منتديات احباب عرب  



العودة   منتديات احباب عرب > منتديات عربية > منتديات الجزائر



الغولا خرجتلي ...يوم مرعب

السلام عليكم و رحمة الله و بركاته لاباس ؟ سؤال وش جابك هنا قالولك انا نناك >باغية نحاجيك سير شوف موضوع وخداخر

إضافة رد
 
LinkBack أدوات الموضوع انواع عرض الموضوع
  #1  
قديم 08-05-2012, 01:47 AM
الصورة الرمزية رشاء احمد
رشاء احمد غير متواجد حالياً
 
تاريخ التسجيل: Mar 2010
المشاركات: 64,439
معدل تقييم المستوى: 82
رشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud ofرشاء احمد has much to be proud of
موضوع منقول الغولا خرجتلي ...يوم مرعب

السلام عليكم و رحمة الله و بركاته

لاباس ؟


سؤال وش جابك هنا

قالولك انا نناك >باغية نحاجيك



سير شوف موضوع وخداخر












نمثخر برررك ارواح هنا وين رايح


هاذ القصة عندها عام تقريبا :122:


لعلمكم انا نرقد من جيهة التاقة (النافذة ):baby:


في احد الليالي الحارة


و من كثرة الحر الشدييييييييييييييد

ما قدرتش نررررررررررقدx8

جربت كل الطرق


بقيت نحسب و نحسب و نحسب::568::


واحد ..زوج ...ثلاثة ..ربعة ...خمسة ...مية ...ثلث مية ......سبعين ..صفر ....الف


مي ما نفعتش

اففففف وش ندير دوك

رحت بردت روحي بماء بارد


ياااه منعش:cipollinojoyhn6:


لكن لم يدم سوا خمس دقايق


و بعده حرررررررررررررررر


هنا تذكرت معلومة:mf_dribble:


اذا قلت سبحان الله و بحمده مائة مرة غفرت ذنوبك و لو كانت مثل ******د البحر



قلت الحمد لله:inu:


من جيهة نيبح حتى نعيا و نرقد و من جيهة ذنوبي بحححح>>>ان شاء الله




بقيت نسبح و نعاود نسبح و نعاود


مي ما كان والو


الرقاد قالي ارقدي نتي :122:


افففف وش ندير دوك

بقيت نشوف للبرا ....كان القمر مكتمل


بقيت غي نشوف نشوف


بالاك عينيا يعياو يتغمضو لروحهم و نرقد !!


بففف القمر عيا و هوما ما عياوش:dasas:


بعدها استسلمت انقلب للجيهة الاخرى غطيت روحي بالقطنية


غمضت عينيا


نلعبها شوية راقدة بالاك صح نرقد:baby:



بفففف السخانة السخانة ما قدرتش نصبر


و انا افكر في طريقة اخرى علها تنفع و انام


اذا بصوت ...


وش هذا ...موسيقى


لا لا اصبرو شخيييييييييييييييييييير :hah:



واي


هذا الي ناقصني دوك


السيدة من جيهتي في سابع نومة و عاد تشخر و انا مباصية من جيهتها:inv:



صايي تباصيت


الرقاد راح


اففف وش ندير معاها حتى تسكت


ما بقاتش طريقة درتهالها

كامل فشلو:246:


بعدها بقيت نصفق بالاك تسكت:150:


ياو نوضت عرس وحدي:122:


هي تغني و انا نصفق يخص واحد يرقص و هي تسقمت:mf_dribble:


اففف و اخيرا سكتت بطريقة سرية واحد ما نقولو عليها:inv:


تهنيت منها دوك


اه عييت مالتصفاق


خلاص دوك سور رح نرقد:innocent[1]:


كان بيني و بين الرقاد لحظة

و فجاة




اي رجلي واحد عفس علياx8


و شكون هذا


دورت راسي


اعلى اسفل

يمين يسار


ما كان حتى واحد:الغولا خرجتلي ...يوم مرعبh::


