منتديات احباب عرب  



العودة   منتديات احباب عرب > منتديات عربية > منتديات الجزائر



حصة لقاء مع تستضيف العضو : " أرض العرين "

سلام الله عليكم جميعا . . . هانحن نلتقي من جديد في هذا الفضاء الحواري باللمة فضاء لقاء مع الذي يجمعنا مع رواد القسم السياسي للمة نطرح نحاوره في اهم

إضافة رد
 
LinkBack أدوات الموضوع انواع عرض الموضوع
  #1  
قديم 10-14-2012, 02:26 AM
الصورة الرمزية رشاء احمد
رشاء احمد غير متواجد حالياً
 
تاريخ التسجيل: Mar 2010
المشاركات: 64,439
معدل تقييم المستوى: 82
رشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud of
موضوع منقول حصة لقاء مع تستضيف العضو : " أرض العرين "

سلام الله عليكم جميعا . . .
هانحن نلتقي من جديد في هذا الفضاء الحواري باللمة فضاء لقاء مع الذي يجمعنا مع رواد القسم السياسي للمة نطرح نحاوره في اهم القضايا الاقليمية والدولية ونفتح له المجال للرد على تساؤلات الاعضاء . . .
ضيفي لهذا العدد من حصة لقاء مع . . . سيكون :
ابن مدينة القنيطرة السورية وهو العضو : " أرض العرين " .
فمرحبا به بيننا وفي بلده الثاني الجزائر .
حصة لقاء مع تستضيف العضو : " أرض العرين "
" مايحدث بسوريا لا بثورة ولا بأي شيء وانما لعب سياسي مصالح "
" مايحدث في سوريا ثأر شخصي من سيادةا لرئيس بشار الأسد "
" الوحدة السورية سينسفها هذا الربيع "
" تسليح المعارضة شغل موساد صهيوني ويد امريكية فيه "


