منتديات احباب عرب  



العودة   منتديات احباب عرب > منتديات عربية > منتديات فلسطين



بالع راديو.. الحب في البلد

بالع راديو.. الحب في البلد إيهاب الجريري الحكي عن الحب في البلد مش شي سهل مثل ما بتوقّع بعض الناس، أو يمكن معظمهم، كمان مش هون منّاقش

إضافة رد
 
LinkBack أدوات الموضوع انواع عرض الموضوع
  #1  
قديم 01-28-2012, 08:11 PM
غربة و شوق غير متواجد حالياً
 
تاريخ التسجيل: Apr 2010
المشاركات: 20,922
معدل تقييم المستوى: 28
غربة و شوق is on a distinguished road
موضوع منقول بالع راديو.. الحب في البلد

بالع راديو.. الحب في البلد

إيهاب الجريري






الحكي عن الحب في البلد مش شي سهل مثل ما بتوقّع بعض الناس، أو يمكن معظمهم، كمان مش هون منّاقش النِسب ولا بعتقد إنو موضوع

جوهري كم نسبة المهتمين بهالقصة، بس أنا بدي أدّعي إنو أكتر بلد مهتمة بفكرة وبموضوع الحب هي بلدنا، صحيح، يعني بلدنا قليل شو فيها

حب؟ شو فيها معاني للحب ما بتلاقوها بأي محل بالعالم، شو بعنيلنا الحب في كلشي فيها، فكروا كويس بتكتشفوا إنو أكبر بلد فيها حب بلدنا،

ما بتحبوا أهلكم؟ ما بتحبوا أصحابكم؟ ما بتحبوا مناطق سكنكم؟ ما بتحبوا طبيعة هالبلد؟ اسمها، ريحتها، لونها، حتى جبالها.. بتحبّوا كتير،

هلأ بنطّلي حد بحكيلي ما هالحكي موجود بكل محل، أنا بحكيلو للنطيط أو النطيطة، صحيح، بس هون بدكم دايماً بموضوع الحب تحطوا

ببالكم عبارة أضف إلى ذلك؟ إيش أضف إلى ذلك؟

الحب في البلد متل أي بلد، بس أضيفوا إلى ذلك إنو هون بس بنموت مشان حبنا، فيه محلات تانية متلنا صحيح، بس هون من أكتر من ستين

سنة بنموت مشان حبنا، هلأ ما حد ينطِّلي يحكيلي بس الحب مرتبط أكثر بالحياة، برضو صحيح، بس كمان هون مرتبط بالموت، هي هيك

البلد أنا شو بقدر أساعدكم، ولا بشي، إلا إني أذكركم إنو هالحب إللي موّت أعز الناس علينا وعليكم وعلى غيركم، هو أجمل حب، ما تنسوا

هون متنا مشان بس نحس بكرامتنا، ومشان بس نحمي غصن شجرة، ومشان بس نحس بإنسانيتنا، ومشان كمان غيرنا يعيشوا أحسن منا،

هون حب ما فيه متلو حب.
الحب في البلد متل أي حب في أي بلد، بس هون الحب أصعب، أصعب كتير يا جماعة، هلأ ما بعرف إذا أحلى، أكيد ابتعرفوا أكتر مني، مش



بالضرورة أكتر مني كتير، بس وين فيه حب جنسياتو مختلفة بين ولاد البلد الوحدة قد هالبلد، فينا هوية خضرة، فينا هوية قدس، فينا

فلسطينيين معهم جنسية الاحتلال الإسرائيلي، فينا هوية غزة، فينا جنسية أردنية، وفينا ما معهم ولا شي، لبقوا وزبطوا ووضحوا، كم صبية

بدها تشرح لأهلها إنو كويس إنو معو هوية قدس، وهما أبداً، كم شب بدو يقنع أهلو بصبية من غزة، وكيف بدكم تعيشو؟ كم حد بحب حد وما

بيقدر يوصلّو، وين بحيفا؟ أهلين؟ وكيف دخلكم متواصلين؟ أها فهمت بالفيس بوك، ولإيمتى؟ فيه حب مصر على الوجود رغم كل هالألوان

.
الحب في البلد متل أي حب بأي بلد تاني، بس هون فيه قرى ومخيمات ومدن، وفيه نوابلسة وخلايلة ومن رام الله، وفيه كمان قروي ومدني

وإبن مخيم، أصعب من هيك تقسيمة وين بتلاقو..؟ ولسه فيه مسلمين ومسيحية، وأغنيا وفقرا، ولسه طولوا بالكم ما خلصنا، فيه فتحاوي

وحمساوي، وفيه يساري، وفيه وطني وفيه مش وطني، وفيه بلد أسعارها بكلشي من أغلى الأسعار في العالم، البيوت غالية إجار وإلا شرا،

والسيارات نار، والكهربا مش معقولة، حتى المي غالية، والله يخليلنا لبنوك، لولاها ما كان ضل عايش الحب في هالبلد.. كيف؟ اسألوا حالكم

.
الحب في البلد مرتبط بذكريات ما بتلاقوها في مكان تاني، وبقصص ما بتسمعوا عنها بأي مكان تاني، يعني وين فيه بالله عليكم حصار مثل ما

فيه عنا، إذا كنتوا بغزة حِبُّو من الضفة أشوف، والعكس صحيح، ويا حبيبي إذا بتحب حد انحكم 20 سنة، مين بدو يستنى وإلا مين، بس فيه


ناس بتستنى، وفيه ناس لسه بتحب، هون بس فيه ناس بتحب بعض وبعض هالبعض مطاردين، وإلتقو تأشوف، ممكن يغتالوه مشان يوصّل
وردة بس، يمكن مشان ايشوف ولادو بس، يمكن مشان يتدفا، أو ياخد من إمو قراص زعتر.. فيه حب غالي متل هيك.




الحب بالبلد سهل، الله ايخليلنا شركات الاتصالات والموبايلات والإنترنت، شوفوا كم طول الجدار، والرسائل رايحة جاية، بدنا انحب شو ما

عملوا ولو صار طول الجدار من هون لقبرص، كم حد حب حد بمظاهرة؟ كم حد حب حد باعتصام، كم حد حب حد بعمل تطوعي، بمهرجان

، بندوة، بورشة عمل، بطوشة، بإضراب؟

الحب في البلد، متل حب زوجتي إلي، يا الله شو راقي، ومرات يا الله شو أعمى، بس شو أعمللها!

راق لي


المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

free counters

Sitemap

الساعة الآن 06:22 PM.


Powered by vBulletin™ Version 3.8.7
Copyright © 2017 vBulletin Solutions, Inc. All rights reserved.
SEO by vBSEO

Security team