وش بالاك راني نتخيلx8


قنعت نفسي بهاذ الفكرة


و رجعت رقدت

اه تكرر الامر للمرة الزاوجة

واااااااي رجلي

و شكون هذا x8

بعدت الغطاء من وجهي

اوه ما كان حتى واحد :الغولا خرجتلي ...يوم مرعبh::


بفففف راني نتخيل


اواه لا لا


يلا صح ما تصراليش 2 مرات


صايي الرقاد رح:122:

دوك من مهمة التصفاق رحت لمهمة العس:dasas:x8

بقيت نرقب غي بالشوي من وراء الغطاء:baby:


و شكون هذا الي راهو يعفس عليا

و في قلبي حقققققققققققققققد شديد و ناوية نعاقبو سور:inv:


بقيت نص ساعة و ما كان حتى واحد


رجعت رقدت و قلت هاذي باينة كنت نتخيل بررررررك


مي ما كاش الرقاد صايي راح :246:


الباب نتاع الاوووول >الممر >> راهو يتحل :mf_dribble:

اوووووه هذا خاين


راني نسمع في خطوات

وش ندير دوكx8

نتظاهر بلي راني راقدة بشما يقتلونيش ؟:الغولا خرجتلي ...يوم مرعبh::


اوه لا لا


نضت من بلاصتي


رقبت غي بالشوي من باب الغرفة بش نشوف وجهو


ما كان حتى واحد !!!


شفت يمين يسار حليت الباب كامل


ما كان والو

نتخيل ثاني ؟؟!!

اواه لا لا x8


حليت باب الغرفة كامل و رجعت لبلاصتي


بش اذا فات كش واحد نشوفو :dasas:


وليت نخدم عساس:hah:


بعد ربع ساعة راحت بيا عيني


شوية و رقدت سمعت خطوات


بعدت الغطا بش نشوف شكون


ظلالالالالالام ما شفت والوx8


اووو راهو مهود للتحت


راني نسمع حسو فالمدارج


هدا سور كمل الخيانة هنا و راهو مهود للتحت :122:

يا ربي نروح ننوض السيدة الي من جيهتي ؟!

وش ندير دوكx8

الدار كاملا راقدة و غي انا الي فاطنة

راهي 3 و نص

بففف

قنعت نفسي بلي راني نتخيل


بيسك الخاين صعب يروح لدار يخونها


و عارف بلي فيها الناس:baby:


اذا دارها راه يريسكي


درت للصور بش ما نسمع والو:baby:


تغطيت بش ما نشوف حتى حاجة:dasas:


و استسلمت للنوم


اي رجلي واحد عفس عليا و خرج مالتاقةx8

نضت ديراكت رقبت افف ما كان حتى واحد:الغولا خرجتلي ...يوم مرعبh::


يا لطيف


انا ما نرقدش دوك:الغولا خرجتلي ...يوم مرعبh::


نضت من بلاصتي كامل


درت عملية تفتيش


فتشت المنطقة

ما كان حتى واحدx8


قنعت نفسي للمرة الثانية راني نتخيل برررررررك:baby:



رحت لبلاصتي بش نرقد


و من وين يجيني الرقاد


صايي بححح


ال bus نتاعو فاتني


و سيادي راهو فالمنام السابع:baby:


بقيت ثم نتحسرx8


اففف غطيت وجهي

ما كان والو


بعدها بعدتو بيسك السخانة قتلتني مع العلم ما نقدرش نرقد بلا ما نتغطا

بففففففف

اه وش هذا

الضو راهو شاعل:الغولا خرجتلي ...يوم مرعبh::


و شكون شعلو ؟x8


كامل راهم راقدين


اي


هادي غولا :mf_dribble:


و لا بالاك هاذا هو بوشكارة الي كانو يخفو فيا بيه:mf_dribble:



لا لا هاذوك سخافات برررك:122:

راني كبيرة كيفاش نقول هك



>>>زعما


بالاك واحد من خوتي شعلو و انا ما حسيتش بيه:inu:

---


الضو نتاع الممر ما زال شاعل


عاودت رجعت الغطاء على وجهي:الغولا خرجتلي ...يوم مرعبh::