* * * * الحـــــــــــــــــــــــــــ ــــــــــــــــــــــــــــــ ـــــــــوار * * *
المخلص 2008 : لنتكلم سيدي عن الوضع في سوريا على الأرض كيف تصف لنا مايجري في سوريا وفي كل المدن السورية هل لديك صورة عما يجري هناك يعني عاينت الامر بنفسك ؟؟ لنأخذها كشهادة منك اخي ارض العرين ؟؟وخصوصا من بلدتك
أرض العرين : السلام عليكم ورحمة الله وبركاته بداية اخي الكريم يلي صاير بمحافظتي انا ذكرتو والقصة ابتدت من 6 جنود منشقين والتجأو الى الشريط الحدودي عالجبهة وفي احد الاشخاص ابلغ الجهات المختصة ((حكما بأي دولة في العالم ..المنشق عن الجيش يعدم ميدانيا وهالشي بظن ماعليه خلاف)) لان هاد خيانة ومن بعدها صار في خلاف ..بعض الناس عم تشوف الجزيرة والتحريض والفبركات ومتأثرة بفتاوى العرعور وامثالو متل القرضاوي وشيوخ الفتنة فأصدرو بحقه انو هاد خاين ومن العواينية وتم قتله بأداة يقطع فيها الحطب والخشب الرجل هاد علما عمره بين ال65 و 70 عام و اولاده بدهن ياخدو بالثأر وهاد كان شرارة الموضوع و حطو وجهاء المنطقة ومامشي الحال وماكنو يردو المسلحين وصار اكتر من مرة بينزلو من منطقتن بيعتدو على حواجز الجيش قال نصرة لاهل حلب ..مع ان هاد حرام ومابيجوز من الله لان مادخل شخص تجازيه بسبب شخص تاني وللاسف ماعم يقتنعو وصار في دم وطالما في جزيرة تمولهن اكيد مارح يتراجعو والمتورط ماعم يسلم حالو والله يستر يا اخي حتى بدرعا الي اقارب هنيك كمان في شي غايب عن الناس وعن الاعلام انو الاردن عم تحاول تدخل مدرعات للمسلحين ومن فترة صار اشتباك مع الجيش الاردني ومين بيخبر انو تركيا دخلت لحلب 2000 جندي تركي؟؟ كمان محدا بيخبر بالموضوع ..مو مشكلة نحنا علينا بالايام الجاية وان شاءالله النصر قريب لان مهمة الجيش العربي السوري حماية الوطن من الداخل والخارج
المخلص 2008 : ممكن تفسر لنا مايجري بسوريا ؟؟ وهل كل السوريين مع مايجري ؟؟ أم انهم مع التغيير ولكن دون الفوضى والفساد ؟؟
أرض العرين : اخي يلي صاير بسورية ماكان ثورة ولا فيك تصنفو مع الثورات فيك تقول: باختصار الموضوع مصالح .. لعب سياسية.... ثأر شخصي من السيد الرئيس... ولا وجود لثورة شعب ضد حكم نعم في فساد بنتمنى يتغير.. انما مو هيك بأي دولة كانت في فساد مو بس بسورية مافي ولا دولة مثالية الاب مابيقدر يعدل بين اولادو فما بالك 24 مليون نعم في وزراء كانو مفسدين في مدراء مديريات في مسؤولين في ضباط بس الحق ما بيتحملو رئيس الدولة في وزارات مختصة يا اخي بأي دولة مافي عدل مهما كانت عادلة السوريين بالغالبية الكبرى ضد يلي صاير محدا مع القتل ومحدا مع التدمير والشعب بالغالبية مع الرئيس بشار انما التحريض الاعلامي عم يهدم كتير بيقولو حرية ..بعدها اسقاط نظام وبيقولو رحيل الاسد وتسليم السلطة ل فاروق الشرع يعني فاروق الشرع مين هو؟؟ مو واحد من النظام؟؟ يا اخي ليش التحريض من البداية عالرئيس بشار تانيا في شي ..ليش مصر وتونس واليمن قامت عأساس ثورة ليش ماغيرو علم الدول؟؟ لان كانت الغاية تغيير بالعميل.. انما بسورية وليبيا ..كان العكس ..تغير علم الدولة بالكامل تغيير كل شي حتى الغاء للتاريخ من خلال تشويه صورة حرب تشرين ويلي اجباري عن الكل هي حرب شرف وبطولة وتشويه معالم سورية تدمير الحضارات الاثار الاسواق المشافي المدارس الجامعات ..لان النظام القائم والحكومة كاملة بتشكل مصدر قلق ومابدهن ياه يضل ..والتحريض عم يصير بوثائق غبية مافيها اي اثبات او اي دليل.. عن تشويه صورة الرئيس الخالد حافظ الاسد وتشويه صور الابطال والقادة العسكريين..
المخلص 2008 : هل مايسمى بالربيع العربي الذي لحق سورية يهدد وحدتها الترابية والعرقية مثلا ؟؟
أرض العرين :اكيد .. ولو استمر الحال هيك رح يكون كارثة كبيرة لان بكل محافظة في خليط من كل المحافظات من كل الديانات من كل المذاهب السبب اما الشغل(سواء مدرس او مهندس او بالجيش او الامن).. او الزواج وهالتعايش صرلو سنين من بداية التحريض والازمة يلي صار هو تهجير للعائلات حسب الديانة وحسب المذهب ويلي ماكان يطلع من بيتو كانو يحرقولو البيت ويهدد وبعدها يقتل والسبب طائفي ولو استمر الوضع اكتر رح تخرب المنطقة ورح ينحرق الاخضر واليابس ((ولو كان يا اخي المسلحين فقط سوريين كان الموضوع انحل من زمان..انما في من كل الدول ..وكلو باسم الجهاد ..تنظيم القاعدة دخل عالخط.. حتى يلي اسمهن كتائب مافي قيادة موحدة ناس بتقتل ناس بتسرق ناس تكفيرية متشددة..للاسف هاد الوضع)) يعني يا اخي من بعض الهتافات يلي كانت من اول الاحداث وللاسف المسيحي على بيروت والعلوي عالتابوت واللعب برجع وبكرر انو اللعب عالوتر الطائفي انما والحمدلله لسا في كتيييييييييييييييير بسورية ما انجرفو وراء الفتنة وهاد فيك تعتبرو سبب صمود بالدولة مع الجيش
