منتديات احباب عرب  



العودة   منتديات احباب عرب > منتديات عربية > المنتدى المصري



اخاف أنسى لكن تناسيت روايه رومنسيه جريئه جداً

بدأ كل شي سنة 2009 .. اول شي اعرفكم على نفسي .. اسمي روان و رفيقتي الروح بالروح أنين .. نكتب قصتنا و مغامراتنا .. هذي الرواية رومانسية و حزينة

إضافة رد
 
LinkBack أدوات الموضوع انواع عرض الموضوع
  #1  
قديم 10-04-2012, 03:01 AM
الصورة الرمزية رشاء احمد
رشاء احمد غير متواجد حالياً
 
تاريخ التسجيل: Mar 2010
المشاركات: 64,439
معدل تقييم المستوى: 82
رشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud of
موضوع منقول اخاف أنسى لكن تناسيت روايه رومنسيه جريئه جداً

بدأ كل شي سنة 2009 .. اول شي اعرفكم على نفسي .. اسمي روان و رفيقتي الروح بالروح أنين .. نكتب قصتنا و مغامراتنا .. هذي الرواية رومانسية و حزينة و مغامرات المدرسة و برى المدرسة و صج صج روايتنا جريئة جدا جدا .. من واقع حياتي و حياة انين 100% وقعت على ارض البحرين …ابدي لكم الرواية ( اخاف انسى لكن تناسيت )*
أول شي بعرفكم علي ..روان عمري 15 سنة في ثاني ثانوي .. طويلة بس شوي ممتلئة بيضة بس شوي سمرة من الشمس شعري بني فاتح طويل كيرلي و عيوني جاينيز *خشمي صغير و حتى شفايفي صغار ورديين .. و اعرفكم على انين 16 سنة في ثاني ثانوي .. طويلة طولي تقريبا و سمراء شوي جسمها مرتب و متناسق .. شعرها بني مائل للسواد حرير طويل ماشاءالله يوصل لمؤخرتها و عيونها وساع و شفايفها ورديين ..*

