منتديات احباب عرب  



العودة   منتديات احباب عرب > منتديات عربية > منتديات المغرب



حصري تم بحمدلله تركيب قطعة تشغيل السياره عن بعد .. للكامري الامريكي فقط صور + فديو

السلام عليكم ورحمة الله وبركاته تم بحمدلله تركيب قطعة تشغيل السياره عن بعد .. للكامري الامريكي فقط .. افولكم ايش صار معاي بالضبط .. قبل شهرين تقريباً .. شفت

إضافة رد
 
LinkBack أدوات الموضوع انواع عرض الموضوع
  #1  
قديم 08-04-2012, 02:37 PM
الصورة الرمزية حمد السوداني
حمد السوداني غير متواجد حالياً
 
تاريخ التسجيل: Dec 2011
المشاركات: 44,695
معدل تقييم المستوى: 51
حمد السوداني is on a distinguished road
موضوع منقول حصري تم بحمدلله تركيب قطعة تشغيل السياره عن بعد .. للكامري الامريكي فقط صور + فديو

السلام عليكم ورحمة الله وبركاته

تم بحمدلله تركيب قطعة تشغيل السياره عن بعد .. للكامري الامريكي فقط ..
افولكم ايش صار معاي بالضبط .. قبل شهرين تقريباً .. شفت مقطع لكامري امريكي موديل 2007 يشغلها عن بعد .. وعجبني الموضوع .. رحت لورشه هنا في المدينة اعرف واحد موجود فهذي الورشة .. انسان فاهم ما شاء الله .. المهم تكلمت معاه عن هذا الموضوع .. ودخلنا على النت .. وعرفنا كل شي عن هذا الموضوع .. اذا بتعرف سيارتك موجوده فيها هذي القطعه حقت التشغيل عن بعد ولا لا .. راح نعرف بعد شوي .

مدة تركيب القطعه : انا بالنسبة لي ركبوها لي في ثلاثه ايام علشان اول مره يركبونها .. وتعبتهم البرمجه شوي .. بس في النهاية عرفو طريقة البرمجه كيف .. لكن اللي بيركبها بعد كذا اذا بيجيب السيارة للورشه الصباح ممكن يستلم السياره فنفس اليوم بالليل .. وبالكثير يومين .

طبعاً لازم تنفك كل الديكورات اللي في السياره ما عدا المسجل والمكيف .. وفكها وتركيبها سهل جداً .. الحمدلله انا فكوها لي ورجعوها بدون اي تكسير .

طريقة التشغيل عن بعد : سهله جداً .. اصغط بالريموت على اللي يقفل الابواب مرتين والمره الثالثه خلك ضاغط على نفس الزر لمدة خمس ثواني .. راح تشتغل السياره .. واذا بتطفي السياره .. اضغط بالريموت على اللي يفتح الابواب مره واحد بس .. وتطفي السياره .. طبعاً اذا شغلت السياره عن بعد .. راح تكون ابواب السياره الاربعه مقفله .. بمجراد انك تفتح الباب .. تطفي السياره .. وانا جربت بعد من داخل السياره .. ( السياره طافيه ) قفلت الابواب .. شغلت السياره بالريموت وانا داخل السياره .. اشتغلت تمام .. ولما ضغطت على الفرامل .. طفت السياره يعني ( أمان للسياره من السرقه ان شاء الله ) وماتشتغل بعد كذا الا بالمفتاح .. او بالريموت اذا كانت بالبصمه .

( وفيه امكانية انك تشغل مكيف السياره بارد / او حار مع تشغيل السياره عن بعد .. او تشغل السياره بدون المكيف .. عادي تشتغل )

