منتديات احباب عرب  

العودة   منتديات احباب عرب > القسم التقني > سات 2017 ـ sat 2017

ممنوع على الرجال .

السلام عليكم وصح شريبتكم ايوه جيناهاش توا ؟ المرا رقدت وقامت وقتلي يوفى الحديث لا حلت ولاربطت خليلي مفاتح السيارة ..الواه باش تمشي تتسوقي في تونس وتكسي لولاد ؟ تشريلهم

إضافة رد
 
LinkBack أدوات الموضوع انواع عرض الموضوع
  #1  
قديم 08-13-2012, 05:56 AM
الصورة الرمزية رشاء احمد
رشاء احمد غير متواجد حالياً
 
تاريخ التسجيل: Mar 2010
المشاركات: 64,439
معدل تقييم المستوى: 82
رشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud of
موضوع منقول ممنوع على الرجال .

السلام عليكم
وصح شريبتكم
ايوه جيناهاش توا ؟ المرا رقدت وقامت وقتلي
يوفى الحديث لا حلت ولاربطت خليلي مفاتح السيارة
..الواه باش تمشي تتسوقي في تونس وتكسي لولاد ؟ تشريلهم لباس العيد ؟ والا عندك قضيات اخرى ؟
لا هذا ولاذاك ..قررت وصممت باش غدوة كان احيانا ربي نشارك في الاحتفال بعيد المراة ؟
يابنتي لاباس ؟ اش جاك جديد ؟ مانعرفكشي نهار طلعتيلي بها الطلعة ؟ توا عيد المراة من عهد بوكم الحنين رحمة الله عليه ولا مرة شاركتي في الاحتفال امتاعه ؟ ومانعرفوه كان بنهير عطلة وكان احتفلنا فيه احتفالنا في الدويرة وانت تعرفي هذا
قتلك زايد تقنعني .. باش نثور ونشارك في الثورة
..بربي ؟ موش كان تثوري في الكوجينة خير واسلم ؟
يفتح الله الكوجينة غدوة من مهامك ومشمولاتك وزيد شد الصغار عندك للي انروح .
.لا باهي ياسر نقلبوا المشامية ..والا نقلبوا الوضع تولي انت الراجل وانا المرا؟ وموش مستبعد انبدلوا اللبسة زادا .
.اخي اشبيك معقدها ؟ مازلت عايش على البعلي ؟ رانا في القرن الواحد والعشرين كان مافيبالكش وانزيدك زيادة بلادنا عملت ثورة اللي يقلك وكان موش النساء ماتخرجوش للشوارع وتتظاهروا ضد النظام وتطالبوا بالحرية والكرامة
..اي كلامك بيه وعليه وفيه شوية لوجيك سياسي اما راني خايف عليك لا اكثر ولا اقل على القليلة احنا الرجال قادرين على الجري واللهيث والمشطة والبونية والمقصات والمرافق ..تي حتى الفيتوكس ومشتقاته لكريموجان تعودنا عليها ولت كي البارفان عندنا ..اما انتومة كان تسمعوا عجلة امتاع سيارة تفرقعت تقولوا قنبلة وتقبلوها صياح وبكاء والطايح اكثر من الواقف ..يا بنتي العني ابليس وانزعي هاالفكرة الجهنمية اللي ركبت مخك ..هذا ما يكون كان وحدة من جاراتك المتسيسين جابولك دعوة مشاركة ؟
اي واشنية المشكل اش ناقصني ؟ كان على السروال كيف سروالك وكان على السبيدري اغلى من صباطك وكانك على الجري تهنى واطمان عملت ريجيم ونحيتها الكرش اللي كانت كيف كرشك .
.بربي ؟ هذاكة علاش كل يوم وانا انقول اشبيه الفطور خفافي وامعيشتينا على البرودو ؟ مشا في بالي تتقشفي في المصروف وتحافظي على الشهرية للفاتورات امتاع الكهرباء والماء والهاتف وغيرها اللي عدك بيها بدات تزحف مع قرابة عيد الفطر والعودة المدرسية اللي باش اتزيد اتكمل على مرمتنا ؟ وانت سيادتك تحضري فيهم لعيد المراة ؟
