منتديات احباب عرب  

العودة   منتديات احباب عرب > القسم الرياضي > صور سيارات 2017 , car 2017 new

هام صيانة 80الف.. يقولون راحة بال.. وأقول غبنة وقهر..!!

السلام عليكم ورحمة الله وبركاته.. حيا الله الجميع.. البداية.. سويت موعد صيانة من الموقع على الرابط ( ) يوم الاربعاء..تقريبا 4 العصر.. بعد تقريبا ربع ساعة اتصلوا عليي

إضافة رد
 
LinkBack أدوات الموضوع انواع عرض الموضوع
  #1  
قديم 10-13-2012, 10:21 PM
الصورة الرمزية حمد السوداني
حمد السوداني غير متواجد حالياً
 
تاريخ التسجيل: Dec 2011
المشاركات: 44,695
معدل تقييم المستوى: 50
حمد السوداني is on a distinguished road
موضوع منقول هام صيانة 80الف.. يقولون راحة بال.. وأقول غبنة وقهر..!!

السلام عليكم ورحمة الله وبركاته..

حيا الله الجميع..

البداية..
سويت موعد صيانة من الموقع على الرابط
( [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] ) يوم الاربعاء..تقريبا 4 العصر..
بعد تقريبا ربع ساعة اتصلوا عليي من الرياض..أظن الادارة.. لتأكيد الموعد والمعلومات..
وعليها تم الاعتماد.

الوقت..
8 الا عشر صباح اليوم.. وانا مسنتر عند طابور استقبال الصيانة..!

المكان..
فرع الدمام الرئيسي.. شارع الملك سعود (شارع الحياة بلازا)..

الاجراء..
صيانة 80 الف.. وسويتها شاملة بكل تفاصيلها.. ( بالنصب وشفط الفلوس اللي فيها).. لسببين..:
أن آخر صيانة سويتها ال40..بل وكنسلت منها امور كثير..!
و أنها اخر صيانة بسويها..يمكن بحياتي..!! بالوكالة.. طللقتهم بالعشر..!

السيناريو..
ابدا ً.. تم استقبال سيارتي أول شيء.. رغم اللي جاين من قبلي لكنهم دون موعد..
حيث الاولوية لاصحاب الموعد للتنظيم بالاستلام والتسليم..

المهندس شاف السيارة.. بلغته ابغى صيانة 80.. وبألغي بعض الشغلات.. وفي فراغ بعمود الدركسون حال مطبة وانا لاف الطارة.. قالي بيكشفون ويرد لي خبر..
ومشيت.!

3 العصر يدق عليي.. الو السيارة بتجهز في نص ساعة..
و3 ونص وانا عندهم.. والسيارة قيد التجربة للاختبار..
4 وانا استلم الفاتورة.. وهنا القهر..!!

الفاتورة ياطوال العمر والسلامة.. كلفتني الصيانة 3100..!!
قلت ليش؟
قال ميجور 2 وشاملة كل شيء واشتري راحة بالك وانت الكسبان..
انقهرت..

قلت له ايش سويتوا؟
قالي
تغييرزيت القير مع الفلتر
تغيير زيت الدفرنس مع الدبل
تغيير السير الخارجي الماكينة..
تغيير البواجي (استبعدته..قلت بسويها بال100 بغيرها بنفسي لبواجي ngk )
تغييرفلتر البنزين
تغيير فلتر الهواء
تغيير فلتر المكيف (إبن اللذين ب360 ريال تقريبا..! )
وطبعاً تغيير زيت المكينه مع الفلتر
وكذلك تنظيف البخاخات والتشييك على السياره بالكامل
علما ً بمقولتهم المعروفة..ألفرامل باقي بها 25%.. وطنشتهم..!

الخلاصة..
المؤمن لايلدغ من جحر مرتين..

حسيت نفسي سويت غلطة وانضحك عليي.. اقصد هالتكليف مليان اشياء سهلة كلها لو سويتها برا كان افضل ودون مبالغة..يقص نص السعر..!!

وتحسفت اني ما قروشت المهندس ههههههه.. ولا كنسلت الشغلات البايخة بنفسي..
زي فلتر المكيف.. مساحات القزاز..تشييك الكفرات وترصيصها..سير الماكينة.. وحزام الراكب اللي اكثر شيء قاهرني ليه بدلوه..!!

البواجي (زين كنسلتها) والبريكات خراطة وقماشات (زين كنسلتها)..


كنت تعبان من مناوبة الليل.. ومافيني اخاصم ولا استوضح..
قلت يارجل هذي صيانة السيارة الشاملة.. ووراك سفر ياشيخ.. ولابسوي صيانة بعدها..اظن الين تطلع مصيبة.. هههههههه..

وبس..
احس الموضوع مدري وش يبغى ههههههه.. بس حبيت اشارككم التجربة..وتشاركوني الغبنة بهالتكاليف ..ألغريبة..!!

لنطلع من هالموضوع بفايدة حليوة..



-----



شاركونا تجاربكم ياشباب في الصيانة.. :SnipeR (18):
وانطباعاتكم هل تستحق هالاسعار تحت اسم راحة البال.. وهلا غبنة وقهر كما اشوفها.. :SnipeR (40):
ومن ناوي يطلق الوكالة بالعشرين معاي ههههههه..

:SnipeR (7):
</p>
<span id="twitter_btn" style="margin-left: 6px; ">

المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

free counters

Sitemap

الساعة الآن 10:29 AM.


Powered by vBulletin™ Version 3.8.7
Copyright © 2017 vBulletin Solutions, Inc. All rights reserved.
SEO by vBSEO

Security team