منتديات احباب عرب  

العودة   منتديات احباب عرب > القسم التقني > سات 2017 ـ sat 2017

كي امس كي اليوم بوزيد مكسي بوزيد عريان.

السلام عليكم وصحة شريبتكم ناس بكري قالوا " بوزيد مكسي بوزيد عريان ..يعني كان اكساووه ماعنده ما صوروكسب .. وكان خلوه عريان قريان وجيعان نفس النتيجة .. هو بيده بوجوده

إضافة رد
 
LinkBack أدوات الموضوع انواع عرض الموضوع
  #1  
قديم 08-13-2012, 03:01 AM
الصورة الرمزية رشاء احمد
رشاء احمد غير متواجد حالياً
 
تاريخ التسجيل: Mar 2010
المشاركات: 64,439
معدل تقييم المستوى: 82
رشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud of
موضوع منقول كي امس كي اليوم بوزيد مكسي بوزيد عريان.

السلام عليكم
وصحة شريبتكم
ناس بكري قالوا " بوزيد مكسي بوزيد عريان ..يعني كان اكساووه ماعنده ما صوروكسب .. وكان خلوه عريان قريان وجيعان نفس النتيجة .. هو بيده بوجوده بوزيد اللي تعرفه الناس..هذا البوزيد الله اعلم اش يقصدوا بيه لاقالوا فرج ولا قالوا علالة ..ولاقالوا عدس ولا قالوا قرفالة ..قالوا بوزيد ..بالكش يقصدوا بوزيد الهلالي والهلايلية اللي عندهم تاريخ في بلادنا و ليهم امجاد وحكايات ؟ اش علينا ..حبيت نعرف الواه بوزيد كي امس كي اليوم ؟ بوزيد في العهد البائد قالوا انسوه وهمشوه وتجاهلوه وقمعوه وحقروه وبالتالي خلوه يقاسي ويعاني من سياسات التهميش والجهوية وما تابعها من محسوبية وتضليل ومحقرانية ..خلوه بوزيد الفقير والمفقر مع سابق الاضمار والترصد ..ولكن ظل هو بجوده وبنفسه بوزيد وبعد تلك الحقبة التاريخية الطويلة المملة ثار بوزيد وثارت معاه العشاير والعروش ولحمت مع بعضها البعض وشاركاته في عصيانه وغليانه ونوضها ثورة لاهبة شاعلة حرقت الاخضر واليابس ..وبكلها في ايامات معدودة ولت بوازيد حرة مناضلة ومقاومة للنظام الجائر والحاكم الظالم ..وقتها اغلب الناس ما كانتش تعرف بوزيد اما تعرف المثل اللي بدينا بيه ..ثار بوزيد وثورها
والناس الخايفة حررها
والناس الراقدة فيقها
والناس الدايخة صحاها
والناس العابثة والفاسدة زعزعها وارعبها وهربها وشتتها
وقلبها ساسها على راسها .
.ساعتها عرفت الناس اشكونه بوزيد
وحتى العالم اعترف بيه وبافضاله.
. زاراته جحافل ومحافل تتودد وتتزاحم
ومع بوزيد حبت تتلاحم
..عرفت قدره وحست بقيمته برجاله واولاده ونساه
..على ترابه نزلوا رحالة
ونصبوا خيم للتبرك والتغني بخصاله
..جاووه خطابة ورغابة
..وباعلامهم استشهدوا بثورة الناس الغلابة
..قالوا بوزيد ظلموه واللي ظلمه يلزمنا نحاسبوه
..قالوا بوزيد فقروه وجوعوه وحقروه
والخير اللي منه حرموه
باش انردوه وانضاعفوه
وبوزيد نكسوه
من ساسه لراسه انبوسوه
..عملوا تذكار للشهيد وبدلوا الاسامي
..باش يصبح بوزيد رمز الكرامة والشهامة
ونهار 17ديسمبر هوعيد الحر الهمامي
..وزغرطوا يا نساء تجلت الغمة
وقعد بوزيد من لمة الى لمة
..افرحي يا خالتي واشطحي يا يمة
..وانسوا الخصاصة والحرمان
..مشى هاك الزمان واليوم احسن زمان
..وبوزيد عنقر شاشيته
..ولبس الجبة الحرير القمراية
وشاف وجهه في المرايا
..يا فرحتي بيكم ياهطاية
..يافرحتي باحزابي واحبابي جاو بحذايا
..بنوله في الجنة ذراع
والخير في الداخل والخارج ذاع وشاع
..ويكسب بوزيد ويرجع الصاع صاع
..بوزيد بعد مدة راجع روحه
وعاين ظروفه ولملم جروحه
..ضحك للدنيا وقال هاي ازهات ياحوات ياحوات
..على الماضي امسح مات
وقلنا وقالوا معاه ننسوا الماضي ونترقبوا الات
..وبعد الانتخابات والشطحات والنفحات والفروحات والشيخات
فاق بوزيد واستفاق
وعرف اللي هو قريب يرجع للسبات والغفوات
..لقى بوزيد روحه مغطي بكساوي الاوهام
..ومشاريع مقيدة كيما كانت في الزمام
..حس بالجوع يدغدغ فيه
والماء اللي اتقص عليه .
.والتهميش اللي مازال واحل فيه
..قال اشكون بوزيد اليوم مازال يفكر فيه ؟
حصل مافي الصدور
وكي عاود ثار لام عليه خوه النغار
وقال هذومة ناس من القبور
من العهد المقبور
يحركوا فيه
وللعصيان يدزوا فيه
.. اما اللي يعرف بوزيد
الكذب والتنوفيق معاه ماتفيد
يعرفوه فارس مقدام
لا يخشى في الحق مقام
.يعيبوا عليه غضبه ونقمته ويعترفوله بحقوقه المشروعة
ويقولوا على الثورة ماهياش فكان وغورة
..اما هو كره ضربان اللوغة
...بوزيد حر وما يقبل ذل ولا حقرة
تكسوه تعروه بوزيد هو بوزيد
..بوزيد مكسي بوزيد عريان ..
اما ساعة تعرفوا غضبه
بوزيد لا يتلام ولا يتهان .
والثورة للي مازال يصدر في البهتان
قادها الزوالي الحفيان
تزعمها ومات فيها البطال والجيعان
لكن اللي راكبها اليوم انسان
لابس عباءة من صنع الجان
ومع بوزيد اعدلوا في الميزان
قبل فوات الاوان
.بوزيد مكسي بوزيد عريا
ن .
:frown:


المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

free counters

Sitemap

الساعة الآن 04:34 AM.


Powered by vBulletin™ Version 3.8.7
Copyright © 2017 vBulletin Solutions, Inc. All rights reserved.
SEO by vBSEO

Security team