قتلك احسبها كيما تحسبها فاما حياة واما فلا وانا قررت وشادة صحيح غدوة محتفلة ميدانيا ومهما تكون النتائج .
.باهي يا للا الحكم من هاك العام ولى بيدكم انتم اللحم واحنا السكين ..اما ما تلومي الا روحك تروحيشي على نقالة امتاع سيارة اسعاف والا عينك زرقة والا ساقك والا يدك مكسورة وتبدي تتوجعي واتفزعي الجيران ؟ انا هاني انصحتك وحذرتك ومن انظر فقد اعذر ودليلك ملك ..ماكي حرة تعرفي اللي يصلح بيك ..اما بيناتنا كان انتبعوا الاحتفالات على التلفزة اضمن وانقص مصاريف وهرج ومرج ..موش خير لي وليك ولاولادنا ؟
لا انت اقعد في الدار وتبع الاخبار وكان سمعت بيها لحمت اخلط علي غادي
..لا اشبيه قلك علي عون حماية وطنية؟ والا يمشيش في بالك كاميرا كاشي الحكاية ؟ راهي بالمجد تظاهرة الله اعلم مرخصة والا لا وكانها موش مرخصة ماك تعرفي البقية .
.لا احنا النساء تهنى ما يضربوناش ولا واحد يتجرا ويمد ايده ويضربنا
..الواه على سواد عينيكم ؟ مانا متساويين كي الرجال كالنساء ..واللي يلحقنا ويشملنا تشاركونا فيه والا ما تحبوا كان على الباهي اما الخايب نشيلوه واحدنا ؟
اي هذاكة هو الموجود ..توا ثمة راجل في وقتنا توا ينجم يمد ايده على حرمة ؟
لا في هذة انا متفق معاك مية في المية اما نعرف الحرمة اللي كيفك تشد ببوشتها واتريض خير ليها ولعيالها ..اما اللي تخرج على طاعة راجلها كيفها كيف الراجل اللي يخرج على طاعة اولي الامر منا بالعربي الحاكم الشرعي ..وانزيد انقلك الحاكم راهو ما يفرقش توا لا بين الراجل ولا بين المرا كي يبدا اللعب بالعشاء ..
توا خطاني وخليني انبرمج المشية وغدوة يحلها الحلال بالكش نقتنع بكلامك وانغير الفكرة ..ايا غم على راسك وارقد والا برا كالعادة للشلة امتاعك في المقهى ..
حاضر عرفتي هاني خارج وامخلي هالك ..وكان اتحبي ننصحك تعملي حزب سياسي ..وسميه حزب ممنوع على الرجال ..واتهني النجاح مضمون بقدرة قادر ..
ما انطولش عليكم العركة والمستوج اللي دار بيني وبين الماجدة حرمي ليلة كاملة ونحنا في هاك السردوك انريشوا ..وهي حبت تتقنع وتفهم ؟ زايد تقول الحكاية بنت وذنها نعرفها خاطيها البيعات المقطعة هذه اما الله غالب وبرا الظاهر الثورة ما فرقتش بين الجنسين وحركت العقول بكلها كي المرا كي الراجل ..وما يجيكمش عجب توصل اصواتهم ورسائلهم ابلغ واهم من رسائل الرجال اللي الى حد الساعة ماعرفوش يعملوا لارواحهم عيد كيما عيدهم ..

من وحي الخيال ليس الا.
بخاطركم


المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

Sitemap

الساعة الآن 07:39 PM.


Powered by vBulletin™ Version 3.8.7
Copyright © 2018 vBulletin Solutions, Inc. All rights reserved.
SEO by vBSEO