المخلص 2008 : من المستفيد صراحة مما يحدث في سورية ؟؟
أرض العرين :المستفيد الاستعمار الصهيوني..كلنا بنعرف شعار الاستعمار فرق تسد .. من سايكس بيكو الفرنسية لهلأ والموضوع كلو الاستيلاء عالمنطقة لتطبيق حكومة اسرائيل يلي بيحلمو فيها.. من الفرات الى النيل انا حكيت الموضوع كمان مصالح.......نعم بسبب خط الغاز يلي موجود بمشروع الياسمينة الزرقاء ثأر شخصي من الرئيس الاسد والتاريخ بيشهد وحافل بالاسباب
المخلص 2008 : من يتحمل مسؤولية ماجرى ومايجري وسيحصل لسورية ؟؟ هل هو الشعب ام النظام او ايادي اخرى همها ايقاع الفوضى وزرع عدم الاستقرار بالمنطقة ؟؟
أرض العرين :كل دولة تحرض وتمول وتسلح وتهرب السلاح الى المسلحين الارهابيين.. يا اخي الثورة ما بتقتل .. ولا بتحرض على الفتنة الطائفية بالعكس ازا كان هاد النظام مو منيح لازم هن يثبتو انن احسن من النظام الحالي ويقولو لا للتحريض ويخرسو القرضاوي واتباعو والجزيرة وامثالها ..لان هن سبب الخراب الاكبر
المخلص 2008 : الم يخطى النظام السوري ياترى وكان عليه ان يقدم استقالته وينسحب بسبب ماسيحصل لسورية ؟؟ أم انه مع شعار ليس لكم حياة بعدي ولا امل لكم بعدي او مع شعار الاسد او لا احد ؟؟
أرض العرين :لا يا اخي ..منذ البداية كانت شعارات طائفية وكان القتل على الهوية واغتيال الاطباء والضباط العلوية كيف بدك الرئيس يروح ويترك البلد وهو شايف ابناء محافظتو تقتل وتذبح بدم بارد وتمثل بجثثها؟؟ وكيف يروح ازا الشعب بيحبو المسيرات المؤيدة للرئيس ماكانت كذب وبعد بدء الاحداث بسورية بأكثر من 8 شهور كانت الناس لسا عم تطلع مسيرات بالالاف .. مسيرة السبع بحرات بدمشق كانت مليونية وما كانت تحت اجبار ولا اكراه (هلأ ازا عندك باص ياخدك ويرجعك.. تحت امرتك.. هاد صار اجبار؟؟) اما حاليا لولا العبوات الناسفة والسيارات االمفخخة كنت شفت المسيرات المؤيدة بكل شارع وبكل ساحة .. اليس كان من الضروري على بشار غيرة على وطنه وحب فيه مغادرته واعلان انتخابات رئاسية حقيقية او مجلس تأسيسي سوري لبناء واعلان الجمهورية الثانية ؟؟ الحكومة دعت للحوار من بداية الاحداث وكل ما طالبو بشي كان الرئيس يعملو ويقدمو يقولو مو كافي مو كافي ويطالبو بشغلات تافهة ..والموضوع كلو لزيادة الوضع توتر وخلق الفوضى وكل نهار بتقول الحكومة تعالو للحوار وصندوق الانتخاب هو الفيصل بس في جهة الها مصلحة بتأجيج الوضع لما من فترة وافقو على الحوار واجو اعضاء هيئة التنسيق .. جماعة مسلحة اختطفت ناس من هيئة التنسيق وكالعادة اتهمو الحكومة وطلعت جماعة للجيش الحر اعلنت تبنيها عن الاختطاف .. هاد لمصلحة مين؟؟ اكيد الحكومة والدولة مارح تستفيد لان اغلب القتلى بسورية هن من اللاذقية وطرطوس ومش من مصلحة الدولة استمرار العنف والقتل محدا بيحب هالشي ولا بيرضاه .. هل نستطيع القول بان بشار الاسد فضل مصلحته على مصلحة الشعب والوطن ؟؟ لا .. ونحنا مع الرئيس بشار ...هلأ بيطلع واحد بيقول احكي عن حالك لا تقول نحنا بس يا اخي ليش نعمل حالنا عميان. طالما المسيحية والدروز والعلوية والشيعة ونسبة كبيرة من السنة مع الرئيس بشار...( مو هدول بيحقلي قول عنن نحنا؟؟)
المخلص 2008 : كيف تقرأون سيناريوهات المحتملة في سورية في ظل الظروف الراهنة التي تعيشها ؟؟ وماهي الحلول المرجوة من المنظمات الدولية ودول الفاعلة في هته الازمة ؟؟
