منتديات احباب عرب  



العودة   منتديات احباب عرب > ^~*¤©[£]القسم الاداري[£]©¤*~^ > منتديات الحوش السوداني



سفر منك بت الناريه - نص نهارى - جديد

عشان اليوم يكون اجمل خبى قليبك فوق النبض وخلى عيونك تشرق بالضحكة الشرقانة معانى من جوة القلب خليك فى سوح الدنيا معنى صادق وكلمة حنينة موفورة اناقة ولونا امانى وبرضو

إضافة رد
 
LinkBack أدوات الموضوع انواع عرض الموضوع
  #1  
قديم 01-22-2015, 02:13 PM
الصورة الرمزية حمد السوداني
حمد السوداني غير متواجد حالياً
 
تاريخ التسجيل: Dec 2011
المشاركات: 44,695
معدل تقييم المستوى: 50
حمد السوداني is on a distinguished road
موضوع منقول سفر منك بت الناريه - نص نهارى - جديد



عشان اليوم يكون اجمل خبى قليبك فوق النبض وخلى عيونك تشرق بالضحكة الشرقانة معانى من جوة القلب خليك فى سوح الدنيا معنى صادق وكلمة حنينة موفورة اناقة ولونا امانى وبرضو معانى يا زمن الناس الماشة تفتش فى درب الزمن الضارى ياخى شيل حكايات الناس الطيبة وحلوة فيهم كل الحب والريدة المنسوخة فى ابواب الحارة ولادا وبناتا اماتنا ابواتنا والجيران نحبو ونشيلو فوق الراس وياسيدى حبوبة
لما بتحكى حكاية نشتاق للقمرة وميعادا تطلع بيضا والرملة جمب النيل حكاية براها معطونة بصوت الشفع
والبهم الصايح مشتاق لى امو ونحن يا اخر عنقود الفرحة نحبك واكتر لما تغرود عيونك تسرح ونطرب فيك --
بوادى مدن بلدات اااااه من صوت النشوة الفيك تغمر دنيانا وديك بت العافية ماشة تكوس حبة طايوقة وقرقريبة من الجيران والصادق لاقاها قالها ابت وينك ماشة سلامك وينو قالتلو احى منك ما لاقيتك هسع --
وسلمتَ عليك الصادق إتاوه كمين مرة قال رايدك ابت من شفتك ختيتك فى عيونى مرايا وفى قلبى حواية --
ريدة يابت ما فايتانى اصبرى عليك الله يا بت العاجبة حلمى الكلمتك بيهو شفتك حنة ضريرة وصندل وعطرك ريحان بت النارية جات بسراع لمحت صوت الذكرى وطعم الفرحة فى لسانا تكورك يا ناس الدنيا بت العاجبة
هنوك والصادق ختاها مودة وحنة دحين مبروك يا ناس - بت العاجبة قالت يابت ما تخلى الناس تعرف السر الريدة بريدو بلحليل -- ناسك جونا مشينا اتلمينا انا والبت النارية وهديل حسن ود الجيران خمجان طبعو --
بلحليل هظار قلنا نفتش للقمرة والنور الضاوى سنين فتشنا مشينا للضهرة والجرف الورانى فيهو كم شتلات --
رمانة وحنة وشجرة سنطة من ايام سيدنا ود الماحى شيخ الخلوة وامام الزاوية الورانية --قلنا ياشيخ فسرلنا هاذا الحلم المنصوب فى سواقى اللوبيا والعدسى وجمبك النبرو شادى براح النسمة يا ضل العافية ادينا شوية مونة نتزود بيها فى رحلة اشجان البت النارية طوف بيها الزمن القاسى وفات حلم اليوم وطعم الروح يا شيخنا ادينا شوية بركة من طيبك ادينا خلينا نفوت نمشى نغنى كيف لما الريدة تفوت الحد وتغنى براك تشدو براك نمات العين السهرانة فى ضل الليمونة المسقية من اشجان عمرى يا ايام الروعة حبيتك لامن تهت بين دروبك منسية قوافى قصيدة محرية فيك فوق اركان القلب الساهى ولاهى - بت النارية غنت لنا غنية قالت لوموهو اللاهى -وقفنا نصيخ السمع دهشة ياعمك ودهشة يا انت يابت
يا منية ودهرك وداك غريب فى هاى الدنيا المشدوه وين القاك يا ستنا وروحنا القاك وين كورك الصادق من غلبى كدى ادونى الجابرة ------



المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

free counters

Sitemap

الساعة الآن 06:42 PM.


Powered by vBulletin™ Version 3.8.7
Copyright © 2017 vBulletin Solutions, Inc. All rights reserved.
SEO by vBSEO

Security team