بقلميZaroo &rawan

{البـــارت الأول}
تعرفت على انين سنة 2009 في الصف الثاني اعدادي .. كنا قروب كبير و شوي شوي عرفتها و طقيناها سوالف عن الربع و الصبيان هي بدت اول تقولي : روان بسالج انتي تكلمين !! تفاجأت من سؤالها و وجهي انقلب احمر *، ضربتني تسوي بييييهه شكلج تحبين يحمااارة من قووولي !!! قلت لها : اسمه محمد ال….. تسوي امانه قطعه هو ؟؟ قلت لها اووه ههه جوفي في فيس بوك بس بوصفه لج !! هو طويل اشقر و عيونه جميله زرقاان مايلين للاخضر و فيه تقويم عمره 16 !! تسوي لي : امبييييه ضروري اجوووف صورته !!! شكله قطعه اخخ منج بس ولا تتكلمين !!! ضحكت واقولها وانتيي شكلج تحبين تسوي اي له اكيد افا عليج !! قلت لها من تقولي ولد عمي كميل قعدت اضحك على اسمه عصبت تسوي اوهو اقولهااا اوكي دعاء كميل هااا!!! هههههه تسوي جب جب على الاقل اسمه مو فن بس شكله بلااااااااااااوي !! طويل ابيض و احلى مااافيه هل خشم اخخخ ابييييييييييهه جمميييييل كانه سيف محدد بلاااوي و هل شفااايف يااويلي عليهمم ورديين و شعره ناعم اسود !! يا حليله كله على بعضه جمال و اخلاق و اسلوب و ستااايل و حركااات !! اقولها بييه خقيتي علينا شكله يالملعونه !! ضحكت علي … بس بعد كم شهر .. كل شي تغير .. هديت محمد لانه خاني مع انسانة كانت صديقتي و جرحني … و انين هدت كميل لان ما حست انه تحبه .. بس انه رجعت مع محمد كربع .. في ثالث اعدادي تباعدت عن انين ف ما كنت اعرف شيصير في حياتها و لا هي تعرف شي عني ..*
2011 اول يوم في الثانوي توقعوااا من جفت !!! انين في صفي !!! استااااااتست وااااااااااااااااااااااجد لان اولا !! هي اول انسانة اعرفها من اعدادي و ثانيا بنرجع ربع !!! بدينا نسولف لين ما جت المعلمة .. *كل من دخل الصف .. المعلمة حبوبة و في بنت كانت تتفسلف بشكل فن و تضحك الصف اسمها سارة اعرفكم عليها .. بنت طويلة و حلوة .. حنطااوية واااجد حلوو لونهاا !! و شعرها طويل املح مائل للاشقر كيرلي و عيونهاا جااينيز شوي لونهم عسلي و يلمعون واااجد احب هاي الشي فييها *!! و ضعيييييييييييفه وااااااااجد !!! ياااا موووت سارة للضحك و السواااالف و المصخرة و هاي كله يبين عليها من اول ما جفنااها !!! حبيت البنت من اول شي !! و صارت معااانا كلوز !! سارة تكون رفيقة فدوي ( رفيقتي من اعدادي و بعد ويانا في المدرسة ) فدوي اقصر مني بشوي سماارتها حلوة و عيونها وسااع بنيين .. شعرها دااائما قصير بوي و تصبغه فااتح عليها اب خشم ابي اقصه صغييييييييييير و احلى ما فيها ابتسماتها الاستهباااليه كانها عبسي !!*
في البداية انين كانت تتمشى وي ربعها من اعدادي في الفسحة و انه كنت وي سارة و فدوي و قروبهم .. هني شوي شوي اتقربت من سارة !! كنا كل ليلة نسولف في التلفون كأننا حبيب و حبيبته !! و في المدرسة انه و انين نجنن سارة كل نقولهاا ساااااااااروو يبين علييييييييج تحبييين تسوي اففف مللتوووني يالمجااانين ههههههه ماحب ياااا عااالم ماااحب !! بعدين تقول لنا عن رفيقها محمد تقول : هاااي حمود جنني يبي بنية اضبط له ههههه مممماااا احصل له مضبط البحرين كلها و بعد يبي مجنوون ذي .. بس انه و انين ما اقتنعنا انه بس ربع حسينا في السالفة حب و كذا .. بس في الحصص سوالف او مصخره .. سارة ذاك اليوم تبي تقهر معلمة الثقف تكلمها مثل الا في بنات الثانوية السرااااحة يعني معلمة فراااااااااغه !!! *و المعلمة شوي و تكفخها !! لكن سارة لا مبالاة عندها !!!*
كان يوم الاحد !! علينا ناد مافي معلمة بس جي قااعدين بره الصف !! يجون لينا بنات من صفنا و يقعدون يسولفون و يبسطون !! ذلين هم سارة و هي قصيرة سمرة شوي و شعرها اسود طويييل و شكلها فيلبينو و فطوم طويلة بيضة عيونها عسليين مائلين للاخضر و كان مافيها شفاايف و حاطه تقويم ! شعرها زقرت قصاتها غريبة !! و زهرة قصيرة شعرها بني طويل و عيونها وسااع و بعد فيها تقويم و حواجبها غلاظ !! و بعد كان معانا ثنتين سارة ممتلئة و وجهها حبوب كل لابسة شيلتها بس شعرها بني قصير و بنت عمها حوراء ما عمرنا جفنا شعرها !! بيضة شوي و فيها تقويم .. كلنا قعدنا برى الصف نسولف و بعدين قعدنا نتمشى في المدرسة !! كنت اركض و مرة وحدة نطيت و ينشق مريولي من ورا لحد ركبتي !! قاموا يضحكون السبلان وانه اضحك وياهم على الي صار و من ذاك اليوم صرنا ربع.

اذا لقيت ردوووود بكمل الروايه


المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

Sitemap

الساعة الآن 06:17 PM.


Powered by vBulletin™ Version 3.8.7
Copyright © 2018 vBulletin Solutions, Inc. All rights reserved.
SEO by vBSEO