بالنسبة للقطعه : ( هي قطعتين ماهي قطعه) .. و تعتبر اكسسورات للكامري امريكيه .. وشي اصليه من نفس الشركه يعني ان شاء الله بتركبها وانت مرتاح البال .. هذي القطعتين تركب فجميع الموديلات 2007 الى 2011 .. وكل الفئات ..
هذي القطعتين سعرها تقريبا 422 دولار يعني 1702 ريال .. قطعه تركب داخل الكبوت .. وقطع داخل السياره .. بس غالباً الكامري اللي من فئة xle تكون القطعه اللي داخل الكبوت موجوده اصلاً شد بلد .. وباقي الفئات ما اتوقع تكون فيها ( اللي في الكبوت ) .. طريقة بسيطه للي يبغا يتأكد ان القطعه اللي في الكبوت موجوده ولا لا .. يفتح كبوت السياره ويشغل السياره .. ويقفل الابواب .. ويشوف تشتغل معها اللمبة اللي في الطبلون ان الكبوت مفتوح ولا ماتشغل لمبه ! .. اذا اشتغلت اللمبة يعني القطعه موجوده .. كويس تمام ( يعني فهذي الحالة ماتحتاج الا قطعه واحده من امريكا سعرها تقريباً 380 دولار ) يعني تقريباً 1500 ريال وقيمة الشحن 205 ريال والتركيب مع البرمجة ب 350 ريال يعني يابتكلفك ( 2257 ريال ) او ( 2050 ريال ) يعتمد على القطعة اللي في الكبوت موجوده ولا لا .. نسيت اقولكم ان القطعه تجي بالظفيره حقتها .. يعني كامل مايحتاج تقص شي من الاسلاك .. بس تركيب افياش ..

بالنسبة للورشه اللي ركبتها عندهم : المدينة المنورة - المركز الذهبي لصيانة السيارات - بجوار الشؤون الصحية اللي فطريق المطار - عند مهندس اسمه صالح ..
وبعد هم اللي اشترو لي القطعه من امريكا .. من موقع eBay .. وقالو لي يبغاله من 10 ايام الى 15 يوم علشان توصل القطعه من امريكا .. والحمدلله بعد 12 يوم بالضبط اتصلو علي قالو لي قطعتك وصلت تعال ركبها



وهذا فديو من تصويري انا .. يوضح طريقة التشغيل عن بعد






وهذي الصوره لرقم القطعه اللي اشتروها لي من امريكا .. الرقم اللي فوق حق الكامري الهايبرد
والرقم اللي تحت حق ال xle و le و se و ce

حصري تم بحمدلله تركيب قطعة تشغيل السياره عن بعد .. للكامري الامريكي فقط صور   فديو




وهذي القطعة المهمه اللي تركب داخل السياره

حصري تم بحمدلله تركيب قطعة تشغيل السياره عن بعد .. للكامري الامريكي فقط صور   فديو




وهذا تصوير ثاني لمكان القطعه

حصري تم بحمدلله تركيب قطعة تشغيل السياره عن بعد .. للكامري الامريكي فقط صور   فديو




وتصوير ثالث للقطعه ومع ظفيرة القطعة

حصري تم بحمدلله تركيب قطعة تشغيل السياره عن بعد .. للكامري الامريكي فقط صور   فديو





وللي يبغا يتأكد ان القطعه موجوده فسيارته ولا لا يشوف الصورة اللي تحت ( يفتح الدرج الكبير ويشوف مثل ماهو واضح في الصورة ( يسار الدرج من جواا )

حصري تم بحمدلله تركيب قطعة تشغيل السياره عن بعد .. للكامري الامريكي فقط صور   فديو




لو نقرب اكثر نتأكد ونشوف

حصري تم بحمدلله تركيب قطعة تشغيل السياره عن بعد .. للكامري الامريكي فقط صور   فديو




( ملاحظ مهم : القطعه تجي من امريكا بدون كالتوج حق التركيب .. الكالتوج موجود عن المركز الذهبي بس .. انا دورته في النت مالقيته .. اربعين صفحة الكالتوج .. مدري من فين جابوه الكالتوج .. يعلمك من اول خطوه الى اخر خطوه للتركيب .. اصعب شي بصراحه البرمجه لآنو مواضح في الكالتوج .. بس الحمدلله عرفو طريقة البرمجه )

اللي يبغا يسئل عن شي .. انا موجود ان شاء الله وتحت امركم فأي وقت ..

وهذا جوالي
0566656522 فهد

اسف على الاطالة .. .


المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

Sitemap

الساعة الآن 07:01 PM.


Powered by vBulletin™ Version 3.8.7
Copyright © 2018 vBulletin Solutions, Inc. All rights reserved.
SEO by vBSEO