أرض العرين :المشكلة في سورية صارت بخواتيمها الحمدلله ومسرحيات تركيا ماهي الا ضحك على الناس و اصداء اعلامية ((متل قرصنة الطيارة المدنية من ايام في تركيا..قال اردوغان فيها سلاح..وقالت وزارة الخارجية السورية برهن واثبت انو في سلاح ...كل شي مدون على تأشيرات التأمين والنقل والبضاعة الكترونيات عادية ..هلأ. صار يقول اي قطع الكترونية للرادار؟؟؟؟؟)) وتانيا ليش ليدخلو الطائرة بأقنعة ويضربو الكابتن ومهندسين الطيران ؟؟؟ حاج بقى مسخرة وانا برأيي حرب مارح يصير وان صارت حتكون حرب طاحنة وابادة للصهيونية ومن طبخ السم لسورية ان شاءالله رح يتذوقو ويلحقو نصيب من الي حصل - عملو حظر اقتصادي وبعدها صارو يشحدو عالشعب السوري يلي كل عمره كان يعطي وما ياخد الحظر والعقوبات مو اكتر من ضغط عالشعب يلي عم يساند الرئيس بشار وكسر نفسية لطالما كان ع طول السنين رافع راسو وبأذن الله الشعب السوري مرفوع الراس للابد لو يتوقف التمويل والتسليح بنرجع احسن من اول وبنحقن الدم بين بعض انما الاعداد الهائلة يلي دخلت ع سورية سواء من ليبيا او تونس والعراق وافغانستان والشيشان والسعودية والامارات والكويت وبريطانيا وووووو واجب القضاء عليها لان الدم السوري مو رخيص بيحكولك قتل بسورية 200 الف .. ا اخي هالارقام غريبة ومستحيلة وشرد 7 مليون ......اما والله تفاهات مو طبيعية والمخيمات بتركيا ماهيي الا معسكرات تدريب وتجميع مسلحين وغرف استخبارات الاردن مافيها تمول وتسلح قد تركيا لان الاردن عايش على خيرات سورية ..المي من عنا والخضروات من عنا والحمدلله الله يبارك في رزقنا ولذلك مخيمات الاردن دون مستوى المعيشة وعم نلاحظ رجعة الاف من المهجرين على سوريا من الاردن لان بكل يلي صاير بسورية بتبقى الام وفيها اخ يسندك والاكل بأي وقت موجود ..الحمدلله
المخلص 2008 : لنتحدث عن دور ايران من مايحصل بسوريا ؟؟
أرض العرين :يران ومحور المقاومة والسيد حسن نصرالله هاد يلي بقدر قولو ولا تدخلو الموضوع طائفي شيعي وسني ولو بدك يا اخي بخبرك الموضوع وبنتناقش عالخاص لان بغنى اسمع كلام ((لان في بالموقع ناس مو مصلية عالنبي)
المخلص 2008 : من أين أتى كل هذا السلاح ومن اين مصدره ؟؟ وكيف انشئت هته الكتائب الاسلامية ؟؟
أرض العرين :السلاح واضح ومعروف مين الدول يلي عم تسلح ولما كنا نقول في سلاح كانو يقولو كذب وبعدين صار السلاح مجاهرة وللعلن ويلي قام بعملية كبيرة بتفجير مبنى الامن القومي هاد شغل موساد صهيوني واليد الامريكية ويلي فجر هالتفجير مابيصعب عليه اي سلاح تاني وتصريحات الخارجية الاميركية والصحافة والاستخبارات الغربية مو خافية على حدا ودعوات الظواهري والقاعدة كمان موخافية على حدا وكل واحد بيقول النظام وراء التفجير فهو اما غبي او عم يتغابى لان محدا بيقتل حالو ويدين حالو تانيا جبهة النصرة مو خافية عن حدا نشاطاتها سبحان الله حتى في ناطقين باسمها عندكن ((من جملة التحريض والاعلام المسيء .. انو بكل الدنيا في شي اسمو قاعدة الا بسورية مافي مع ان القاعدة يلي عم تصرح عن عملياتها باليمن وافغانستان ذاتها وعلى ذات الموفع تبعها عم تعلن عن تفجيراتها بسورية)) معقول هالموضوع؟؟ ومجلس الامن يوم الجمعة ادان تفجيرات ساحة حلب وما ادان النظام ..وقال تفجيرات ارهابية والقاعدة طلعت تتغنى بهالاعمال المجرمة وهل بالموازة مع هذا هل سيحصل لسورية ماحصل في ليبيا ازمة سلاح بعد انتهاء هته الازمة ؟ ان شاءالله مارح يصير ..وعمليات الجيش العربي السوري عم تقوم بهالمهمة وان شاءالله منصورين يلي مو عايش بسورية مابيعرف شو صاير وسورية ليست ليبيا وإلها رب يحميها ..والله سبحانه وتعالى تكفل فيها وبأهلها للنبي عليه الصلاة والسلام واخير ا ماتتمناه انت لبلدك وكلمة في الختام للقسم السياسي للمة ولهذا البرنامج . بتمنى كل الخير والسعادة ويرجع الامن والامان ونرجع اخوة متل ماكنا وننسى الطائفية لان بحياتنا ماحكينا فيها ..ويلي بيحط املو برب العالمين بيكسب وان شاءالله الامور للافضل والله يجعل الخير والامان بكل البلاد العربية والله يستر على بنات المسلمين اجمعين ويرحمنا برحمتو ويغفرلنا ويسامحنا والصلاة والسلام على سيدنا محمد وآله وصحبه اجمعين ودمتو بألف خير
* * * * * انتهــــــــــــــــــــــــى * * *
ملاحظة // الموضوع حواري ويفتح لتعقيب على نص الحوار ومن حق كل قارئ يعقب على ماجاء في الحوار ويناقشه مع صاحب الموضوع .
المخلص 2008
جميع الحقوق محفوظة للقسم السياسي للمة الجزائرية اكتوبر 2012 .


المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

Sitemap

الساعة الآن 06:02 AM.


Powered by vBulletin™ Version 3.8.7
Copyright © 2018 vBulletin Solutions, Inc. All rights reserved.
SEO by vBSEO