicon1:

فأخذ نفس عميق من سيجارته التي شربها الهواء بدل منه وهو في حالة استماع الى أحاديثهم ..!

فأخرج أنفاس السيجارة متقطعة واحدا تلو الآخر ..
وجلس على الأرض منهمكا .. وعيناه بالحزن تمتلأن ..!
وانزل رأسه الى الأرض وأغمض عيناه الحزينتان ..
وبدأ يتذكرها .. وكيف سمحت له نفسه ان يتركها ..
تذكر حينما قالت له تلك العبارات ..
وتذكر حين لم يستطع أن يجعلها تُـهدء من روعها ..

وبينما هو يتذكرها قالو له يازول مالك !! رجلك ماله ؟؟ تاني الآلام رجعت ليك ؟؟
احنا قلنا ليك أمشي الدكتور الاخصائي براك مامشيت ..
اها خلي الطب الشعبي ينفعك ..

فلم يهتم لهم ..

تذكر ضحكاتها حينما تكون ممسكة يداه في تلك الليالي القمرية ..
تذكرها وهي تشدو وتغني بتلك الكلمات الشعرية .. وكيف كان يرقص معها على ايقاع القوافي .. وحين يحتضنها بكل معاني العطف والبحار والمرافي ..!
فظل يتذكر خصامها .. وزعلها وحنانها .. يكاد ان يختنق من الـعَـبرة ..

وبينما هم يخنقونه بالتساؤلات ..!!

هسي عاين رجلك بقت كيف ..
تاني عمرك كلو تكون كده ..

وهو يتذكر سنين عمرها التي أحبها فيها ..
ويندم على السنين التي لم يعرفها فيها ..

وفجــأة .!!!

وهو مغمض عينيه ..!!

رأى طيفها يمر من أمامه بسرعة فرس أصيلة !!

فنهض وقال لهم ( همزة ) :

ياجماعة .. خلاص أسكتو انتو ماعارفين شي ..
ماتتكلمو ساي وتجيبو كلام من عندكم ..
أصلو بكلامكم ده عاملين المشاكل للناس كلها ..
حرام عليكم يااخ ..

حاجة نفيسة في أمان الله ومشروعي تمام وماشي حالو وانا صحتي أحمد الله عال العال والله ..

انتو ماعارفين .. حنان .. البت الاتعرفتا عليها من الانستقرام .. حنان العاوز اخطبها ..!!

حنان طلعت ولد..[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

ماهنا المشكلة.. المشكلة انو اشتقتا ليهوو [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل][فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


أنـــا ياناس فاقــــد ( حـــــنان ) .!! [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


.

المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

free counters

Sitemap

الساعة الآن 09:14 AM.


Powered by vBulletin™ Version 3.8.7
Copyright © 2017 vBulletin Solutions, Inc. All rights reserved.
SEO by vBSEO

Security team