جاني فضول بش نشوف يلا ما زال شاعل و لا لا


بعدت الغطاء


كارثة راهو طافيx8


درت يدي على جبهتي

بالاك الحمى و رجعت نخرف


اي حرقتني السخانة بزاااف


ما عدتش نفرق:baby:


هادي المرة قلت خلاص نرجع نرقد و الي يصرا يصرا:الغولا خرجتلي ...يوم مرعبh::


الناس راقدة و انا نعسلهم الدار:122:

مش عدل:dasas:


انقلب للجيهة الاخرى


و رقدت


اووو الباب اتحل ثانيx8

درت روحي كلي ما سمعتوش :الغولا خرجتلي ...يوم مرعبh::


هدا سور واحد من خوتي

السيد راهو مهود للتحت:الغولا خرجتلي ...يوم مرعبh::


وش رايح يدير هذا لتحت

انا سمعتو اتحل


لو كان واحد خرج ما نسمعش الحس الداخل


يعني هذا كان برا و دخلx8


وااااااااي كارثة


راني نسمع فالطباسا يتكسرو لتحت

هنا ثاني نتخيل ؟:inv:


بقيت نهود ما نهود... نهود ما نهود


اخيرا قلت نشوف و شكون هذا الي عفس عليا حتى شبع و طير الرقاد من عينيا

هودت صاااااااروخ :122:


صبت الوالد قدام باب غرفتو يشوف في حاجة:mf_dribble:

شفت لوش راهو يشوف

بقيت نضحك:150:

قطة ....مفرغ عليها الحليب و البيض

مسكينة تشف:122:

دورت راسي للجيهة الاخرى


الفرييدار محلول

و

كلش ملبز


الزجاج فالارض مكسر البيض ثاني


الارض كامل بيضا مالحليب:dasas:

بففف


القطة هربت بعدما دارت كارثة

راح ضحيتها

انا :innocent[1]:

التحقت الوالدة بالموكب

شافت فيا

قالتلي القطة حسابها غدوة


رفدت قطع الزجاج الكبيرة

و رماتها

قالتلي جيبي جفافة و نقي

و كي تكملي ديري حاجة قدامو x8

رجعو هوما كملو رقادهم:baby:


بلا ما ننسا الجماعة لخرين كامل راقدين


و انا بقيت نجفف

ندمت و علاش ما قنعتش روحي بلي كنت نتخيل:الغولا خرجتلي ...يوم مرعبh::


بفف كملت خف خف


و في نيتي عقاب للخاين و الغولا و بوشكارة الي دار كل هذا:inv:

غدوا من ذاك


ذيك القطة احسست بنوايايا الشريرة:122:

ما دارتش قاع


و بيانسور زوخت حتى شبعت


انا فطنت بيها و نتوما ما فطنتوش:baby:


قلتلهم في قلبي ما عرفتوش وش صرا:122:


ايا طيرو كملو دراهمكم:dasas:



---------لمحبي الكوبي كولي -----


ههههههههه مرسي



و الله يا ماريجا نتيا وحدك ...هادا اوكل علاجال قطة



اختي مركي راكي خوافة بزااااف..مي عجبني موضوعك هايل


زهيرة نتي مواضيعك دايمن بايخة و نقولك انقلي خيرلك


معلومات قيمة شكرا لك اخي


---------


ايا كيما تفكرتكم بالكوبي كولي تفكروني بالتقييم


احم قبل ما ننسا


نصيحة في وجه ربي للي يبغي القطوطا و ناوي يربي وحدة


غي اخطيك


هاذو راهم يحلو الفريجيدار و الفور ...و يتفرجو معاك :dasas:

و غدوا يقولك نوض من الميكرو راهو كمل وقتك:122:



صايي كملو دراهمك علاه ما زلت هنا


دير رد ..قيم و طير


المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

Sitemap

الساعة الآن 10:35 AM.


Powered by vBulletin™ Version 3.8.7
Copyright © 2018 vBulletin Solutions, Inc. All rights reserved.
SEO by vBSEO